سؤال و ياريت الكل يدخل يقول راية

اية فى العربية يكون بايظ يخلى العربية تبطل وهيا ماشية حتى على سرعة عالية ولما تدور تانى تدور عادى خالص

مع العلم العربة اوتو بانتظار ارائكم

اية يا رجالة الدايو محدش عارف ممكن تكون اية المشكلة

فين وحوش المنتدى؟؟؟؟؟؟؟؟؟

ممكن فيوز - طرمبه بنزين - حساس المنفول
بس يا ريت توضح بتبرجل قبل ما تطفى ولو شغلت التكيف بيحصل ايه بتدور الصبح ازاى قول بعض المعلومات

اقتباس:

---

المشاركة الأصلية كتبت بواسطة more_try2

ممكن فيوز - طرمبه بنزين - حساس المنفول
بس يا ريت توضح بتبرجل قبل ما تطفى ولو شغلت التكيف بيحصل ايه بتدور الصبح ازاى قول بعض المعلومات

---

هى بكل بساطة بتبطل كانى طفيت الكونتاكت من غير ما تبرجل و بدون اى مقدمات حتى انها حتبطل

يعنى ادوس بنزين الاقى مفيش استجابة و صوت الموتور رايح اعرف انها بطلت

ومش مرتبطة باى حاجة ممكن تقعد يوم كامل مش تبطل و فى مشوار صغير تبطل عشر مرات

وهو دة اللى مجننى لانها بمجرد ما تبطل ادور تدور بكل بساطة ولا كان فى حاجة حصلت

ووديتها لمحمد السيد قالى زى الفل وكل حاجة ليها علاقة بالكهرباء زى الفل بس برضو لسة بتبطل يعنى بعدنا عن الحساسات كمان لانو كشف بالاسكانر وطلع كلو تمام

شوروا عليا اعمل اية ولا اكشف على اية؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

كانت بتعمل معى كده بس مش على سرعة لكن و انا قارص و بعدين افرمل و اتحلت بنظافة الايدل

الكنترول بيتهز

اقتباس:

---

المشاركة الأصلية كتبت بواسطة maka

كانت بتعمل معى كده بس مش على سرعة لكن و انا قارص و بعدين افرمل و اتحلت بنظافة الايدل

---

هوا فى الغالب الموضوع بيحصل على سرعات قليلة ومش مرتبط بالقرص لان بيحصل كدة برضة مع مراتى و هى مش بتزود عن 60

وبالنسبة لنضافة الايدل دى تتم ازاى و هل انا اعملها ولا احسن اوديها للميكانيكى؟

اقتباس:

---

المشاركة الأصلية كتبت بواسطة petershaker

الكنترول بيتهز

---

يعنى اية ؟؟؟؟؟؟؟؟

ممكن توضيح قصد حضرتك على اى كنترول؟؟؟؟؟؟؟؟؟؟؟؟؟؟؟؟

اما ايديل او قطاش بطارية راجع علي الاثنين جيداً
او بداية تلف حساس كرنك

انا اعرف ان فى 2 حساس فى المنفول واحد اسود فوق والتانى تحت ومبطط كده معرفش اسمه ايه والله دا بتنضف بردو ولا يتغير على طول لانه كان بيعمل نفس المشكله تقريبا بس تحس ان العربيه دايره بس مبتقبلش ازود وتحسها هتطفى بس مبتطفيش ولو بطلت ودورت تمشى عادى

اقتباس:

---

المشاركة الأصلية كتبت بواسطة tarek_2005

اما ايديل او قطاش بطارية راجع علي الاثنين جيداً
او بداية تلف حساس كرنك

---

الايدل و كل حاجة ليها علاقة بالكهرباء فى العربية تمام بناء على كلام محمد السيد

ومفيش حساس كرنك فى الاسبيرو

هل عند حضرتك تفسير لانى قربت اتجنن؟؟؟؟؟؟؟؟؟؟

اقتباس:

---

المشاركة الأصلية كتبت بواسطة more_try2

انا اعرف ان فى 2 حساس فى المنفول واحد اسود فوق والتانى تحت ومبطط كده معرفش اسمه ايه والله دا بتنضف بردو ولا يتغير على طول لانه كان بيعمل نفس المشكله تقريبا بس تحس ان العربيه دايره بس مبتقبلش ازود وتحسها هتطفى بس مبتطفيش ولو بطلت ودورت تمشى عادى

---

للتوضيح بس هيا العربية فعلا بتطفى وكل اللمض بتنور فى التابلوة يعنى كانى فاتح الكونتاكت بس انما مبتكونش دايرة خالص العربية بتبطل فعلا

عيب ايديل لا محالة او بوابة

اقتباس:

---

المشاركة الأصلية كتبت بواسطة tarek_2005

عيب ايديل لا محالة او بوابة

---

:S_thum1[1]:

السلام عليكم
كان عندى نفس المشكلة وبعد لف وتدوير و الكشف على كل حاجة و تنظيف البوابة و الايدل لقيت السبب كان فى حساس مؤشر السرعة اللى بيركب فى الفتيس غيرت الحساس والموضوع اختفى اللى خلانى اشك فية ان مؤشر السرعة كان حركتة غير منتظمة . جرب كدة وشيل الفيشة بتاعة الحساسة ومتخفش مفيش منها اى مشاكل لمدة يوم او يومين وشوف الوضع اية .

اقتباس:

---

المشاركة الأصلية كتبت بواسطة ahmedismael

السلام عليكم
كان عندى نفس المشكلة وبعد لف وتدوير و الكشف على كل حاجة و تنظيف البوابة و الايدل لقيت السبب كان فى حساس مؤشر السرعة اللى بيركب فى الفتيس غيرت الحساس والموضوع اختفى اللى خلانى اشك فية ان مؤشر السرعة كان حركتة غير منتظمة . جرب كدة وشيل الفيشة بتاعة الحساسة ومتخفش مفيش منها اى مشاكل لمدة يوم او يومين وشوف الوضع اية .

---

مؤشر السرعة منتظم تماما و مفيهوش اى مشاكل هى العربية بتكون ماشية تمام بس دايما لما بتبطل ودة بعد تجارب كتير بتكون ماشية على سرعة قليلة يعنى لحد دلوقت مبطلتش على سرعة فوق ال 40 ابدا و دة لحد دلوقت من ساعة ما المشكلة بدات

اقتباس:

---

المشاركة الأصلية كتبت بواسطة tarek_2005

عيب ايديل لا محالة او بوابة

---

طب ودول مش بيبانوا بالكشف فى الاسكانر ولا بيبانوا ازاى؟

دى اكيد قطاش البطرية كانت بتحصل معايا

انا زهقت يا جماعة تقريبا كل حاجة اتجربت و لسة العيب موجود حد عندة اى اراء؟