الموضوع: عايز اغير من معدني لتخليقي و من نوع لنوع و شوية حاجات فوق بعض

بسم الله الرحمن الرحيم
السلام عليكم و رحمة الله و بركاته


اولا انا جيت اسألكم لأن زي ما بيقولوا اسأل مجرب و لا تسأل دكتور
و الطبيعي ان الدكتور العلاج بتاعه و لازم يشكر فيه و كأن مفيش احسن منه

اولا انا مشاويري قليلة و مبمشيش كتيير بالعربية فبقالي حوالي 4 سنين بستخدم زيت معدني موبيل و دايما بغير الفلتر مع كل تغييرة او تغيرتيين

فكنت عايز اغير لزيت تخليقي و نوع تاني لسببين
اولهما : ان مشاويري هتكتر شوية الفترة الجاية ان شاء الله
و ثانيهما : ان موبيل مبقاش عاجبني زي الأول و شكله خلاص
و لسه عايز احط شوية اضافات زي منظف للانجيكشن و السيراتك عشان اظبط الليلة كلها مرة واحدة

فدلوقتي ايه النصيحة من من لديه الخبرة
لأني سمعت كلام مختلف و محتار

ناس بتقول لازم تستخدم فلاش oil flush عشان انضف الموتور من رواسب الزيت المعدني قبل التخليقي
و طريقة استخدامه اني قبل ما اغير لتخليقي اني احط الفلاش مع القديم و انزله و بعدين احط التخليقي و فلتر جديد و خلاص كده

و دلوقتي فيه موضوع نزل ان الـflush غلط ع الموتور و انا مش ناقص حاجة تحصل للموتور
http://www.nilemotors.net/Nile/261436-oil-flush.html

و فيه ناس بتقول عادي التغيير بين الاتنين و مفيش اي مشكلة بس نغير الفلتر

و ناس تقول كلام تاني كتيير مش فاكره

و الواحد محتار اساسا من غير حاجة في نوع الزيت و شايف انهم كلهم واحد , موبيل خلاص و شل شكله بيحصل موبيل طب دلوقتي نستخدم ايه ؟؟

فتنصحوني بايه ؟؟
اغير لتخليقي و ايه الخطوات اللي اعملها بحيث ان الموتور يفضل كويس و ايه الاضافات اللي استخدمها
و لا اخليني معدني و خلاص و احط نوع افضل و لو هغير النوع هل فيه مشكلة و لا طالما معدني عادي الفلتر بس اغيره

و ايه اللي ممكن يكون افضل دلوقتي بين الزيوت مع العلم ان عايز زيت يخلي صوت الموتور هادي و يحافظ عليه

مع العلم ان العربية التو 800 سي سي موديل 2008 يعني العربية لسه و سواقتي هادية 99 في المية من الوقت

و ايه رأيكم في حوار الاضافات زي السيراتك و الكلام ده كله و لأني متشكك في موضوع السيراتك و طبقة السيراميك ده طب مع الوقت ايه اللي هيترتب الطبقة بتروح و لما بتروح بتروح فين ؟؟ و ايه الاثار الجانبية اللي بتترتب ع استخدامه ؟

في انتظار ردكم :)