أوبترا ولا نيو أكسنت؟ وفيه حاجة غيرهم؟

السلام عليكم..
أنا كنت عاوز حاجة في حدود 50 ألف.. بس الفلوس زادت شوية فا قلت أعلي بالسعر حبتين. حاليا معايا 70 باكو ودا تقريبا أقصي حاجة أقدر أوصلها في الوقت الحالي.. العربية اللي فاتت معايا كانت لانوس فا مش منطقي اني أجيب أي حاجة تانية في نفس الشريحة.. من الآخر عاوز أطلع شوية.

المقارنة حاليا بين اتنين.. نيو أكسنت وأوبترا الاتنين استعمال جميع كماليات مانوال..
عاوز عرف مين فيهم أحسن.. أو بالأصح مين فيهم قيمتها فعلا في الفلوس اللي حاتدفع فيها؟ وهل الأوبترا تستاهل فعلا فرق السعر بينها وبين النيو أكسنت؟ وبعيدا عن اللانسر والصني (اللانسر زهقت منها والصني تجميع مصري) فيه حاجة تانية ممكن حد يرشحهالي؟

سؤال كمان.. أنا سمعت عن مشاكل كتير ووجع دماغ ف الاوبترا.. هل الكلام ده صح؟ أخويا جايب أفيو اوتو من رمضان اللي فات ماظهرش فيها أي مشكلة من اللي بيقولو عليهم فا بصراحة مابقيتش مصدق كل كلمة واحد يقولها علي الافيو والاوبترا بالذات.

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

لو عاوز رايي ممكن تطلع فئة كمان وتجيب النترا في حدود 75 الف جنيه

إبعد عن غبور ابعد عن منصور

احنا بنتكلم علي مستعمل وبالتالي ملناش دعوه بالتوكيل وبيتهيالي العربيات دي كلها الميكانيكه يفهمو فيها وقطع غيارها متوفره

بالنسبه للألنترا اسعارها ايه؟ يعني لو حاجه ماشيه 50 الف موديل 2008 مثلا او اعلي شويه تعمل كام؟ وهي سعرها الجديده كام اصلا ؟

ممكن تخش على اوكتافيا a4 او اوبل

اقتباس:

---

المشاركة الأصلية كتبت بواسطة m.alaa92

ممكن تخش على اوكتافيا a4 او اوبل

---

موديلات ايه وحالتهم وسعرهم هيبقي عامل ازاي ؟ وقطع الغيار والأنتشار طبعا

الاوكتافيا من 99-2004

و الحالة ممتازة و قطع الغيار منتشرة ( ميكانيكيا موتور الاوكتافيا a4 و a5 واحد ) و كمان ال a4 كانت بتنزل لغاية 2009 تقريبا

اقتباس:

---

المشاركة الأصلية كتبت بواسطة shaddadfalcon1

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

---

مش عارف بس الالنترا مش عاجبني شكلها أوي.. حاسس كدة زي ما تكون ورق.. وبعدين أنا باركن العربية ف أماكن عجيبة والجراج عندي مش بنظام باكيات فا عربية من غير جرايد حايحصل فيها حاجات وحشة.

اقتباس:

---

المشاركة الأصلية كتبت بواسطة mody3on

لو عاوز رايي ممكن تطلع فئة كمان وتجيب النترا في حدود 75 الف جنيه

---

مش حاسس ان فرق السعر حايديني فرق الامكانيات بصراحة.

اقتباس:

---

المشاركة الأصلية كتبت بواسطة medododo

إبعد عن غبور ابعد عن منصور

---

ماينفعش طبعا.. كل مرة ألف ألف وارجعلهم تاني..

اقتباس:

---

المشاركة الأصلية كتبت بواسطة M.Alaa92

ممكن تخش على اوكتافيا a4 او اوبل

---

الاوكتافيا ال a4 شكلها قدم أوي والتابلوه بتاعها تحس انه فاضي.. والأوبل مافيهوش حاجة ف النص.. يا اما فيكترا بي في الخمسينات أو فيكترا سي في نص التمانينات

هاتلك صني ..

هات اوبترا افضل من النيو اكسنت و كمان واسعة و خامتها افضل و فئة اعلى و اشيك

اقتباس:

---

المشاركة الأصلية كتبت بواسطة Ahmazong

هاتلك صني ..

---

الصني مملة جدا والتابلوه بتاعها قديم...

اقتباس:

---

المشاركة الأصلية كتبت بواسطة devil_storm

هات اوبترا افضل من النيو اكسنت و كمان واسعة و خامتها افضل و فئة اعلى و اشيك

---

انا عارف ان الاوبترا أوسع وأشيك وكل حاجة... بس عاوز أعرف لييه الأجانب بوجه عام مفضلين الأكسنت عن الأوبترا؟ الاوبترا ف أمريكا اسمها Suzuki Forenza وحتلاقيها ف أي موقع آخده rating أقل من ال Hyundai Accent 2006-2011
الواحد بصراحة بدأ يتوغوش :U_thin1[1]:

النيو اكسنت 112 حصان البدى بتاعها اخف حاجت بسيطة من الاوبترا مع قوة الماتور مدية عزم جامد وسحب حالى
الاوبترا107 حصان اوسع من النيو اكسنت الشكل الخارجى انا افضل الاكسنت
من الداخل التابوله بتاع الاوبترا يكسب

انا برشح الاكسنت

مش عارف الصني مملة ازاي، وحد كان قال إنها مسلية، أركب حضرتك العربية وجربها كويس وانت تعرف احنا اختارناها من وسط عربيات كتير ليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!

اوبترا احسن

اقتباس:

---

المشاركة الأصلية كتبت بواسطة el_nahal2004

النيو اكسنت 112 حصان البدى بتاعها اخف حاجت بسيطة من الاوبترا مع قوة الماتور مدية عزم جامد وسحب حالى
الاوبترا107 حصان اوسع من النيو اكسنت الشكل الخارجى انا افضل الاكسنت
من الداخل التابوله بتاع الاوبترا يكسب

انا برشح الاكسنت

---

أول واحد يشوف زيي ان تابلوه الأوبترا أحسن من الأكسنت:coolio:مع اني برضه مش حاسس أوي بيها.. يعني برضه تابلوه الأكسنت لا غبار عليه.
بس أنا مش بابص دلوقتي علي ال performance بصراحة.. ولو حانتكلم فيه يبقي الأوبترا الثبات بتاعها ماشاء الله لا يعلي عليه... وصلنا 170 ولا كأن العربية ماشية أساسا.. كمان الموتور أهدي بكتير من موتور الأكسنت علي ار بي ام عالي (موتور الأكسنت cvvt حسب ما أفتكر) وانا أساسا مابغرزش غير مرة كل أسبوع ولا اسبوعين لما يبقي ليا مزاج ع البحر وناوي كمان أبطلها.. فا مش محتاج أقيسها بالتسارع والكلام ده.

اقتباس:

---

المشاركة الأصلية كتبت بواسطة sehsss

مش عارف الصني مملة ازاي، وحد كان قال إنها مسلية، أركب حضرتك العربية وجربها كويس وانت تعرف احنا اختارناها من وسط عربيات كتير ليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!

---

حضرتك مش مملة كا ركوبة.. مملة كا منظر وتابلوه وقعدة.. وبصراحة كدة حتي صوت الموتور مش داخل دماغي.. أصل أنا انف (بكسر الألف والنون) أوي ف الحاجات دي.. بس أنا مابعيبش ف الصني ولا حاجة لا سمح الله.. الموضوع كله أذواق.. وطالما اني قافل من الشكل يبقي حتي لو اقتنعت بامكانياتها وجيبتها برضه مش حارضي عنها لغاية ما أبيعها.. أنا عارف نفسي فا بلاش فضايح أكتر من كدا :breakpc1:

اقتباس:

---

المشاركة الأصلية كتبت بواسطة petershaker

اوبترا احسن

---

ألف شكر علي ردك.. بس ياريت لو فيه أي أسباب لترشيحك ده تقولها.

شباب.. سؤال كدة محيرني.. أنا بدأت تدخل دماغي الالنترا 2007-2011.. بس بصراحة عالية عليا شوية :oh:.. لو ححاول أزود عن اللي معايا حاكل من فلوس الشقة.. والحج خلاص قاللي اعتمد علي نفسك (وطبيعي يعني مش حاقول له هات فلوس أجيب عربية أعلي) فاالموضوع اني دورت لقيت "بعض" وخد بالك من بعض دي.. بعض الناس رشحت الاوبترا عن الالنترا خصوصا ف المانوال علي أساس ان الالنترا كمالياتها أقل ف المانوال.. هل الالنترا فعلا تستاهل السبع تمن تلاف زيادة اللي حايدفعو فيها؟ خصوصا اني سمعت كلام مش لطيف عن اتزانها وعفشتها.. غير ان العربية مافيهاش جرايد وده عيب بالنسبة لي لأني بركنها عند الشغل في أماكن ركن بالطول فا اللي حايفتح جنبي لو غشيم حايحك الجنب. المهم ان احتمال 99% مافيش أمل أساسا اني أعلي عن الأوبترا.. بس أنا عاوز أعرف اذا كان ممكن أجيب حاجة أحسن بسعر أقل شوية يبقي وفرت فلوسي وبرضه مابعدتش كتير.

انت قلت كلمه مهمه وهي شقه
طالما الموضوع فيه شقه يبقي رايي بلاش عربيه خالص لما تجيب الشقه الأول لانها اولي واهم وممكن بقي كده تجيب اقل حاجه ممكنه لحد ماربنا يكرمك وتجيب الشقه وبعد كده تبقي تجيب اعلي حاجه

اقتباس:

---

المشاركة الأصلية كتبت بواسطة shaddadfalcon1

انت قلت كلمه مهمه وهي شقه
طالما الموضوع فيه شقه يبقي رايي بلاش عربيه خالص لما تجيب الشقه الأول لانها اولي واهم وممكن بقي كده تجيب اقل حاجه ممكنه لحد ماربنا يكرمك وتجيب الشقه وبعد كده تبقي تجيب اعلي حاجه

---

أنا ليا سيستم ماشي بيه مع نفسي... عندي مبلغ كذا للعربية ومبلغ كذا للشقة ومبلغ كذا للتجهيز.. ومبلغ حاطه علي جنب للطوارئ مابيتلمسش.. فا مافيش قلق أنا مرتب حالي علي ان العربية ان شاء الله توصل 70 ألف. وانا أساسا لسة بايع اللانوس فا مش حاضيف كتير. المشكلة ان أكتر من كدا حضطر أسحب من فلوس حاجات تانية فا مش عاوز آخد الخطوة دي الا للضرورة القصوي.

لانسر بومة 2006 1600 سى سى ولن تندم ابداااااااااااااااااااااا اااااا

اقتباس:

---

المشاركة الأصلية كتبت بواسطة tarekmomo

لانسر بومة 2006 1600 سى سى ولن تندم ابداااااااااااااااااااااا اااااا

---

خلاص زهقت من شكلها وعداداتها شبه عربيات التسعينات وبعدين 9 من كل 10 عربيات لانسر بلاقيها مخبطة ولا كأنهم بيلعبو مع بعض gta!!! معرفش ايه السبب بصراحة بس دي حاجة بلاحظها دايما ف اللانسر. حاجة كمان اني بالمبلغ اللي أجيب بيه لانسر 2006 أجيب بيه اوبترا 2009... يعني الموديل برضه ساعات بيفرق.

سؤال ع الماشي كدة...
ايه رأيكم ف رينو سانديرو كاملة مانيوال؟ حد جابها قبل كدة؟ ولو قارنتها بالاوبترا استعمال مين يكسب؟ وف نفس الوقت لو قارنتها بالأفيو مانيوال زيرو مين يكسب؟ عشان أنا بجد بدأت أفكر ف زيرو وممكن كدة أرسي عليها لأن شكلها أحسن بمراحل من اللوجان. كمان هوا السانديرو جميع كماليات فيها abs ولا لأ؟ البروشور مش جايب أي سيرة عنه ف اللوجان ولا السانديرو.

كمان سؤال... لو عندك اللوجان والسانديرو حاتختار مين فيهم؟ وليه؟ مع عدم وضع موضوع الانتشار ده ف الاعتبار لأني أساسا مش حاعمل حاجة برة التوكيل.