الحمد لله

**eshoo** · 16-12-2011 07:29 PM

السلام على اعضاء المنتدى الكرام .
انا عملت حادثه بال m11 مع ميكروياص ( فولكس) والناس اللى عارفه الفولكس عارفه ان عظمه ناشف المهم الاضرار اللى عندي (فانوس خلفي - اكصدام خلفى - رفرف خلفى ) ولله الحمد على كل حال. فكنت عايز اعرف ايه الخطوات اللى اقوم بيها علشان التامين يصلحلي العربيه (طبعا بعد ما عملت محضر) . وسؤالى الاهم ان سمعت ان التأمين هايقولى ادفع انت وبعدين ابقى اصرف الشيك ؟ ( وبالفرض انى مافيش فلوس اصلح بيها ) وبعدين اوديها التوكيل ولا مركز تصليح تبع التامين ولا ايه انا مش عارف . عموما قدر الله وماشاء فعل والحمد لله على كل حال . ارجو الافاده

**osa92003** · 16-12-2011 07:52 PM

بدون تفكير اطلع على التوكيل هما لسه عاملين خدمه الاصلاح والتامين واخل على موقعهم على الفيس بوك
Speranza Egypt - Aboul Fotouh | Facebook

**eshoo** · 16-12-2011 08:06 PM

اشكرك على الرد ولكن خدمة التامين اللى بيقدموها بتكون تبعهم انا مأمن تبه مصر للتأمين

**osa92003** · 16-12-2011 08:17 PM

المشاركة الأصلية كتبت بواسطة eshoo

اشكرك على الرد ولكن خدمة التامين اللى بيقدموها بتكون تبعهم انا مأمن تبه مصر للتأمين

لا مش تبعهم هما بيقدموا عمليه التامين والاصلاح بالتعاون مع شركات التامين وممكن يكونوا بيتعاملوا مع مصر التامين .....بس للامانه عمرك ماهتصلح بره وهتلاقى اللى انت عايزه وخاصه لما تكون مجتاج تغيير

**eshoo** · 16-12-2011 08:26 PM

اشكر حضرتك على الافاده واللهم ابعد عنا شر الطريق

**khaled_Saga** · 16-12-2011 09:11 PM

انا كنت سألت على الموضوع ده فى ابو رواش حضرتك هتطلع على مركز الخدمة هناك وبالاخص ورشة السمكرة والدهان تقريبا مدير الورشة اسمه مهندس وئام (بس هو دمه تقيل حبتين) وممكن تعرف كل التفاصيل هناك واللى هيتم باختصار حسب ماعرفت ساعتها انك هتسيب العربية لحد ما ييجى حد من شركة التأمين يعمل مقايسة ويتم الاتفاق على الاصلاحات الخ الخ ... موضوع انك تدفع وبعدين التأمين يحاسبك انا مش متأ:د منه بس اعتقد بيرجع لسياسة شركة التأمين اللى انت مأمن عندها ... انا مأمن مع مصر للتأمين لكن متعاملتش معاهم الحمد لله لحد دلوقتى لأن الخبطة اللى كانت عندى عملتها برة ومتكلفتش كتير عشان لما ٍسألت فى التوكيل لقيت ان الحوار طويل عريض وهى مكنتش مستاهلة ده كله

عامة قدر الله وماشاء فعل والمهم انك بخير فداك العربية والفلوس

**katoba** · 17-12-2011 09:57 AM

شوف ياباشا انا هجيبلك الخلاصة لانى مصلح سيارتى الm11 من شهرين تبع التامين وكانت التكلفة 3000 اكصدام امامى بفانوس امامى بفانوس اشارة امامى بشبكة برفرف يمين بشوية سمكرة وصلحتها فى توكيل عيسى فى طنطا بعد مااتصلت بيهم ورحت قابلت مهندس مصر للتامين فى المصرية للسيارات وخلانى املى استمارة كدة فيها بيانات اللسيارة ورقم البطاقة ورقم وثيقة التامين وبعدين قالى هنتصل بيك وفى خلال يومين اتصل بيا المهندس علشان يقابلنى فى التوكيل ويعاين الخبطة ويتفق معاهم على الفلوس وطبعا قبلها هتكون انت عامل مقايسة فى التوكيل بالاسعار والى هيتغير اية والمقايسة دى تعملها مع نفسك قبل مالمهندس يقابلك ومش هتكلف حاجة وبعدين هيسيبك المهندس منك للتوكيل تتفق على الوقت الى هتستلم عربيتك فية وتدفع انت الشيك وبعدين تروحلهم بالفاتورة وفى خلال 20 يوم هتاخد فلوسك وفية حاجة اسمها نسبة التحمل هيدفعوك تقريبا 10 % من قطع الغيار الى هيتم استبدالها .. وياريت تعرفنا وصلت لفين واحنا متابعين معاك وبالتوفيق ان شاء الله والحمدلله جت سليمة المهم انك بخير