النهاردة كنت في روكسي وطلعت على مدينة نصر
قوم ايه لقيت الدنيا فوضى كالعادة
ومفيش اي وجود لشرطة المرور
والناس ماشيين عكس عادي
فوضى عارمة
زحمة شديدة
ميكروباصات في كل مكان واقفين في نص الطريق بيحملو عادي
فالحين بس يلمو فلوس ويسحبو رخص على الزينون والفاميه وسايبين الدنيا تضرب تقلب
انا قولت ومحدش صدقني ان دي مسألة وقت فقط وكل حاجة هترجع زي ماكانت
وعمار يامصر
وشكرا ياشرطة لحسن تعاونكم معانا الكام يوم دول
انت مش عارف ان فيه اعمال تخريب عند مجلس الوزراء
وولعوا فى مجلس الشعب
اعتقد ان المرور انسحب تحسبا لأى مواجهات وحلقات اخرى من المسلسل السخيف
اللى مش هيخلص لبقاء مصر فى النفق المظلم
شعب بيضرب فى الجيش والشرطة
لو انت مكانهم هتنسحب
دا العادي من بنك مصر ربنا يسترها البلطجيه هايرجعوا تاني للانتقام
ايه دخل المرور في التظاهرات والاعتصامات؟
شرطة المرور مسئولة عن تنظيم المرور مش في سحل الشعب الغلبان
يا باشا مش فكرة ايش دخل او كدة انت واحد بتضربنى يبقى عايزنى اعمل ايه اكيد هلم هدومى واختفى ولا ايه
المرور احد اركان وزارة الداخليةاقتباس:
المشاركة الأصلية كتبت بواسطة eng f3lix
يوم جمعة الغضب المجيده
اقسام المرور اتسرقت واتحرقت على مستوى الجمهورية
واكشاك المرور على الطرق السريعه اتسرقت واتحرقت
فأكيد لما بيحصل اى قلق
بينسحبوا علشان يحموا اقسام المرور ومراكز المرور
لأى هجوم محتمل من البلطجيه والمخربين
وده اللى حصل الشهر اللى فات
يعني انا مثلا واحد صحبي بيضربك طب انا ذنبي اييييه بقى؟؟
وبعدين هو كل مايحصل حاجة الشرطة تتقمص مننا ؟؟
والله كل شيء جايز يااستاذ علوانياقتباس:
المشاركة الأصلية كتبت بواسطة elawany13
والشوارع اتحولت لسيرك من تاني
والناس اما صدقت ان الشرطة اختفت مرة تانية وكل واحد بقى يعمل اللي عايزه ويمشي زي ماهو عايز
وللاسف طلعنا شعب تيت الا القليل مننا
كل ما الواحد يبدأ يحس بالأمان
ويتفائل ويبدأ يحس بالراحة النفسية
يبدأ القلق والفتن من جديد
ربنا يسترها على البلد ديه
فيه ناس مش عاوزينها تقف على رجليها ابدا
لا لا لا
الموضوع ملوش علاقة بالاظطرابات
هما بس كانو اليومين بتوع اول الوزرارة
ال هما وش القفص
ماهو ده اللي قولته يااستاذ علي
سنة 2008 مع تفعيل قانون المرور الجديد كانو شدين جدا على الناس وبعد اسبوع كل حي رجع لحال سبيله
يا سيدى الفاضل انا الساعة 4-6 كنت فى منطقة روكسى-القربة والفكرة انهم خدوا معظم القوات لتامين وتسيير حركة المرور فى القربة لانها كانت مقفولة من عند القصر الجمهورى عشان كان فى مهرجان فى ميدان القربة عاملاه شركة شيبسى.وكانت قوات امن مركزى ومرور واقفين من اول كنيسة القربة لحد القصر الجمهورى والساعة 6.30 شفت العساكر واقفين فى اشارة القربة تانى.
انا كنت هناك فعلا والميكروباصات ماشيين عكس كتير عن القصر
ومفيش شرطة
حضرتك لو كنت لفيت شمال فى اتجاه القربة هتلاقى الطريق مقفول بموانع حديد والشرطة واقفة ورا الموانع واجبارى تلف وترجع تانى على روكسى.
لا موصلتش لهناكاقتباس:
المشاركة الأصلية كتبت بواسطة ayman-ahmed
هو كان فيه ايه هناك علشان الناس تلف وترجع؟
اقتباس:
المشاركة الأصلية كتبت بواسطة eng f3lix
اقتباس:
المشاركة الأصلية كتبت بواسطة Ayman-Ahmed
معلش مخدتش بالي
اصل انا فضلت اخرم من شوارع جانبية لحد ماطلعت على سور القصر ولقيت النسر بتاع العلم في وشي
ومن هنا ابتدت الحكاية ولقيت الدنيا فوضى من عند شركة مصر للطيران
معلش على ايه.
انا عملت زيك كدة ولقيت نفسى بلف فى دايرة مفرغة وفى الاخر رجعت روكسى تانى-نادى هليوبوليس-مدينة نصر.
انا فعلا لقيت ان مفيش مرور زي الأول ع فكرة الانسحاب ده بسبب اللي بيحصل في وسط البلد و زي ما قالك استاذ علواني
بس عندنا بصراحة الشرطة ظابطة الاداء و الدوريات رايحة جاية طول الوقت و لجان مسلحة و اخر تمام الحمد الله
و ربنا يستر ع البلد فعلا كل ما نهدي حد يبدأ الشرارة اللي تولع الدنيا زيادة و كله ينزل ضرب في بعض متعرفش مين الغلطان و مين الصح و كله نازل ضرب و خلاص كل واحد يقول اللي قدامي بيضربني الموضوع عامل زي الدائرة المغلقة او انهي اللي جت الأول البيضة و لا الفرخة
ربنا يعديها ع خير