الموضوع: عاوز انضف زرار الزجاج الكهربائي

انت مبدأيا لازم ترفعه من مكانه أو ترفع القاعدة بتاعته كلها...بمفك رفيع

و هتجيب المفتاح من ورا و ترش عليه Wd40 بحيث انه يتغلغل جو الزرار...و ممكن ترش عليه من فوق برده....و اقعد افتح و اقفل فيه بسرعه عشان يلين الاجزاء اللمعصلجة و يشيل أي وساخة جوه... و ماتقلقش الwd40 امن علي الكهرباء

بس افصل الفيشة من المفتاخ عشان وانت بتفتح و تقفل فيه ميعدش يشغل الزجاج علي الفاضي

المشاركة الأصلية كتبت بواسطة NaderNabil

انت مبدأيا لازم ترفعه من مكانه أو ترفع القاعدة بتاعته كلها...بمفك رفيع

و هتجيب المفتاح من ورا و ترش عليه Wd40 بحيث انه يتغلغل جو الزرار...و ممكن ترش عليه من فوق برده....و اقعد افتح و اقفل فيه بسرعه عشان يلين الاجزاء اللمعصلجة و يشيل أي وساخة جوه... و ماتقلقش الwd40 امن علي الكهرباء

هية دي رجالة محافظة حلوان المستقلة
الف شكر على ردك يا نادر باشا
بس نصيحة مني ماتستخدمشي WD40 في تنظيف الازرار والدوائر الكهربائية. لأنه في نسبة زيت عالية ولا يجف بسرعة وهو مصمم اساسا لأزالة الصدأ وتنظيف وتزييت الاجزاء الميكانيكية المتحركة زي المفصلات وكوالين الابواب والاقفال... الخ
اما بالنسبة للدوائر الالكترونية والازرار انا افضل دائما استخدام ال Contact cleaner الذي لا يحتوي على اي زيوت على الرغم انه في منه انواع تحتوي على زيوت.
الف شكر ليك يا نادر على مرورك الجميل

المشاركة الأصلية كتبت بواسطة loai-omar

والله يا باشا انا كنت عايز اخدم سياتك

بس انا من اصحاب الصني :)

الوالد معاه مرسيدس ... زراير الزجاج بارضو في النص

و مره اول ما جاب العربيه و بنكشف عليها انا من هواة الدعبسة
قعدت افك كل حاجه
بيبقا وش كده بيتشال

و رحت جايب بنزين و فرشة سنان عشان لو اي حاجه

دا عن تجربتي

الف شكر يا لؤي على ردك وربنا يباركلك في الصني
هو فعلا الوش كله المفروض انه بيتشال بس مش عارف ازاي هل في طريقة ولا بمفك كدة. انا بصراحة مش عاوز اتسبب في اي اذي لأوبلتي الغالية

المشاركة الأصلية كتبت بواسطة NoNaMe

wd-40 امن على الدوائر الكهربية وكمان هو مزيل للرطوبة (كان فى سايت على النت يحسسك انو سحر مش سبراى بيعملوا بية كل حاجة حتى التنضيف والتلميع)لا سحر ولا شعوذة :)

موضوع بقى توصل للزرار ازاى فى طريقين واحد سهل مش هياخد منك 5 دقائق والتانى هيطول شوية..فانبدأ بالسهل
-هات الاسبراى ورش على المفتاح من ببرة بحيث الاسبراى يدخل جوة فى الشق الرفيع بين المفتاح وجسم المفتاح وبعدين اقعد افتح واقفل كذا مرة بحيث يوصل لكل مكان جوة وينضف المفتاح

-الطريقة التانية:عارف الغطاء اللى تحتة فيشة الكشف بتاع الموتور "اللى بيتوصل بيها جهاز الكشف" هتلاقى قدام فرامل اليد جزء فى شكل بيضاوى من النص نازل لتحت شوية , ارفع الغطا دة وهتلاقى تحتة مسامير الوش بتاع الزراير ودة طبعا هتفك الجراب بتاع فرامل اليد والفتيس,,,, بس جرب الحل الاولانى الاول لو الحالة مستعصية ادخل على التانى :)

الف شكر يا باشمهندس. بارك الله فيك. انا معاك بس لو حضرتك بصيت على العبوة بتاعة ال WD40 هتلاقي ان معظم استخداماته ميكانيكية وليست كهربائية ولكن انا معاك انه ليس له تأثير سيئ على الدوائر الكهربائية ولكن طالما يوجد منظف للإلكترونيات فمن المستحسن استخدامه

المشاركة الأصلية كتبت بواسطة amir_ezzat

اخيرا لاقيت فية موضوع اقدر افيد فية كويس
انا فكت الزراير ده اكتر من 10 مرات كل ما اروح تغسل العربية يدخل جواه مياه تخلية يعمل طبقة صداء ويخلى الزجاج يتقل او يعلق او ساعات يفتح ويقفل لوحده وانا سايق

اولا : افتح البلسكتة السوداء مكان وصلة الكمبيوتر الى العربية هتلاقى 2 فيشة لك ناحية من الزجك يمين وشمال افصل اللى انت ناوى تنظفها
حاول تشيل الزرار بايدك مش محتاج مفك خالص بس لو لاقيتها ماسكة ممكن بمفك بس براحه
هتلاقى من تحت بلسكت ما سك بكلبسات حاول تفك الكلبسات دى براحه قوى علشان بيين الاثنين بلاستيك فية بوردة صغيرة جده عليها اربع نحاسات صغيرة قوى ممكن تتحرك من مكانها وتقه مش هتعرف تلاقيها
كل واحده من ال 4 نحاسات دول بتلمس 3 نقاط على البوده تسبب فتح وقفل الزجاج
غالبا هتلاقى بين النحاسة والبوردة صداء واو هتلاقى النحاسة متحركة من مكانها مش بتلمس ال3 نقاط اللىعلى البوردة
والله انالو كنت فى القاهرة كنت عملتها ليك انا اصل انا اليومين دول لما مش بلاقى حاجة اعملها بفك انظف المفاتح سهلة جدااااااااااااااااااااااا ااااااااااااااااااااااااا اااااااا
وربنا يكون معاك واهم اهم اهم حاجة انك مش تضيع النخاسات علشان مش هتعرف تلاقيها خالص

ايه يا امير دا انت ما صدقت تلاقي حاجة تنفجر فيها
الف شكر ياباشا انا هانزلدلوقتي ابدأ في الخطوات اللي انت قولتلي عليها ويارب ماعملشي اي مصايب
بس انا كنت عاوزك تشرحلي بالتفصيل شوية علشان انت عارف ثقافتي في السيارات زي ثقافتي في اللغة الصينية بالضبط

المشاركة الأصلية كتبت بواسطة karim_monir

الكونتاكت 60 ده ممتاز للحاجات دي
كنا بنضف بيه هيد الفيديو والكاسيت زمان وكان اكثر من رائع ولا يحتوي على اي زيوت

فعلا يا كريم انا دايما باستخدمه خاصة في تنظيف الاليكترونيات ولوحات الكومبيوتر وممتاز جدا