ارجو المساعده : انوى شراء اتوبيس هاشم ليعمل سرفيس

**klasher123** · 16-12-2011 10:47 PM

بسم الله الرحمن الرحيم
السلام عليكم ورحمه الله
الاخوة الكرام
اريد ان استطلع ارائكم بخصوص جدوى مشروع شراء اتوبيس هاشم
جديد بالتقسيط ليعمل كأجرة فى احد خطوط السرفيس بالقاهرة اوالجيزة
اريد ارائكم بخصوص
1- هل هناك جدوى من المشروع من حيث توفير عائد لسداد القسط
و هامش ربح مجزى؟
2- ما هى اكبر مساويء المشروع بحد ذاته؟
3- ما هى الاضرار ان كانت لوحة الباص رحلات بينما كان فى الواقع اجرة؟
4- هل التعامل مع السائقين يحتاج الى مهارات خاصه _ خناق يومي عالايراد مثلا؟
5- متى تكون اول رحله بالمتوسط للميكانيكي بالباص ؟
6- كيف انهى كل اجراءاته المرورية و ارجو التوضيح بدقة؟
شكرا جزيلا

**MaZaGAngeE** · 16-12-2011 11:47 PM

لو انت اللي هتسوقه يبقى مربح جدا ليك
لكن لو هتجيب سواقين يبقى ربنا يعوض عليك
و لو سمحت ماتقوليش انه راجل كويس و امين لأن امين مات من زمااااااااااااااان

**eng.m7md.ali** · 17-12-2011 12:07 AM

المشاركة الأصلية كتبت بواسطة mazagangee

لو انت اللي هتسوقه يبقى مربح جدا ليك
لكن لو هتجيب سواقين يبقى ربنا يعوض عليك
و لو سمحت ماتقوليش انه راجل كويس و امين لأن امين مات من زمااااااااااااااان

+111111
مفيش اي سواق ميكروباص ينفع يتقال عليه امين او محترم
اي سوااااااااااااااااااااااا اااق
انا بقالي اكتر من 5 سنين بسوق في البلد دي وعمري ماقابلت واحد محترم

**walidzakzok** · 17-12-2011 08:50 AM

يا باشا متهزقش نفسك وابعد عن المشروع دة خااااااااااااالص

**mazagngi2010** · 17-12-2011 09:19 AM

المشاركة الأصلية كتبت بواسطة walidzakzok

يا باشا متهزقش نفسك وابعد عن المشروع دة خااااااااااااالص

ده كار وحش ولازم تكون متربى عليه من صغرك

**eng.m7md.ali** · 17-12-2011 03:29 PM

المشاركة الأصلية كتبت بواسطة klasher123

معقول ؟
ده مفيش رد واحد مشجع
طب قولولى لو فى اى تجارب سابقه لاى شخص فيكم
والف شكر على الاهتمام

اللي ممكن يكون كويس ليك
انك تبقى على خط مصر اسكندرية الصحراوي
اعتقد ده دخله كويس جدا بس هتجيب تويوتا هااي ااس مش حسان وهاشم
ده طبعا لو هتسوق بنفسك

**حماده المصري** · 17-12-2011 04:14 PM

انا لسه صحابي جايبين مكروباس صغير راح السواق خابطه وعلى كده ايه ده ماشي في 6 اكتوبر

للاسف معظم السواقين غير متعلمين ومعندهمش ثقافه المحافظه على الممتلكات

**م/مصطفى محمود** · 17-12-2011 04:57 PM

الموضوع صعب جدا جدا

انا أولاد عمي عندهم ميكروباصات بيشغلوها تبع شركات وبيلعنوا اليوم اللى فكروا فى المشروع ده (مخالفات بالهبل لو مدفعتش رشوة + الكارتة اللى بالبلطجة + ان فى شركات رحلات فى رمسيس متحكمة فى السوق )

أحسن حل أنك تشغلها تبع شركة (توصيل موظفين الشركة وكده) وبيبقى صعب برضوا

**MaZaGAngeE** · 17-12-2011 10:02 PM

بص يا ريس ده كان من 3 سنين ...
انا ليا تجربة في دراسة المشروع ده لأن المصنع اللي كنت شغال فيه في المنيا مأجر 2 ميكروباص ب 12000 في الشهر ... فكلمت المدير الاداري اني اجيب هاشم باص بنفس المبلغ و اتفقت معاه على كده ....
المهم ان الباص ب 185 الف لو 28 راكب و 210 الف لو 33 راكب ..
و لازم يكون عندي سجل و بطاقة ضريبية بمتعهد نقل موظفين عشان ارخص اوتوبيس خاص .
كنت هجيب 2 سواقين بمتوسط مرتب 1000 جنيه للواحد
المسافة الاجمالية يوميا 420 كلم و تستهلك تقريبا 4000 جنيه جاز شهريا
كل اسبوع غيار زيت
كل شهر غيار فلاتر
1000 جنيه شهريا لحساب اعطال و قطع غيار و صيانة
كنت هدفع 80 الف مقدم و الباقي 3000 شهريا قسط
لو جمعت كل الحكاية و خصمت المصاريف هتلاقي ان الصافي قليل جدا
و المكسب هوه الباص نفسه بعد انتهاء الاقساط .........
طبعا كان لازم نشغل الباص على الخط عشان يجيب الجاز و الزيت و مرتبات السواقين خلال الشهر
بس اللي خلاني اوقف دراسة المشروع ان الشركة مش منتظمة في دفع الشهرية و ممكن تتجمع شهرين على بعض او تلاتة و طبعا القسط مالوش دعوة . فبالتالي انا رجعت عن الفكرة .
لكن خلاصة الموضوع انه لازم يشتغل مع شركة عشان القسط و خلال الورادي على الخط عشان مصروفات الباص .

الموضوع: ارجو المساعده : انوى شراء اتوبيس هاشم ليعمل سرفيس

LinkBack

أدوات الموضوع

عرض

-

-

-

-

-

-

-

المواضيع المتشابهه

معايا 110000 و انوى شراء الكروز ايه رأيكم ؟؟

ارجو المساعده في شراء اوكتافيا a4

ارجو المساعده في شراء 110

ارجو المساعده فى شراء لاب توب

انوى شراء تريوس و لكن

الكلمات الدلالية لهذا الموضوع

المفضلات

المفضلات

ضوابط المشاركة