عايز ترفع صور و ملفات .... جرب الموقع ده

**MaZaGAngeE** · 16-12-2011 11:07 PM

أغلب المواقع اللي بنرفع عليها الملفات بتحفظها لمدة من الوقت و بعد كده بتمسحها , كمان المواقع دي مش بتقبل انك ترفع كل انواع الملفات , كمان مش كلها بتديلك مساحة مناسبة لملفاتك لو انت محتاج مساحة كبيرة ................
عشان كده انا جايبلكم النهاردة موقع ممتاز أتعامل معه من 3 سنوات او اكتر و مميزاته :
1- بيديلك مساحة 15 جيجا للتخزين
2- تقدر ترفع ملفات خاصة و تمنع ان حد غيرك يشوفها
3- اي نوع من انواع الملفات تقدر ترفعه
4- تقدر تستخدمه من الموقع مباشرة أو من الموبايل أو من البرنامج بتاعهم
5- تقدر ترفع ملف حجمه كبير لحد 2 جيجا
6- تقدر ترفع مجلد كامل على بعضه مرة واحدة
7- تقدر تشترك باسمك في جوجل أو فيس بوك أو تويتر
8- تقدر تعمل بحث في الملفات اللي ناس غيرك رافعاها و تضيفها لحسابك
9- تقدر تضيف اصحابك على الموقع و تتابع الملفات اللي بيرفعوها لو همه فاتحينها للناس

نيجي للصور ::::::::::::::

دي صورة الموقع :

واجهة بسيطة واضحة و منها تقدر تنزل برنامج الموقع ( لما تنزله بيديلك مساحة 5 جيجا زيادة في حسابك ) .
كمان لو تلفونك بلاك بيري او نوكيا او اندرويد او ابل هتلاقي برنامج الموقع متاح ليك .
برنامج التزامن ( 4sync ) عشان تعمل باك اب للحساب على جهازك .
كمان فيه لغات كتير زي ما انت عايز .

لما ندخل في الحساب بتاعنا ::: هنشوف المنظر ده

طبعا ممكن نختار ثيمات كتير زي ما نحب للحساب ..
على ايدك الشمال هتلاقي قايمة بالمجلدات بتاعتك و على اليمين الملفات الموجودة في المجلد اللي انت فاتحه .
من زرار ( new folder ) نقدر نختار المجلد الجديد ده عايزينه عام و لا خاص ( ليها صورة لوحدها )
تحت القايمة اللي على الشمال هتلاقي المساحة اللي انت استخدمتها
و على يمينها هتلاقي اختيارات انك ترفع ملف أو اكتر ( ليها صورة برضه ) و اختيار انك ترفع مجلد على بعضيه .

لما نختار اننا نعمل مجلد جديد من هنا نختار المجلد ده خاص و لا ممكن مشاركته مع الغير .

لو عايزين نرفع مجموعة ملفات من خلال الموقع نعمل كده :

**MaZaGAngeE** · 16-12-2011 11:19 PM

بعد كده بقى نيجي للبرنامج بتاع الموقع و ده اسهل و افضل من استخدام الموقع نفسه :
الرنامج اسمه (4shared desktop)
و موجود لويندوز و لينكس و ابل

أول ما نشغل البرنامج و نديله اليوزر نيم و الباسورد :

واجهة البرنامج :

و دي صورة لملف جاري رفعه :

نيجي بقى لأهم حاجة :::::::::::::::: رفعنا الملف و عايزين نحطه في المنتدى :::

بعد ما نرفع الملف او الملفات تدور زرار الماوس اليمين و تختار (get link)

هتتفتح الصفحة دي :
و منها تختار ( fourm code)
و تاخد كوبي و تحطها في المشاركة عادي جدا كانك بتكتب كتابة عادية

**dolly13** · 16-12-2011 11:20 PM

مرسيه على المعلومة بس حضرتك ماقلتش الموقع اسمه ايه ؟

**MaZaGAngeE** · 16-12-2011 11:25 PM

اتمنى ان يكون الموقع سهل و واضح لجميع اعضاء المنتدى و لو سمحتم مش عايز اشوف تاني حد بيسال يرفع صور ازاي
اهه من الموقع و من التلفون و من الجهاز و من ويندوز و من لينكس و من ابل يعني ماليكش حجة بقى ........

**MaZaGAngeE** · 16-12-2011 11:29 PM

المشاركة الأصلية كتبت بواسطة dolly13

مرسيه على المعلومة بس حضرتك ماقلتش الموقع اسمه ايه ؟

اه انا نسيت
4shared.com - free file sharing and storage

**Mshawky** · 16-12-2011 11:32 PM

thanks

**MaZaGAngeE** · 16-12-2011 11:36 PM

طبعا لما تقلب في الموقع هتلاقي حاجات كتيرة انا مش كاتبها هنا زي انك تنزل الملفات باسستخدام تورنت ,,,, و انك ترفع الملفات باستخدام اف تي بي ......... و حاجات كتيرة جدا
بس انا حبيت احط الحاجات الاساسية و الزيادة انت اكتشفها و ادعيلي

**mr_sameh** · 17-12-2011 02:12 PM

بارك الله فيك

**SHNORY** · 17-12-2011 10:02 PM

حضيف حاجه صغيره بس بعد الشرح
الفروشيرد ده بعتبره اقوي سبورت لاي حاجه انا عاوزها
تعمل بحث فيه حيطلعلك اللي انت عاوزه بدل اللف في المنتديات والتدوير علي برامج وكراكات

-

الموضوع: عايز ترفع صور و ملفات .... جرب الموقع ده

LinkBack

أدوات الموضوع

عرض

عايز ترفع صور و ملفات .... جرب الموقع ده - انشر الموضوع فى :

-

-

-

-

-

-

-

المواضيع المتشابهه

عايز ترفع بس خايف طيب ادخل

عايز ترفع ملفاتك بكل سهولة و علي اكثر من سيرفر ادخل هنا

عايز مساعده فى التعامل مع ملفات الملتى ميديا ادخل وسيب سؤالك

عايز اقول كل اللى فى قلبى من السيريون والتوكيل و كلام الأعضاء فى الموقع عنها

إقتراح : بخصوص تحميل ملفات الصور والفديو على الموقع هنا

الكلمات الدلالية لهذا الموضوع

المفضلات

المفضلات

ضوابط المشاركة