فعلا بنزين 92 .....الفرق يستاهل

السلام عليكم ورحمة الله وبركاته
طبعا انتوا عارفين ان فى ازمه فى البنزين ال80 كالعاده
المهم كنت النهارده فى الحسين والطريق كان زحمة اوى والبنزين قرب يخلص خلاص قولت احط 90 ملقيتش غير 92
حطين ب 10 جنيه بس هههههههههههه
وبعدها بحوالى ربع ساعه العربيه زى مايكون ركبها عفريت العربيه بقت عاوزه تتطير من ع الارض وزى ماتكون بتجرى لوحدها وكل ده وانا مش واخد بالى من الزحمه اول ماطلعت ع الدائرى وبدوس ولا قيت العربيه جايبه ال 130 والموتور صوته مش عالى كالعاده لا وايه جابتهم علطول والموتور بطل يسقف بس المشكله تكمن فى السعر ؟؟؟؟؟؟؟؟؟
كان نفسى اكمل بيه علطول

اقتباس:

---

المشاركة الأصلية كتبت بواسطة mrghost

بس المشكله تكمن فى السعر ؟؟؟؟؟؟؟؟؟
كان نفسى اكمل بيه علطول

---

كلنا زى حضرتك نفسنا بس جيوبنا بتيجى أخر الشهر وتعيط من ال 90 مش 92:36_2_49[1]:
بس فى ملحوظة مش عارف اذا كانت صح ولا غلط
اعتقد ان الشاهين مش مصممة لل92 تقريبا عشان نسبة الانضغاط فى المحرك
مش عارف اذا كانت معلومة صح ولا غلط
تحياتى

http://www.nilemotors.net/Nile/261818-a.html

اللى نفسوا يجرب قبل ما يغلى .... ههههههههه

أنا بستعمل بنزين 80 على طول
ومفيش تسقيف ابدا والحمد لله
مهما كبست على دواسة البنزين
مش عربيتك كاربراتير بردوا زى حلاتى ؟

اه من فرق السهر الواحد خلاص

البنزين فى مصر ببلااااش يا جماعه
الفكره ان المرتبات هى اللى كحيانه :d

اقتباس:

---

المشاركة الأصلية كتبت بواسطة blazer

البنزين فى مصر ببلااااش يا جماعه
الفكره ان المرتبات هى اللى كحيانه :d

---

ببلاش ! !

انا عايز اقولك ان والدي بقاله فترة كبيرة عايش في السعودية

رجع يوم التلات اللى فات

امبارح كنا بنتكلم وجت سيرة البنزين وقلتله ده البنزين مبهدلني وربنا يعين الواحد عليه

قالي انت بتفول العربية بكام

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

عربيتى كربراتير
وبفولها بنزين تسعين
التنـك 45 لتر = 78 ج وخمسة وسبعين قرش
بالاضافة لجنية للعامل ..
يعنى اجمالى تفويلة = 80 ج مقفولين
تيييييييت
التمانين بيبهدل الكربراتير بسرعة
واقل ف التسارع طبعا
بالاضافة للتسقيف والنتشة بتاع التمانين

واهم نقطة عندي انى بعيد عن الزحمة
بكرة الزحمة اصلا
ادخل البنزينة وافول وامشى وخلصت
لكن طوابير بالساعات حاجة تنرفز

انا معايا شاهين 2005 انجكشن وبحط 92 علطول و بصراحة بيحاقظ على العربية و بجرى بيها زى مانا عاوز و بتجمع بطريقة غريبة ...مش بتعب لما بجيب ال 160 :)

التسقيف غلط علي الموتور واكيد له علاج بظبط الكهرباء عند واحد متخصص والبوجيهات تكون بتاعت الموتور

اقتباس:

---

المشاركة الأصلية كتبت بواسطة ahmod

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

---

بخلاف الفرق الرهيب في السعر بس أنا هعلق على حاجة تانية ،، فرق المعاملة والفكر:

- هناك لما تفول: يديك علبة مناديل هدية.
- هنا لما تفول: ينتظر منك بقشيش أكتر .

شاهين 2004 كاربراتير 80 زىىىىىىى الفلللللللللللللللللللللل مابتسقفش ولا حاجة الحمد لله ولو حتى سقفت تسقف هيا احسن مانا و جيبى نسقف اخر الشهر

معلش ياجماعه يعني ايه الماتور يسقف؟

اقتباس:

---

المشاركة الأصلية كتبت بواسطة condour

معلش ياجماعه يعني ايه الماتور يسقف؟

---

حضرتك معاك 128 ومش عارف يعنى ايه تسقف
دى ال28 بتسقف لو حاططلها بنزين 95 مش 80 طبعا بهزر ماتزعلش
يعنى انك تلاقى اكنك مثلا ماشى على سرعه 20 وفجأه تجيب الرابع وتدوس بنزين جامد هتسمع صوت ايه
كركره كده هو ده التسقيف وده من عدم حرق البنزين كاملا وبيأثر على البساتم

اقتباس:

---

المشاركة الأصلية كتبت بواسطة ahmod

ببلاش ! !

انا عايز اقولك ان والدي بقاله فترة كبيرة عايش في السعودية

رجع يوم التلات اللى فات

امبارح كنا بنتكلم وجت سيرة البنزين وقلتله ده البنزين مبهدلني وربنا يعين الواحد عليه

قالي انت بتفول العربية بكام

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

---

فى السعوديه فين ايامها

ولا اسعار الزيوت هناك

ولا اسعار العربيات سواء جديده او مستعملة

ربنا يرحمنا برحمته ... احنا لينا الجنة ان شاء الله

محطات البنزين بتخترع علشان تجذب الزبون

كنا بنحط بنزين من محطه بتديك كارت وكل مرة العامل بيسجل عليه عدد الليترات اللى حطها فى العربية

ولما بتوصل لعدد معين من الليترات

كانوا بيغسلوا العربية مجاناً

المشكلة ان الدنيا هناك نظيفه اصلا مفيش التراب والطين والزبالة اللى هنا

والدى زهق من كتر الغسيل وبقى بيكبر دماغه

ومفيش حاجه اسمها بقشيش ابدا

92 طبعا فرق كبير بينه وبين ال 80 سحب علي السرعات العاليه اسرع وتجميع احلي + العربيه مش بتسقف :S_thum1[1]:

اقتباس:

---

المشاركة الأصلية كتبت بواسطة ahmod

ببلاش ! !

انا عايز اقولك ان والدي بقاله فترة كبيرة عايش في السعودية

رجع يوم التلات اللى فات

امبارح كنا بنتكلم وجت سيرة البنزين وقلتله ده البنزين مبهدلني وربنا يعين الواحد عليه

قالي انت بتفول العربية بكام

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

---

فعلا كلام مضبوط
السعوديه فيها بنزين 91 و سعره 40 هلله حوالى 65 قرش
و فيها بنزين 93 و سعره 50 هلله حوالى 75 قرش
و بنزين 95 و ده اغلاهم سعر اللتر 65 هلله حوالى جنيه لكل لتر
محطات البنزين مون منها ب 10 ريال و اختار علبه مناديل هديه او قارورة مياه معدنيه 2لتر
يا بلاش

اقتباس:

---

المشاركة الأصلية كتبت بواسطة ahmod

ببلاش ! !

انا عايز اقولك ان والدي بقاله فترة كبيرة عايش في السعودية

رجع يوم التلات اللى فات

امبارح كنا بنتكلم وجت سيرة البنزين وقلتله ده البنزين مبهدلني وربنا يعين الواحد عليه

قالي انت بتفول العربية بكام

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

---

عارف ليه ؟؟؟
لأن السعودية اساسا بلد البترول فالطبيعي يكون رخيص لأنه متوافر و بيصدروه كمان
احنا نفس الموضوع برده لكن في الغاز الطبيعي عندنا احتياطي كبيير
روح فوول عربية بتمشي بالغاز هتعمل في حدود 15-18 جنيه
اومال الاجرة بتحط غاز طبيعي ليه هو جايب عربية تصرف عليه مش هو اللي يصرف عليها
فالموضوع ملوش علاقة بالحكومة لكن هي نسبة و تناسب

اما كنت ف السعوديه ف الصيف و بفول العربيه ف كان الحساب تقريبا 14 ريال ف بدي العامل 15 و جيت ماشي طلع يجري ورايا عشان يديني الريال الباقي !
+ اما اجي ازود هوا ف الكاوتش بتروح تزود و تمشي مابيرضوش ياخدو حاجه :d

اما كنت بغير زيت و فلتر كان بيغسلي الماتور مجانا و بيديني فواحه :d

بس كفايه كدا بلاش اتكلم ع المطاعم :dd و خلينا نرجع للواقع شويه

فيه عربيات بتستفيد من زيادة الأوكتان .. و فيه مش حتفرق حسب نسبة الانضغاط
و بالنسبة لسعر البنزين في مصر طبعا رخيص .. ده ال 95 مكملش نص دولار
سيبك مالسعودية لأنه مدعوم جدا من ساعة مالملك عبد الله مسك أو بعدها ( انهيار بورصة 2/2006 )

انا بقي اللي حسبت حسبة كده .. لو الزحمة قلت شوية و العربيات مبقتش تقف .. حنوفر كذا ميلون لتر بنزين شهريا !!!

اقتباس:

---

المشاركة الأصلية كتبت بواسطة axel

عارف ليه ؟؟؟
لأن السعودية اساسا بلد البترول فالطبيعي يكون رخيص لأنه متوافر و بيصدروه كمان
احنا نفس الموضوع برده لكن في الغاز الطبيعي عندنا احتياطي كبيير
روح فوول عربية بتمشي بالغاز هتعمل في حدود 15-18 جنيه
اومال الاجرة بتحط غاز طبيعي ليه هو جايب عربية تصرف عليه مش هو اللي يصرف عليها
فالموضوع ملوش علاقة بالحكومة لكن هي نسبة و تناسب

---

طيب احنا بلد نهر النيل
بندفع فاتورة شهرية للمياه اغلى من السعودية اللى عايشه على الامطار

لأ طبعا مش ده السبب
كتير ..قليل .. ماهو السعودية بتبيعه اللتر ال 91 لدول العالم بما يعادل 109 هلله .. ابيعه للسعوديين و المقيمين ب 45 هلله ليه؟
الفكرة انها دولة غنية .. بتحاول تستغني
احنا دولة فقيرة مش قاردة تستغني بس مضطرة تدعم !!

ياجماعه التأثير لسه موجود لحد دلوقتى مع انى فولت 80 بس انا نويت احط ب 10 جنيه 92 مع كل تفويله ان شاء الله :C_laugh[1]::C_laugh[1]::C_laugh[1]::C_laugh[1]:

اقتباس:

---

المشاركة الأصلية كتبت بواسطة elawany13

طيب احنا بلد نهر النيل
بندفع فاتورة شهرية للمياه اغلى من السعودية اللى عايشه على الامطار

---

فكرتني باعلان بيجي ع التليفزيون
عطشان يا صبايا مع ان انا بلدي النيل
عطشــــان يا صبايا مع ان بلدي النييييل

هنعمل ايه بقي
و زي ما هاجيزو قال برده

شكلنا قريب و لا 90 و لا 80 حتي و هنركب عجل زي مقولت

اقتباس:

---

المشاركة الأصلية كتبت بواسطة ahmod

ببلاش ! !

انا عايز اقولك ان والدي بقاله فترة كبيرة عايش في السعودية

رجع يوم التلات اللى فات

امبارح كنا بنتكلم وجت سيرة البنزين وقلتله ده البنزين مبهدلني وربنا يعين الواحد عليه

قالي انت بتفول العربية بكام

قلتله يعني لو فاضية هيبقى في حدود 65 جنيه بنزين 92

قالي عارف الياريس بتتفول في السعودية بكام ؟ قلتله كام؟

قالي 10 ريال بنزين 93 ! (مايعادل 13 جنيه) وبيديلك علبة مناديل هدية ! ! :36_2_49[1]:

---

يباشا متقارنش اى حاجه بالخليج
قارن باوروباااااا وامريكا

اقتباس:

---

المشاركة الأصلية كتبت بواسطة elawany13

طيب احنا بلد نهر النيل
بندفع فاتورة شهرية للمياه اغلى من السعودية اللى عايشه على الامطار

---

علشان البترول بيتباع بيجيب فلوس
انما المية حتعمل بيها اية ؟؟
اهم بيطلعوا اى مصلحة منها من جيب الشعب وخلاص

طيب يا جماعة حد جرب يستخدم بنزين 92 بدل من ال 80 او العكس

و لاحظ ان فى فرق استهلاك لصالح ال 80
يعنى استهلاك العربية فى 92 اكتر من ال 80
ولا مش فارقة

اقتباس:

---

المشاركة الأصلية كتبت بواسطة lion_heart

طيب يا جماعة حد جرب يستخدم بنزين 92 بدل من ال 80 او العكس

و لاحظ ان فى فرق استهلاك لصالح ال 80
يعنى استهلاك العربية فى 92 اكتر من ال 80
ولا مش فارقة

---

هو 80 بيعمل معايا كيلوات اقل من 90 لكن مابحسش بفرق في السحب

لكن بنزين 92 اما جربته كان فيه فرق كبير و نعومه في السحب و التجميع عن ال 80 و ال 90
عدد الكيلومترات ماحسبتش الصراحه لكن معتقدش انه هايفرق كتير

عندي ال 20 لتر 80 بيعملو 140 كيلو داخل المدينه
و 20 لتر 90 بيعملو 160 كيلو داخل المدينه

ف اعتقد الفرق مش هايبقى كبير

انا عربيتى اكسنت 99 بحطلها 80 علشان السعر بتاعه فى ازمة 80 الاخيرة حطتلها 90 بس اوعى وشك العربية ما شاء الله حاجة تانية خالص