الموضوع: جنوط

المشاركة الأصلية كتبت بواسطة ahmedzizo131

بسم الله الرحمن الرحيم
هما مقاسهم كام ( 13 ولا 14 ) ؟؟؟

الجنط 13

المشاركة الأصلية كتبت بواسطة ahmod

بص يا باشا ايام لما جيت اجنط الياريس

لفيت على كل محلات الجنوط اللى في القاهرة

ماسبتش محل ماروحتلوش مابين اشرفكو وارابكوم وسعيد علام وغيره وغيره

كل المحلات هتلاقي فيها الجنوط تيواني واندونيسي وتيلاندي نوع ssw وهتلاقيه زي ماحضرتك لقيته كدة في رنج ال 2000 طبعا بالنسبة للجنط ال 15

معادا ارابكوم ده الوحيد اللى هتلاقي عنده حجات بجد نضيفة

طبعا مش هكلمك في الجنوط ال momo وال oz لانها مش بتنزل الا للجنط ال 17

بس هتلاقي عنده هناك نوع تيواني اسمه hijon النوع ده افضل تيواني موجود في السوق وفرق كبير اوي بينه ومابين ال ssw

لدرجة ان الفرق يكاد يكون ملحوظ بمجرد النظر للجنط هتحس انه افضل كجودة

الى غير ان التشكيلات اللى عند اشرفكو وسعيد علام واغلب محلات الجنوط تحسها عادية انا متاكد انك مالقتش حاجة شدت انتباهك

لكن في اربكوم هتلاقي تشكيلات تحفة لو عربيتك 5 مسمار ولونها فاتح فيه هناك جنط 15 لونه رصاصي كان هيطلع من عيني بس للاسف عربيتي غامقة وماكنش هيمشي الى غير اني ركبت جنط 16

عموما ارابكوم اغلى هتلاقي الجنط ال 15 في رنج ال 2700 بس مع الفصال ممكن تاخده على 2500

فرق 500 جنيه بس يستاهل

روح هناك واتفرج مش هتخسر حاجة وابقى طمنا عملت ايه

والله مش عارف اقول لحضرتك اية علي نصيحه هي العربية كحلي فانا شايف ان الجنط الابيض هيبقي جامد عليها بس ممكن تقولي ارابكوم فروعه فين بالظبط

المشاركة الأصلية كتبت بواسطة hosam_optrawy

بصراحه معنديش فكره يعملو كام بالظبط بس عموما الكاوتش والجنوط المستعمله سعرهم بيبقى قليل جدا خصوصا لو هاتديهم لمحل

رأيى يا اما تخليهم عندك جايز بعد كدا لو حبيت تبيع العربيه تشيل الجنوط والكاوتش الجداد تبيعهم لوحدهم وترجع الاستوك وتبيع العربيه زى ماهى

او بيع الكاوتش الاستوك لحد يكون محتاجه

كلام سليم انا فعلا بفكر اخليهم علشان كده

تمام كده تسلم علي الافاده ياباشا ولما هروح ان شاء الله هشوف الجنط بتاع حضرتك علي العربية عندي وكنت عايز اعرف حاجه اية افضل مقاس كاوتش يكون قريب للمقاس الستوك يعني الكاوتش+الجنط 15 = الجنط 13+ الكاوتش

لما انزل هبقي اشوفة انا فاكر انه تقريبا 13/70/175 مش فاكر 70 ولا 65 المهم انا فهمت من كلامك انك مثلا كبرت الجنط انش وقللت 10 من مقاس البروفايل يعني انا مثلا هزود انشين يبقي اقلل 20 منت مقاس البروفايل ولا ملهاش علاقة