نوبيرا وبس
عرض للطباعة
نوبيرا وبس
ربنا يبارك فيكم
النوبيرا أفضل اختيار، أنا كنت في الحيرة دي بقالي شهرين، بس لقيت ان اللانسر معظمها بقى قديم و مفيهوش كل كماليات النوبيرا و كمان واطية من ورا ولو لانسر كويسة تلاقيه طالب مش أقل من 50، و التويوتا العيون كل الناس مش بتتكلم عنها كويس و بيقولوا أسوأ تويوتا و إعادة بيعها صعب و الأوتوماتيك فيها معدية ال 50 لو حالة كويسة، و لقيت النوبيرا أوسع من الاتنين و كاملة أوتوماتيك و موديل اعلى و قطع غيار أصلية و رخيصة و جديد و مستعمل متوفرة بشكل كبير و صيانتها مش مكلفة. أنا الحمد لله ربنا وفقني و اشتريت نوبيرا 2004 الأسبوع اللي فات و الحمد لله مريحاني جدا.
ربنا يبارك لك فيها وانا نويت خلاص على النوبيرا بس فى رايكم المانيوال ولا الاتوماتيك وشكرا
جزيلا لاهتمامكم
و الله أكيد أوتوماتيك أريح المهم حالة العربية و الفتيس و عموما معظم الكوري بيحتاج تغيير الفتيس كل سنتين تقريبا حسب استهلاكك و بتبقى تكلفته من 1000 إلى 1500 جنيه و انا شخصيا بحسبها إني بشتري بيهم راحتي. و أكيد لو حافظت على الفتيس من ناحية الاستخدام يعني من غير حرق و اهتميت بتغيير الزيت و الفلتر بتوعه في مواعيدهم و بانتظام حيعيش معاك أكتر. دي وجهة نظري الشخصية
لو تشوفلك حاجة هوندا
سيفيك كده هتبقي ممتازة. عربية شياكة و اداء ومفهاش غلطة بس اهم حاجة تكون حالتها كويسة
والله مش عارف ازاى اشكركم على المعلومات المفيدة افادكم اللة