سلام عليكم
دلوقتي انا بسوق عربية رخصتها بأسم والدي .. هل ده قانوني ؟
عرض للطباعة
سلام عليكم
دلوقتي انا بسوق عربية رخصتها بأسم والدي .. هل ده قانوني ؟
معرفش قانونى ولا لا
بس انا من زمان بسوق عربيه باسم والدى
و محدش كلمنى فى حاجه
القانونى انه يعملك توكيل بس عادى قشطة يعنى بتعدى
انا باسوق عربية باسم والدتي و مفيش مشاكل في حتة بس احتياطي حاطط شهادة ميلاد في العربية عشان لو حد رخم
بناء علي نصيحة الاعضاء هنا
خلي والدك يعملك توكيل قيادة فقط وليس بيع او اي شيء اخر.....في الشهر العقاري ب15 جنيه وانت واقف.
ولو وقفت في ارخمها كمين خلقه ربنا مش هيقدر يعملك حاجة.
عادى بس لو مثلا ونش شالها حاجة من هذا القبيل لازم صاحب العربية يجى لكن لو كمين او كدا عادى لأن من اسمك فى الرخصة بيعرف انها عربية والدك بتعدى عادى بس للأمان يعملك توكيل خاص بالقيادة والتعامل مع المرور (مرة اتنان اصحابى ركبين عربية واحد فيهم فصاحبها تعب من السواقة قام التانى ساق مكانه دخلو كمين قالو الرخص ادالو الرخص الضابط قالو مين صاحب العربية قالواهو اللى قاعد جانبى و صاحب العربية ادالو البطاقة عشان يتأكد انها عربيته يقلو ماليش دعوا عاوز توكيل انه يسوق العربية صاحب العربية يقلو انا صاحبها وقاعد جنبه و بقوللك موافق يسوقها برده مليش دعوه عاوز توكيل انه يسوقها طبعا ده نادر انه يحصل ) خليه يعمللك توكيل ادارة للاحتياط
ما انا برضو نفس الحال بس القلق بتاع اليومين دول مش عايز حد يكلمني
يارب محدش يرخم و شكرا يا فندم
ربنا ما يجبش مشاكل ان شاء الله و ربنا يستر طريقنا و طريقك
المشكله ان الحاج سنه كبير ولو قولتله الموضوع ده ممكن يقولي متركبهاش احسن :coolio:
ربنا يبعدنا عن الظباط اللي مش بتشغل دماغها دي .. و ربنا يسترها بقي ان شاء الله و الف شكر يا فندم ع الرد
قيادة سيارة باسم أي شخص آخر دون توكيل رسمي بذلك في الشهر العقاري غير قانوني ... حتى لو كانت السيارة باسم الوالد .. وحتى لو كانت باسم الوالدة ومعاك شهادة ميلادك
كل ده لا يعفي من المسئولية القانونية إذا قابلت واحد رخم وحب يمشي الموضوع معاك رسم ... عشان تبقى مطمن يبقى لازم توكيل من مالك السيارة اللى الرخصة باسمه
من كام سنة وقفت في كمين في المنصورة مليان ظباط وكانو عايزين ياخدو العربية علشان الرخصة باسم والدي ومعييش توكيل وكانو في قمة الرخامة اللي خلقها ربنا وكله باسم القانون
فنصيحة خليه يعملك توكيل قيادة علشان لو حد رخم عليك
دا حتة ورقة ب15 جنيه ارميها في العربية وخلاص
للأسف غير قانوني لازم يعملك توكيل رسمي الظابط مثلا ايه ضمنه ان اللي قدامه مش واخد العربية من ورا والده فلازم توكيل رسمي عشان تبقي في السليم
و كنا لسه بنتناقش في نفس الموضوع ده هنا
http://www.nilemotors.net/Nile/261730-2-5.html