السلام عليكم
يا جماعة انا معايا كورولا 93 وعاوز اعرف رأيكم اشدها واصرف عليها موتور وعفشة وتظبيط فى الشكل جوا وبرا ولا اشترى بورا موديل 99 او 2000 مثلا؟
عرض للطباعة
السلام عليكم
يا جماعة انا معايا كورولا 93 وعاوز اعرف رأيكم اشدها واصرف عليها موتور وعفشة وتظبيط فى الشكل جوا وبرا ولا اشترى بورا موديل 99 او 2000 مثلا؟
لا بيع واشتري احسن مهما ظبط هاتفضل زي ماهي
أنت شايف كده ؟ يعنى التظبيط فى الفاضى فعلا؟
حد يبيع الكورولا دي يابرنس !!
دى طبعا خساااارة بس انا للاسف مش عارف اظبطها فين ومش عارف ده احسن ولا اجيب بورا او جالانت مثلا
لان انا عاوز اركب حاجه موتورها كبير
على الرغم من اقتناعى ان الكورولا الملكة 92-96 دى.. تعتبر أفضل كورولا فـ التاريخ..؟!! وتويوتا مش هتعرف تعمل زيها تاااااااااانى..:coolio:
لكن لو عايز تغير.. الأقتراحين بتوعك جامدين..؟!!
الجالانت 2.0 عربية فااااااااجرة.. شرط الحالة, بس قطع غيارها وصياناتها مش سهلة ومكلفة..؟؟!!!
هى البورا يا برنس, :S_thum1[1]:
ممكن كمان تشوفلك حته 2001-2005 (آخرها).. أسعارها بقت معقولة أوى دلوقتى..
موتور, جرى, ثبات, هاندلينج واعتمادية... أدااااااااااااء البورا دى, VW icon من وجهة نظرى المتواضعة..
وبرضه الجيتا (بالمقارنة) أثقل منها بكتيييييير (كـ سواقة), ومش Dynamic زيها. :beeangel:
أنا بحب الجالانت جدا جدا جدا حتى الموديلات القديمه منها التسعينات كمان
بس حاسة أن البورا أحسن
على حسب امكانياتك يامعلم قادر تبيع وتجيب بورا تبقى ممتازه
لو مش قادر خليك في الكورولا وزبطها
بس طبعا البورا تحفه بسم الله ماشاء الله كعربيه
الجديد احسن بس تاكد من حاله العربيه وخصوصا الفتيس لان فيه مشاكل مع ناس كتير..
مين البورا ديه ؟
دى فولكس فاجن بورا
و دى شكلها
http://www.swotti.com/tmp/swotti/cac...Z/imgBORA3.jpg
http://image.eurotuner.com/f/ih8thed...r-how-long.jpg
http://t1.gstatic.com/images?q=tbn:A...zgVgH_yQzsFbvl
http://cars.makcdn.com/imgs/Zoom/157750/Feature.jpg
http://cars.makcdn.com/imgs/Car/9072/Feature.jpg
http://upload.wikimedia.org/wikipedi...t_20071012.jpg
http://cars.makcdn.com/imgs/Zoom/157734/Feature.jpg
http://cars.makcdn.com/imgs/Zoom/157737/Feature.jpg
السؤال الاهم ان انت دلوقت بتلاقي قطع يغار لعربيتك عند بتوع الببقالة من الابرة للصاروح اوك بس هل قطع غيار البورا متوفرة اصلا وكله موجود حتى لو هتتعب عشان تلاقيها؟
البورا مصاريفها وقطع غيارها اعلي طبعا بس ف الجري والثبات حلوه وانا من رأيي هات البورا
مش هقولك تجار ومحلات قطع غيار الـVW-أودى-سيات-سكودا.. قد أيه, لأ
هقولك الحرفيين فيها كام واحد بيبيعوا جديد واستيراد لو عايز كماااااااااان..
كفاية مجدى البيومى (بيشتغل أوروبى بس: فولكس, فيات, أوبل.. وكده)
لو عايز موتور بورا P5 2500cc أو موتور جولف VR6 2800cc (أو بتاع الـR32) هتلاقى؟؟؟!!!!!! :oh:
اللى بيركب VW من زمان.. هيعرف انا بتكلم فـ ايه,
وبالنسبة للمراكز والميكانيكية.. رشاد بتاع الحرفيين اشهرهم.. مابيشتغلش غير VW ويعتبر الماستر بتاع الفولكس فـ مصر..؟؟!!!
دا واحد بس كمثال..:36_9_4:
العربية تورا بورا شكلها حلو
هيه العربية ديه كانت فى افغانستان ؟
بما انك معاك كرولا ليه مفكرتش فى كرولا الفينات زي 2003 مثلا هتكون تقريبا فى رينج البورا
فى حالة انك مش غاوي جري هتكون فى رأيي عمليه أكتر من البورا ودي مقارنه بسيطه
الثبات : تفوق ملحوظ للبورا
عوامل الامان (ABS + Air bag): البورا
التسارع : متقارب ( لو الاتنين اوتو وتحت 100 كيلو )
استهلاك البنزين : لصالح الكرولا بجداره (موتور 1300 واستهلاكه للبنزين قليل جدا)
الفتيس الاوتو : فى الكرولا افضل واعطاله اقل من البورا
التكيف : الكرولا
قلة الاعطال وتوافر قطع الغيار : لصالح الكرولا
اعادة البيع :الكرولا
انا في رأيي لو انت متعود علي التويوتا وعلي مستوي مصاريفها خليك فيها احسن
الألماني المستعمل بيبقي سيرفيسه كتير الا لو حالته حلوة اوي
لكن لو العربية شقيانة شغل هتصرف كتير جدا لحد لما توقفها علي حيلها
وعموما البورا 2000 مافيهاش اي شكاوي من الفتيس بتاعها الكلام دة بس بينطبق علي الفتيس الجديد بتاع الجيتا ال6 غيار والجولف 6 الي بيسموه dsg
ربنا يوفقك
والله المستعان
،
،
شكرا جداااااااااااااا يا جماعة على كل الردود وانا دلوقتى غالبا استقريت على انى حبيع للاسف ومع احترامى لرأى الناس اللى قالت اخلينى للكورولا بس انا مش بلاقى ميكانيكى واحد يظبطلى العربية
وحادور على جالانت او بورا وخصوصا البورا لان لقيت منكم ردود كتير بتشجعها
وبالنسبة لموضوع الجرى انا فعلا مشكلتى الاساسيه انى عاوز عربية تجرى جامد معايا لان انا بسافر باستمرار بحكم شغلى وافتكر لو جلانت 2000cc او بورا 1800cc حيريحونى فى الموضوع ده
مش هتلاقى بورا 1800
لكن هتلاقى بورا 2000cc (اللى هى بتاع أمريكا, مكتوب عليها jetta لأنها كانت بتنزل هناك باسم جيتا) والفبرة اللى على الموتور مكتوب عليها 2.0 وكمان SR زى العادى..؟!!
بس مانصحكش...؟؟!!! وعن تجااااااارب كتيييييييير: خليك فـ الـ1600cc :coolio:
لو واحدة رايقة, مش هتحتاج أكثر من كده.. صدقنى.
هقولك ليه؟
مثلا واحد معاه بورا 2.0 (بتاع امريكا, وعدادها بالـMPH مش بالكيلومتر كمان)..
داااااااايخ على حساس MAF مش لاقيه, كلـــــــــــــــه بيقوله عندى بتاع الـ1600
والغريب بقى: بتاع الـ2500 والـ2800 موجود..؟؟!!! :pffft:
ومن دا بقا كتييييييييير: قواعد موتور او فتيس غير, فرامل (ديسكات وتيل) غير, عفشة غير ...etc
دور على واحدة 1600 متضبطة.. :S_thum1[1]:
تمام يا باشا بس يعنى ال1600 102 حصان مش بيبقى قليل على وزن العربية؟ اصل انا اسمع ان الامانى تقيل ولا انت رأيك ايه؟
لأ, مش قليل خاااااااااااالص..
ماتنساس ان البورا اخف من كل الـVW الجديد اللى بنفس الموتور.. وزنها 1200 كجم تقريبا.
الجيتا والأوكتافيا وزنهم 1340 كجم تقريبا.. تقيلة دبابة.
لو فايقة.. تجرى مع اى عربية 1.6 موديل النهاردة.. وتطلع من عربيات كتييييير عشان فرق الثبات والهاندلينج والـDynamic بتاع البورا..!!
باشا, اركب بورا وجربها من الآخر.. :coolio:
تسلم يا باشا على مساعدتك وانا فعلا دلوقتى بدأت ادور على بورا وعلى زبون لعربيتى:U_thin1[1]:
المواتير الفولكس دايما تحسسك انها اقوي من الcc بتاعها
يعني تركب ال1000 تحس انه 1300
تركب 1400 تحس انه 1600
تركب ال1600 تحس كأنه 2000
ودة عن تجربة للفولكس، بيديلك اداء اقوي من مثيله في المواتير الأخري
وفي الألماني بوجه عام انت تقدر تحرق وتمشي علي الغيار لحد 6 rpm وبدون ماتكون بتجهد الموتور او تضيع عزم علي الفاضي - لا بيفضل يديلك عزم وتسارع لحد الred zone بتاعته وفي بعض المواتير ممكن توصل لنهاية الred zone وتلاقي الموتور بيستجيب معاك عزم وتسارع
ربنا يوفقك في البيع والشراء
والله المستعان
،
،
بورا طبعا عربية تحفة
طبعا كلام formulater كلة مظبوط وتمام
بس انا لية رأى فى كام نقطة كدة
بالنسبة للعربية فهية مش سريعة ومش بطيئة لكن كويسة جدا بتوضيح اكتر مش هتديك ال acceleration بتاع الكورى واليابانى لكن هتديك ثبات عالى
العربية ثباتها عالى وعفشتها مش ناشفة ودية ميزة
العربية قطع غيارها غالية جدا , وانزل اسأل عليها الاول وانت تعرف الفرق
العربية طبعا شكلها جميل وعصرى جدا واعتمادية بس صدقنى لو جيبتها مستعملة لازم تجيبها نظيفة اوى اوى اوى اوى واى عشان ماتتعبش فى مصاريفها لانها بجد هتتعبك جاااااااااااااامد عن تجربة لسيارات فولكس وابيزا
وربنا يوفقك للخير
طيب هو ليه محدش اهتم بالتعليق على الجالانت كتير مع انها ممتازه
الجالانت عربية جميلة جدا وفخمة جدا جدا
بس للأسف مالهاش قطع غيار تقريبا
سواء الصاج (فوانيس واكصدامات ورفارف) او ميكانيكا وعفشة
والله المستعان
،
،