السلام عليكم
عندى سؤال لمالكى كيا سول او اللى جربوها فى المطبات
وتحديدا الحتت المكسره والحفر والنقر مش المطبات الصناعيه
اخبار العربيه ايه فى الطرق دى من حيث الارتفاع والحك والتخبيط والذى منه ؟
انا معلوماتى ان ارتفاعها عن الارض 16.5 سم ودا ارتفاع معقول يعنى اعلى من اى سيدان تقريبا بس برضه مش عالى لدرجة التيجو والتيريوس مثلا
فقولت اسأل ملاكها او اللى جربوها فى الطرق الوعرة عن التجربه الفعليه فى الطرق دى
ومشكورين مقدما
فى انتظار ردودكم
بتسال ليه ياحسام ؟ اعترف
لا مفيش اى تخبيط خالص مع المطبات هيا العافشه تحسها ناشفه شويه بس لو حطيت نيتروجين و الضغط كان على 30 هيكون الوضع افضل شويه
لا ياكبير مش ليا , موش أنى :)اقتباس:
المشاركة الأصلية كتبت بواسطة abouleila
دا واحد حبيبى عايز حاجه عاليه , ومش عاجباه تريوس , وبيفكر فى تيجو بس قلقان منها
قلت اسأل على السول لو عاليه تبقى احسنله
شكرا على الرد ياباشا بس ياترى شوارع اسكندريه زى شوارع القاهره بيتهيألى عندكوا ارحم شويهاقتباس:
المشاركة الأصلية كتبت بواسطة mhmdkhamis
عموما مشكور على الرد وفى انتظار رجالة القاهره
العربية تمشى فى شوارع مصر العادية زى الفل و ممكن تحك خفيف أوى فى المطبات الغشيمة لو محمل أوزان على الكنبة اللى ورا
بس هى مش عربية off road دى عربية مدينة
يعنى الواحد لازم يبقى حذر برضه ماينفعش يخش بقلب جامد فى اى حته :)اقتباس:
المشاركة الأصلية كتبت بواسطة smartchoice
عموما مشكور ياباشا على الافاده والاهتمام بالرد
الحمد لله العربيه عمرها ما حكت معايا فى مطبات حتى وانا معايا 3 ركاب وارتفاعها ممتاز متقلقش من النقطه دى خالص
ياباشا ربنا يطمنك ومشكور على الرداقتباس:
المشاركة الأصلية كتبت بواسطة dr_no
بس معلش سؤال عشان تفرق معايا حضرتك تقصد المطبات الصناعيه ولا الحفر والنقر والمطبات اللى فى الشوارع المكسره
ومشكور مره تانيه
وبالمناسبه لسه قارى خبر عن السول 2012 بالتعديلات والكماليات الجديده
التوكيل عدل فى الفئات بقت بيزك و بيزك + فتحة سقف و هاى لاين
ولغى التوب لاين
موتورها بقى زى الالنترا والفيلوستر 130 حصان , وفتيس اوتوماتيك 6 سرعات
الجميل ان البصمه والايموبليزر بقو اساسى فى كل الفئات والفئه Basic فيها كمان جنوط سبور 16 وطاره ملتى جلد وازاز خلفى فيميه و 1 ايرباج
اللى مش جميل ان ال ABS EBD والايرباج بتاع الراكب الامامى موجودين فى الهاى لاين فقط
الفئه اللى فى النص فيها فتحة سقف + مرايات ضم باشارات وبلوتوث وباركنج سنسور
والهاى لاين فيها زينون وفوانيس LED ومثبت سرعه وكاميرا
الاسعار 123 - 129 - 140
اسف اتلخبطاقتباس:
المشاركة الأصلية كتبت بواسطة hosam_optrawy
جميع الفئات ريموت كنترول مش بصمه لكن الايموبليزر اساسى فى كل الفئات مع ال 1 ايرباج وجنوط 16 و تكييف عادى وفرش الابواب جلد هو والطاره والفتيس والطاره ملتى والازاز فيميه وسبويلر
مفيش بصمه ولا جنط 18 ولا تكييف اوتوماتيك ولا فرش جلد فى اى فئه
العفو يا فندم واسف على التاخير فى الرداقتباس:
المشاركة الأصلية كتبت بواسطة hosam_optrawy
انا الحمد لله جربت جميع انواع المطبات والحفر والنقر والطرق المكسره والمدقات كمان انا شغلى فى قريه على طريق القاهره الاسماعيليه الصحراوى عشان اوصلها بمشى تقريبا 3 كيلو فى طريق ترابى كله حفر واسفلت مكسر فمتقلقش انا مجرب الحاجات دى كلها والحمد لله تمام مفيش حكات خالص مع العلم انا عربيتى جنط 18 مش 16
شكرا جزيلا لذوق حضرتك واهتمامك بالرد , ربنا يباركلك فيها ويكفيك شرهااقتباس:
المشاركة الأصلية كتبت بواسطة dr_no