الكرش مشكله تعلا نحلها الجزء التانى اوعى يفوتك

**yascro** · 10-02-2012 02:55 PM

Perfect

**minicooper20** · 11-02-2012 02:46 AM

المشاركة الأصلية كتبت بواسطة sting_2010

الموضوع ده مليان اخطاء .علمية

نورنى و نستفيد من حضرتك
و علعموم انا على قدر من الفهم الحمد الله انى اكتب موضوع مفهوش غلطات علميه فى المجال ده لانى مش هضر حد اكيد و المصادر موجوده

المشاركة الأصلية كتبت بواسطة ahmed a.maksoud

موضوع هايل....

أسمحلى بإستشارة

أنا بياناتى كالتالى ( و دى تقريبية لأنى مش فاكر مثلاً مقاس الوسط قوى لأنى بلبس نوع بنطلونات مقاس 32 و فيه نوع تانى 34 بيبقى ضيق عليا............مش عارف مين الصح فيهم و علشان كده أخدت 34أنش فى الحسابات..........و كذلك الحال فى الرقبة)

body mass index: 34.2 kg/m2 waist-to-height ratio: 0.51 percent body fat: 15.5% lean body mass: 77.8 kg
مشكلتى الأساسية بقى الكرش

بالنسبة للأكل.............انا مش أكيل............بس مش باكل بأنتظام.............و مش بعرف أفطر

يعنى يومياً لازم الصبح على الريق كباية قهوة.........و ممكن بعدها بساعتين كده أكل.

و عادة بترسى معايا على وجبتين يومياً.

معدل الحرق عندى ضعيف...........أنا عارف دى........و ده بيخلينى أعانى مع الكرش.

مشكلتى فى تنظيم الأكل هى أنى من الصبح لحد بالليل فى الشارع......يعنى معظم اكلى من برة البيت و بالتالى مش بعرف أنظم نوعية الأكل.

المشلكة التانية أنى معنديش وقت على الأقل حالياً أنى أعمل رياضة..........خصوصاً انى بذاكر مع الشغل.......و بالتالى مفيش وقت خالص.

نصايحك أيه و خصوصاً فى موضوع تنظيم الأكل و طرق تعلية معدل الحرق.

و حوارق الدهون دى متنفعش معايا طبعاً بدون رياضة..........صح ؟

و الله انا تحت امرك بس ممكن سنك و طولك ووزنك لان النسبه عندك مش مزبوطه او القياس مش مزبوط

**Ahmed Selim** · 11-02-2012 09:21 AM

المشاركة الأصلية كتبت بواسطة minicooper20

نورنى و نستفيد من حضرتك
و علعموم انا على قدر من الفهم الحمد الله انى اكتب موضوع مفهوش غلطات علميه فى المجال ده لانى مش هضر حد اكيد و المصادر موجوده

و الله انا تحت امرك بس ممكن سنك و طولك ووزنك لان النسبه عندك مش مزبوطه او القياس مش مزبوط

الله يخليك

السن 34
الطول 167
الوزن 92

**Khaled Online** · 11-02-2012 01:21 PM

المشاركة الأصلية كتبت بواسطة minicooper20

الجزء التانى
طبعا كلنا قرائنا الجزء الاول

لو بيتلعب رياضه و بيتجرى و منظم اكلك سعتها بقا حوارق الدهون هتساعدك
طيب انوعها ايه و بيتجاب منين انا اقلك انوعها و بتاتحد ازاى
دى المتجربه و جابت نتايج جامده جداااار
الليبو سكس بلاك

طبعا دة منتج غنى عن التعريف ويقوم بحرق الدهون العنيدة الموجودة فى الجسم
الجرعات:- يوخز منة 3 حبات فى الصباح و3حبات اخرى بعدها بحوالى 5 ساعات
وهذا المنتج مخصص لما هم فوق ال21 سنة واثناء تناول هذا المنتج لا يجب
تناول اى نوع من المنبهات لانة يحتوى على نسبة عالية من الكافيين
لعدم التسبب فى الارق وقلة النوم
وهو يركز على حرق الدهون فى الجسم عامة وليس ممنطقة معينة

الهيدروكسى كت

هذا الحارق يتكون بشكل اساسى من الكافيين والشاى الاخضر ونبتة اليهومبى
واذا اجتمعت تلك المواد فلا زرة فات تقف امامهم
وهذا المنتج يركز على الدهون الموجودة فى الارداف والجزء السفلى من الجسم
الجرعات:- يوخز منة 3 حبات فى الصباح و3 اخرى بعد الجرعة الصباحية بحوالى 5 ساعات

الاوكسى ايليت برو

هذا المنتج ايضا غنى عن التعريف ويتميز بانة يقوم برفع دقات القلب
بشكل غريب فعلا وقد تصل نبضات قلب من يستعملة اثناء الكارديو الى 190 نبضة فى الدقيقة وهذا الذى لا يستطيع فعلة الحوارق الاخرى
الجرعات:- يوخذ منة 2 حبة ثلاث مرات يوميا
الانيمال كتس

يتميز هذا المنتج بانة يعمل فى صمت تام اى ان مفعولة ليس اثناء التمرين فقط ولكن يظل مفعولة فى الجسم لفترات طويلة منها فترات النوم
ويمتاز ايضا بانة يمكن الاستغناء عن الكافيين الموجود بة للذين لا يرغبون بتناول الكافيين ويتم ذلك بفصل الحبة الحمراء عن الباكت
الجرعات:- يوخز باكت كامل {بحبة الكافيين} فى الصباح وباكت اخر بعد الجرعة الاولى بحوالى 5 ساعات
طيب اسعارهم ايه
هما من 250 الى 300 جنيه
و بيتاجبو من سيتى ستارز و فى تجار كده بيجبو الحجات دى و بيبعوها
انا هساعدك انوى انتا بس

المشاركة الأصلية كتبت بواسطة Hacker5

الف شكر يا باشا تمام اوى
بس جرعة الاوكسى اليت اللى انتا كتبها ممكن تموت يا راجل D:
كبسولتين 3 مرات يوميا ؟؟؟؟؟؟؟؟؟؟
بعد اذنك يا باشا لو تسمحلى
الجرعة الصحيحة كبسولتين فى الصباح على معدة خالية و بعد نص ساعة افطر
و كبسولة بعد الجرعة الاولى من 5 لـ 6 ساعات
لكن فى الاول عشان الجسم يتعرف على المكمل بتكون الجرعة كبسولة فى الصباح و كبسولة بعد 5 او 6 ساعات لمدة 3 ايام
و بعدين بتاخد الجرعة الطبيعية ( كل دة مكتوب على العلبة من الخارج)
اما الاعراض الجانبية اللى حاصلتلى

فقدان الشهية بطريقة كبيرة كنت بقرف ابص للاكل

جفاف فى الفم و الحاجة لشرب مياة بكمية كبيرة و دة مهم لغسل الكلى و تعويض المياه الناقصة اثناء التمرين

قلة النوم

احيانا مزاج سىء و عصبية

دقات قلب سريعة اثناء التمرين على العجلة او المشاية

تحذييييييييير من اللى عندهم مشاكل فى القلب او الضغط او السكر او الكلى من تناول هذا المكمل

و شكرا يا باشا على مواضيعك الـ Perfect و ان شاء الله الاعضاء يستفادوا و يبتدوا يظبطوا الدنيا

شكرا يا Minicooper على موضوعك الجاااااااااامد قوي

هو ده حارق للدهون ولا مكمل يا جماعة؟
كدة هنتلخبط

**mmffor** · 11-02-2012 01:24 PM

موضوع قيم جدا جدا شكراااااااااااا

**minicooper20** · 11-02-2012 01:31 PM

المشاركة الأصلية كتبت بواسطة honda4ever

شكرا يا minicooper على موضوعك الجاااااااااامد قوي

هو ده حارق للدهون ولا مكمل يا جماعة؟
كدة هنتلخبط

حارق الدهون يندرج تحت بند المكملات يا فندم كا مسمى لاكن كا فعل ليه تائثير تانى على حرق الدهون و كده
و بالنسبه للجرعات انا بنصح بالجرعات المكتوبه على العلبه لاكن انا الكاتبو تجربه شخصيه و متجربه على ناس كتير جدا و منورنى

المشاركة الأصلية كتبت بواسطة mmffor

موضوع قيم جدا جدا شكراااااااااااا

تحت امرك

المشاركة الأصلية كتبت بواسطة yascro

perfect

تسلم يا كبير

**egyptiandiver** · 11-02-2012 01:54 PM

حضرتك يا مستر عصام تجيب بذور الكتان من العطار، أنا كنت جبت كتاب عن بذر الكتان و فوايدو و كان فيدا مهمة ليه إنو بينزل الضغط بشكل طبيعي، كنت من كام شهر جبت الكيلو ب-20 جنيه ممكن تجيب كمية مثلاً ربع كيلو و لو ريحك جيب تاني و أسف على التأخير في الرد أنا لسة شايف الموضوع تاني دلوأتي، أحمد سامي

**aboharb** · 11-02-2012 02:04 PM

البيانات بتاعتى العمر 43 الطول 173 الوزن 81المشكله فين بقى المشكله تكمن انى عايز انزل كل الدهون اللى فى منطقى الكرش فقط طب اشمعنى علشان انا عندى انزلاق غضروفى وعايز اخف الضغط شويه على عضلة الضهر ومش عارف اعمل الموضوع ازاى مع انى فى العاده بأكل مرتين يوميا فطار وغداء فقط والعشاء يومين فقط هما ايام الراحه الاسبوعيه من العمل

**titos_81** · 24-02-2012 05:22 PM

Body Mass Index: 33.4 kg/m2 Waist-to-Height ratio: 0.62 Percent Body Fat: 31.2% Lean Body Mass: 68.8 kg

You are overweight by 25.5 kilograms (56.1 pounds)

Minimum caloric requirements: 2196 Calories per day
Limit your food intake to 1866 calories per day.
to lose 1.1 Kg per month.
Your diet should contain at least 81 grams of protein per day
و انا سنى 32 سنه
قولى يا باشا ايه العمل فى الوعكه دى ؟؟ و ايه المكملات اللى ممكن تظبط معايا؟.