الحمد لله استلمت الستب واي و بها 2 \اير باج
كنت عايز أهل الخبره يفيدوني عن
- اول صيانه في التوكيل و تكلفتها
- كام كيلو لفتره التليين ؟؟؟
- الأشياء التي يجب مراعاتها في فتره التليين
عرض للطباعة
الحمد لله استلمت الستب واي و بها 2 \اير باج
كنت عايز أهل الخبره يفيدوني عن
- اول صيانه في التوكيل و تكلفتها
- كام كيلو لفتره التليين ؟؟؟
- الأشياء التي يجب مراعاتها في فتره التليين
اولا : 1000 مبروك عليك و ربنا يديك خيرها و يكفيك شرها .
ثانيا : اول صيانه 5000 و هي مجانيه .
ثالثا : العربيه بتيجي متلينه . بس علي الأقل في ال 3000 كيلو الأولي متقرصشي علي الماتور يعني متعديش ال 3000 rpm .
و ياريت تديني لها كام صوره و تقول لنا اشتريتها منين و بكام و انطباعك عنها .
جبتها من الطارق كارفور إسكندريه
الموديل به 2 أير باج
أدئها ممتاز جدا بتجربه مجموعه من الأصدقاء ذوي الخبره في مجال السيارات عشان خليتهم يجربوها
الف الف مبروك ربنا يديك خيرها ويكفيك شرها - انا كمان من اسكندرية واي استفسار انا تحت امرك وصيانك ان شاء الله الجاية اعملها في سموحة بعد 5000 كيلو مجانا
شكرا بس كنت عايز أعرف قبل ال5000 في أي حاجه ممكن أتابعها ( زيت /مياه /.........)
ولا حاجة - بس سوق وملكش دعوة بحاجة تانية اهم حاجة ال rpm ميعلاش منك عن 3 لغاية ما تعمل اول 3000 كيلو وبعد كدة براحتك انشالله حتي تفصل الماتور
سؤال بالمناسبه السعيده دي .. انا بيعلي منمى ال rpm علي سبيل الخطا و الديبرياج بيفلت و كل الحركات بتاعه المبتدأين دي.. دا يبوظ الموتور و العربيه و لا في الامان يا مان ؟؟
لما بنقول ان المفروض ان ال rpm ميعلاش عن 3 دا بس عشان ماتجهدش الماتور في الاول لكن الموضوع عادي لو علي منك علي فترات ميحصلش حاجة ومفيش ضرر باذن الله
عاوزين صور يا باشا عشان نتفرج من بره ومن جوه لان والله الواحد شكله كده هيجيبها
في أقرب فرصه هصورها
الف مبروك .
ممكن أعرف أنت حاجز يوم أيه واستلمت يوم أيه ؟ اصلى حاجز من أول الشهر عند الطارق وقال لى الاستلام بحد أقصى 45 يوم.
الف مبروك
رينا يديك خيرها ويكفيك شرها
وفى النتظارالصور
على فكرة انا استلمت من يوم 6/12/2011 والعربية اكثر من رائعة :S_thum1[1]:اللون نبيتي و 2 airbag
وabs بس هو فعلا صوت الماتور عالي شوية بس حسب كلام الرجالة انه هيقل بعد كدةو انا حجزت و
استلمت من الطارق المعرض الجديد اللي فتح في مول العرب 6اكتوبر و 1000 مبروك للرجالة اللي جابتها
واللي لسة هيستلموها بجد مش هتندموا ابداا و اي حد اعرفه يشوفها تعجبه اوي و يارييت بجد نكنون يا رجالة علي اتصال عشان نساعد بعض في اي حاجة لان تقريبا احنا اول ناس نجيب العربية دي و اي مساعدة او استفسار انا في الخدمة و ممكن تبعتولي علي الخاص لاني مش دايما بكون موجود .
.... حاجة غريبة اوي حصلت و انا برخصها اني بعد مراحل الترخيص "السلسة الجميلة" و بعد ما استلمت الرخصة ببص في الظهر لقيت مكتوب رينو لوجان .... طبعا رجعت للراجل في الشباك " يا باشا العربية مش لوجان دي سانديرو ستب واي " قاللي " يعني هي مش رينو " :_Alshmokh11: قلتله لأ رينو بس مش هو ده الموديل ...اخد مني الرخصة "بامتعاض" و اختفى شوية ... رجع و اداني الرخصة ..ابص فيها الاقيه شطب لوجان بمزيل "كوريكتور" ... ادايقت و قلتله "انت شطبت الموديل وخلاص انا عايز اغيرها " قاللي " هي كدة يا بيه سليمة و مفهاش مشكلة " ... فلت لنفسي انا هدخل لمدير الوحدة اساله و فعلا رحت قاللي "مفيش مشكلة اصل الموديل اللي بتاع عربية حضرتك لسة منزلش على السيستم" و خرجت من المرور و انا بسأل نفسي هل ده صح و لا كان زحلقة...
كنت حبيت أركب لها وحده رفع و زجاج كهرباء خلفي , هل ينفع اركبه في أي مكان ولا لازم التوكيل عشان الضمان
و حد عنده فكره يكلف كام؟؟؟
مش هينفع عشان الضمان
ألف مبروك يا باشا بس أنا عندى استفسار يا ريت حد يجاوب عليه
أنا رحت شوفتها عند الطارق اللى فى مول العرب ووجدت فيه شحم واضح جدا من عند المقصات والعجل من جوه ....فهل ده طبيعى فى عربية حديثة لأن لما بصيت فى ماركات تانية ملاقتش الموضوع ده
الله يبارك فيك هو بصراحة انا مركزتش اوي بس متقلقش العربية بجد تحفة انا لسة مكملتش ال 1000 كم بس الى الان مفهاش اي عيوب لو بتفكر فيها توكل على الله و مش هتندم:verygood:
سؤال يا جماعه
هو فيه سانديرو ستب واي اوتو ماتيك ولا زي اللوجان كله مانيوال ؟؟؟
كله مانيوال بس في كلام ان في معرض الاهرام اللي جاي هتنزل اوتو و مفيش معلومات عن الاسعار طبعا
اخى انا لسه مرخص فى الاسكندريه وكتبو رينو سانديرو