صعب ...الحرامية في مصر ماوصلوش للمستوي دة.
عرض للطباعة
صعب ...الحرامية في مصر ماوصلوش للمستوي دة.
فقط سؤال هام أيها الزملاء
هل السيارات السيراتو التى تمت سرقتها كانت مزودة بنظام إنذار ؟
كذلك
هل كانت مزودة بنظام مجمد النظام IMMOBILIZER ?
إذا كانت الجابة بنعم .... إذن رأى صاحب الموضوع قريب تماماً من الصحة
ولكن كيف ؟ وبأية وسائل تمت سرقة السيارات السيراتو ؟
تلك هى المشكلة الى تستعصى على فهمها أو حلها
مع أطيب تمنياتى القلبية للجميع بالصحة والسعادة ،،،،،
Zazoksh - Cairo, EGYPT
لأ طبعا وصلوا وشوف كميه العربيات المسروقه واسلوب السرقه ولا يمكن الاستهانه بهم خصوصا مع دخول عناصر جديده غير تقليديه عليهم فى وضع يشبه العصابات المتخصصه ذات الامكانيات والقدرات المتنوعه وان اسلوب الحرامى بتاع زمان اصبح نادرا فى عصر الانترنت
+1111111
هية على فكرة مش مشكلة السيراتو بس
هية الكيا عمتا الى بتتسرق
يا جماعة بالراحة علي...انا مجرد ناقل لما سمعت من فم الاسطى..وعلى فكرة هو ممكن، بس في مصر!!!! مش عارف
الأخوة الأعزاء
إلى الآن لم نتلقى إجابة على السؤال:
ل السيارات السيراتو التى تمت سرقتها كانت مزودة بنظام إنذار ؟
كذلك
هل كانت مزودة بنظام مجمد النظام IMMOBILIZER ?
إذا كانت الجابة بنعم .... إذن رأى صاحب الموضوع قريب تماماً من الصحة
ولكن كيف ؟ وبأية وسائل تمت سرقة السيارات السيراتو ؟
مع أطيب تمنياتى القلبية للجميع بالصحة والسعادة ،،،،،
Zazoksh - Cairo, EGYPT
http://www.nilemotors.net/Nile/262094-a.html
اقتباس:
مش عارف أقول إيه والله ولا أكتب إيه.........؟
أنا بس حبيت انبه كل الناس اللى معاها سيراتو لأنى واله العظيم شوفت عربيتى وعربية جارى كمان بيتسرقوا قدام عينى فى أقل من نص دقيقه....أقسم بالله العظيم فتحوا ودوروا عربيتى فى أقل من نصف دقيقه......
أنا ساكن فى التجمع الخامس - منطقة الياسمين- امبارح الساعه 5 الاربع الفجر سمعت صوت الإنذار بتاع عربيتى قومت بصيت بسرعه من سباك أودة النوم بتاعتى لقيت واحد راكب جوه عربيتى انا أقسم بالله من الصدمه كنت حاسس انى بحلم أنا زعقت بعلو صوتى بقوله بتعمل ايه ياض يبن ال..............
الأغرب كله اللى جاى بقى مش اللى حكيته نزل من العربيه بتاعتى وكانت وقفه جمبه عربيه سيراتو لونها بنى تانى وفيها واحد سايق حاولت على أد مقدر أشوف رقم العربيه دى معرفتش لان الدنيا ضلمه جدا لقيته بيفتح باب العربيه السيراتو التانيه ووبيطلع طبنجه أقسم بالله العظيم وبيشد الأجزاء ناحيتى بكل بجاحه أنا زقيت مراتى على الأرض واترميت فوقها _ أقسم بالله العظيم فى أقل من دقيقه كنت مقرر انى انزل حتى لو هموت انا ساكن فى الدور الأول فى دقيقه نزلت لقيت العربييتين طارواااااااااا
فى ثانيه كلمت جارى دكتور معايا فى الفيلا برده قلتله انزل بسرعه الله يبارك فيك عشان عربيتى اتسرقت حالا ونلحق الناس قالى دقيقه وهكون ادامك نزل وجينا نركب عربيته _ لا حول ولا قوة الا بالله - طلعت عربيته هيا السيراتو البنى التانيه اللى كانت معاهم وطاروا بالعربيتين......!!!
أقسم بالله العظيم كل ده مخدش اكتر من 3 دقايق بالظبط ومفيش فتفوته ازاز مرميه فى الارض العربيه اتفتحت اسرع ما انا بفتح عربيتى بالمفتاح بتاعها اقسم بالله....
أنا عملت محضر ونشر وربنا يارب يعترنا فيهم هم الاتنين........
حبيت أحذر كل الناس لوجه الله وحسبى الله ونعم الوكيل
لا حول ولا قوة الا بالله
سرقة العربيات دلوقتى بقا اسرع من دخول الحمام
انا عربيتى سوزوكى فيتارا صحيت الصبح ما لاقيتهاش
وبدعى ربنا يعترنى فيها
بس انا حاسس انى عمرى ما هشوفها تانى
منه لله اللى سرقها ربنا يخدلى حقى منه