الموضوع: منتج Cyclo المركز لإطالة عمر مياه التبريد

المشاركة الأصلية كتبت بواسطة Akram

انا جبته قبل كده من موبيل بس متهيألي كان اكتر من كده حوالي 18ج ,
و ضيفته على مياه مقطرة , و على فكرة دي التعليمات اللي مكتوبة عليه :
1- With engine off and cool, remove radiator cap. For best results, If system is dirty, use Cycio Cooling System FAST FLUSH to help clean system first
2- Start engine and add entire can of Coolant Booster to radiator. Use two cans for system over 22 quart capacity. For bus, truck and similar heavy duty service, use one can for each 16 quart capacity. Always check coolant for freezing point.

بالظبط يا اكرم هي دي البيانات الموضحة على العبوة
ومعناها
1- بينما محرك السيارة في حالة عدم التشغيل. قم بنزع غطاء الردياتير. اذا كانت دورة التبريد متسخة قم باستخدام منتج Cyclo Cooling System FAST FLUSH للمساعدة في التنظيف اولاً
2- قم بإدارة المحرك ثم اضف محتويات العبوة إلى الردياتير. استخدم عبوتين لأنظمة التبريد ذات السعة الاكبر من 22 كوارت مثل الاتوبيسات والشاحنات وما شابه ذلك من انظمة العمل الشاق. استخدم عبوة واحدة لكل 16 كوارت.

بالنسبة للسعر لا يا اكرم لو نزلت التوفيقية هاتلاقيه ب 11 جنيه انا سألت عليه هناك قبل كدة.

المشاركة الأصلية كتبت بواسطة osama

مياه التبريد في الريدياتير (مضادات الصدأ والتآكل ومواد تزييت طلمبة المياه والايثيلين جليكول الذي يقوم برفع درجة غليان مياه التبريد مما يحسن من اداء دورة التبريد) ]

مش فاهم

ولا يهمك يا باشا اوضحلك اكتر
مياه التبريد داخل الردياتير يجب ان تحتوي على مواد تمنع تكون الصدأ داخل مسارات مياه التبريد في الردياتير ايضا تحتوي على مواد تقوم بتزييت طلمبة المياه واطالة عمرها وتحتوي على مادة الايثيلين جليكول الذي يتميز بانخفاض درجة تجمده (وديه احنا مش عاوزنها في مصر) وايضا ارتفاع درجة غليانه مما يقلل من نسبة البخر ويحسن من اداء دورة التبريد
مع الوقت من كتر الاستخدام تفقد مياه الردياتير هذه المكونات وتقل كفاءتها
منتج Cyclo ده بيقوم بتعويض مياه الردياتير بهذه الاضافات لأنه يحتوي على تركيز عالي منها.

المشاركة الأصلية كتبت بواسطة Ahmad Allawy

تمام يا باشا..
بس ده لو انت بتتعامل بمية مقطرة عادية..
مش مياة عليها اضافات مش كده..؟؟
ولا ممكن اضيفه علي مية خضرا او حمرا مخصوص بتاعت الردياتير..؟؟

هو بصراحة يابو حميد انا لما بغير المياه بحط مياه خضراء على طول وممكن ماستخدمش المنتج ده من اول مرة. ببدأ استخدمه بعد تغيير المياه ب 3 شهور او 4 كدة تكون المياه الخضرا بدأت تفقد خواصها او حتى لو هي كويسة مش هاخسر حاجة اني اعلي كفائتها كل فترة لغاية ما اغير المياه بالكامل في نهاية العام.
بس انا عمري ماستخدمته على مياه مقطرة دايما باستخدمه على المياه الخضراء

المشاركة الأصلية كتبت بواسطة mmolazem

سؤال مهم

- وهل ينفع يتزود كمان مع الميه الزرقاء ( بتاع موبيل )

ولو تم الخلط بين نوعيات مختلفه هل يؤثر سلبيا على اداء سائل التبريد ؟؟؟

بصراحة ماعنديش اي فكرة عن امكانية اضافته على المياه الزرقا او الحمرا لأنه ماعرفش عنهم اي معلومات الصراحة. انا دايما بستخدم المياه الخضراء.
ممكن الخبرا هنا في المنتدى يفيدونا في الموضوع ده

المشاركة الأصلية كتبت بواسطة abdelaziz-waleed

بصراحة ماعنديش اي فكرة عن امكانية اضافته على المياه الزرقا او الحمرا لأنه ماعرفش عنهم اي معلومات الصراحة. انا دايما بستخدم المياه الخضراء.
ممكن الخبرا هنا في المنتدى يفيدونا في الموضوع ده

هي تقريبا كله واحد..
يعني اختلاف اللون بيبقي لتمييز المنتج بين الشركات بس..
لكن غالبا نفس المواثفات و الخواص..
لو اختلفت هتبقي حاجات بسيطة خالص..