الموضوع: رجالة النيسان اخيرا هجيب التيدا عدة استفسارات جزاكم الله خيرا

المشاركة الأصلية كتبت بواسطة mohyel9

نيسان تيدا سيارة محترمة جدا
الشكل الجديد كليا هيبقي في 2013 اما هيفضل هو هو في 2012
واكيد السعر هيفضل هو هو
الصوت كويس وبها 4 سماعات والفئة العالية 6 سماعات
وربنا يكرمك ويوفقك للصالح

متشكر جدا فعلا السعر هو هو

المشاركة الأصلية كتبت بواسطة Omar_4ever

الف مبرووك يا باشا بس عامة الشكل الجديد مفيش منه سيدان
وعندي ليك سؤال
ليه فكرت في السيدان مش الهاتش باك ؟

والله الاسرة مش عاجبهم شكل سيدان مع انى عجبانى اووى بس

المشاركة الأصلية كتبت بواسطة Ahmazong

بص يا باشا العربية ما شاء الله جميلة جدا في كل حاجة .. كل حاجة عيزها هتلاقيه فيها .. ماعدا الثبات مش عجباني قوي

فعلا واللله عربية دى ممتازة بالنسبة لسعرها وامكانياتها معرفش ليه مظلومة فى البلد
الثبات انا مش مشكلة عندى انا مش بجرى بالعربية

المشاركة الأصلية كتبت بواسطة y2y1500

مبروك مقدما والرجالة قاموا بالواجب مع حضرتك

الله يبارك فيكم

المشاركة الأصلية كتبت بواسطة Peaceman

الف مبروك مقدما يا باشا و ملاك التيدا فعلا قاموا معاك بالواجب و اي خدمة

فعلا تشكروا يا رجالة

المشاركة الأصلية كتبت بواسطة bassamhafez

كل الكلام اللي اتقال تمام ولا تعليق عليه

بس بالنسبه للثبات العربيه لحد 140 كويسه ولو بعد كده لو الطريق طوالي مافيش مشكله بس لو فيه ملفات جامده شويه ممكن تقلق لكن انا في طرق اسكندريه الصحراوي كنت ماشي 170 وفي ملفات مش جامده كنت باخدها بيها

انت بس بتحس بشويه قلق من السرعه عشان العربيه سقفها عالي والعربيه نفسعا عاليه بس دي ميزة حلوة جدا عشان الراحه الداخليه وكمان الرحمه من المطبات

وعلى فكرة انا شوفت اللون البني بتاعها وما شاء الله تحفه

بس على الله تلاقيه لاني حاسس انه نزل في اول دفعه وما نزلش تاني

انا مش بحب الجرى بالعربية بس كلامك مشجع

الحمد لله يجماعة روحت حجزت العربية من سبع موتورز بالمعادى
2012 فعلا اول فئة نفس السعر
لون هيبقى موكا اللى هو بنى لانه فعلا جميل جدا
سعر 115
ومنتظر الاستلام وان شاء الله انتظرو التقرير
ومتشكر ليكو يا جماعة على مساعدتكم ليا وانصح اى حد بالعربية دى