خلصت من الكلاب دخلت في القطط ...!!!
انا كان عندي مشكلة الكلاب بتحب سقف العربية عندي :taz: وكل يوم انزل كلب من على السقف ده غير العضم اللى بلاقيه على سقف العربية اللى على طول مطبق منهم ركبت شبكة سقف ولا الهوا ده غير ان كل ما ادخل منطقه غريبة يكون فيها كلاب الكلاب تشم العربية وتفضل تجري وراها وتهوهو على العربية المهم جبت شطة وحطتها على سقف العربية الكلاب خفت من الطلوع على سقف العربية وكان عندي زجاجة سم دلقتها على غطا العربية المهم خلصت من مشكلة الكلاب ودخلت في مشكلت القطط حاليا قبل مااركب العربية ببص على الزيت والمياه كل ما افتح الكبوت الاقي قطط :cat48: في موتور العربيه ويفضلوا وهما بيهربو يخشو من بين الاسلاك او ينطوا في وشي امبارح اخدت واحده في العربية من غير ما اعرف مشوار محترم كانت مستخبيه عند الموتور ركنت العربية وجيت اركب العربيه تاني اسمع نونوه تحت العربية ابص الاقي قطه من القطط اللي باشوفها دائما تحت العربية اهشها القيها تخش ناحية الموتور افتح الكبوت تنزل تحت العربية قعدت على الحال ده لحد لما عرفت امشيها بعيد عن العربية وانطلقت هاربا منها لسه الباقي مش عارف اعمل ايه الواحد خايف يجي يدور من غير مايبص افرملي قطه او اتنين :cat06: وانا مش قد جمعية الرفق بالحيوان اللى عندي في البيت :048[1]: