لو خبطك موتوسيكل صينى من غير نمر تعمل ايه

**dinow** · 24-05-2008 06:38 PM

يا جماعة انا باستغيث بكل انسان عاقل فى مصر انقذونا من الموتوسيكلات الصينى اللى ملت الشوارع و الطرق و بقت عاملة زى النحل اللى ماشى يقرص فى العربيات مين فينا و هو سايق زنق عليه موتوسيكل صينى و كان هايحكه او يخبطلك رفرف و تبص تلاقيه من غير نمر و اللى سايقه حتى لسه ماطلعش بطاقه و بمنتهى الاستفزاز و مين فينا و هو سايق ما طلعلوش موتوسيكل طاير باقصى سرعة فى المعاكس و كان هيعرضك لكارثة حقيقية او حتى اخد غرزة بمنتهى الغشومية و الرعونة جنبك او قد امك و مين فينا و مين فينا انا عندى حكايات كتير هاكتبها على اجزاء على كوارث الموتوسيكلات الصينى اللى بقت زى الوباء فى شوارعنا و لكن الى ان نجد حل لذلك اللى يضايقه فيكم موتوسيكل صينى من غير نمر يدوسه لان ماحدش هايجبلك حقك و ماتخفش مالوش ديه و الى اللقاء مؤقتا و بانتظار اراء الاعضاء

تنبيه للعضو بالالتزام بالاماكن المحددة لفتح الموضوعات
الادارة 1

**modey_911** · 24-05-2008 06:57 PM

الله المستعان ويكفينا شر الطريق من العالم دي والمفروض المتوسيكلات دي لو اتشافت بدون نمر تتصادر

**محمد فريد** · 24-05-2008 07:11 PM

ومين فينا مش بيتدايق وكمان زاحمين الدنيا على الفاضية ويمشيلك فى وسط الطريق على سرعة 30 - ده غير كمان العربيات اللى بيجرها موتوسيكل بدل الكارو

بس متنساش برضه ان اللى هيضر فى الموضوع ده الى سايق الموتسيكل ودى روح وهتتحاسب عليها يوم القيامة لو حصلها حاجة
وعلى فكرة هى ظاهرة جديدة بالنسبة للفئة دى من الناس مكنتش عارفه تشترى حاجة قبل ميظهر الموتوسيكل الصينى ده - وفى رأيى انها مش هتستمر كتير

**aif** · 24-05-2008 08:26 PM

فعلا ظاهرة بقت مستفزة جدا ... والمرور مالوش دعوة ... شعارهم اتصرف بنفسك

...........................
سؤال برئ .......الموضوع دة ايه علاقته بمنتدي شيفرولية ؟؟ :):)

**Hassan Khalil** · 25-05-2008 12:23 AM

المشاركة الأصلية كتبت بواسطة aif

سؤال برئ .......الموضوع دة ايه علاقته بمنتدي شيفرولية ؟؟ :):)

الراجل ولائه للاوبترا كبير .. فاكيد كتب الكلام ده في منتدي الشيفروليه باعتباره من ملاكها .. او لان ملاك الشيفروليه هم الاقدر علي سحق الموتوسيكلات الصيني .. او لان الموتوسيكلات الصيني لا تظهر الا لاصحاب الشيفروليه ..او لان شنطة الشيفروليه واسعة فممكن تاخد الموتوسيكل و صاحبه .. او .. او ..
:) :)

**Mohamed-Saoud** · 25-05-2008 12:36 AM

فعلا ظاهرة خطيرة.....
انتشار الموتوسبكلات(و معاهم التوك توك) في البلاد المتخلفة = كارثة كالرثة كارثة مرورية

**dinow** · 25-05-2008 12:58 AM

انا متشكر جدا لكل الاعضاء اللى شاركونى شعورى تجاه الموتوسيكلات دى اما بالنسبة لعلاقة الموضوع ده بمنتدى شيفروليه اولا زى ماقال الاخ الفاضل حسن خليل ان الاوبترا هى الاقدر على سحقهم و ده من واقع تجربتين شخصيتين هاحكيهم ان شاء الله بالتفصيل لاحقا اما السبب التانى انى قررت اعمل عمل ايجابى و اشن حملة ضدهم و قلت ابدا بمنتدى شيفروليه اللى بانتمى ليه اولا و كمان اضفت الموضوع ده فى المنتدى العام و فى منتدى الشكاوى و المقترحات و ان شاء الله هاكتبه كمان فى منتدى كونتاكت و اوتوماسترز كمان و بافكر اعمل جروب على الفيس بوك لمكافحة الحشرات دى و ياريت اللى عنده اى حكاية او اقتراح يساعدنى فى حملتى دى يضيفه و لكم جزيل الشكر