أرجوكم كل المعلومات عن الابيزا 94-99 بس عن طريق الخبره مش اللي مكتوب

أرجوكم كل المعلومات عن الابيزا 94-99 بس عن طريق الخبره مش اللي مكتوب
ياريت يبقي الموضوع ده فيه كل المعلومات الفعليه عن الابيزا لأني بجد محتاااار بين كتير من العربيات بس من صغري و انا بحب الابيزا دي

بالنسبه للـ 1000 سي سي بالذات لأني لسه طالب :superman: (يعني هل حتستحملني من حيث الجامعه و الخروج و المشاوير العائليه و التكييف أيه نظامه لو شغلتة )

و أهم حااااااااااااااااجه البنزيييييييييييييييييييي يييييييييييييين أية سحبها في اللتر و محدش يكتبلي بتعمل أد كدة في الصفيحه لأني معرفش الصفيحه كام لتر :):):)

بصوا أعتبروني أخوكم الصغير او الكبير المهم أفيدوني بجد و لو فيها عيوب قولولي أزاي أعرفها و أنا بشتري

للعلم انا كان معايا أوبل أسترا 1200 سي سي * كانت مطلعه عيني:3gears: في السحب دي مرة كنت معايا زميلي و احنا علي طريق السخنه الجديد و بعدين واحد من زميلي معاه عربيه فحبيت أشد معاه أمت أفل التكييف و سقط غيار امت مجمعه و بعد ما عديته امت مشغل التكييف تاني *

فــهل حعاني من نفس المشكله دي و لا لأ
و قطع الغيار و كدة
و أعرف اهم عيوبها أزاي
السؤااااااااااااااااااااا اااااااال لأهل الخبرة بس محدش يروح يجبلي كلام مكتوب ع النت و يلزقهولي هنا

أوك ؟؟؟؟؟؟؟؟؟؟؟؟؟؟؟

و لــكم جزير الشكر ...................

اهلاً بيك يا حمادة

اقتباس:

---

أرجوكم كل المعلومات عن الابيزا 94-99 بس عن طريق الخبره مش اللي مكتوب

---

الحقيقة مش فاهم يعنى اية اللى مكتوب دة !!!!!!!!

مع ان صحيح..

ربنا ادرى باللى فى القلوب .. واحنا لينا باللى مكتوب

على العموم القسم هنا حضرتك مليان بخيرات الله من المواضيع و المعلومات و ممكن كمان من غير سيرش تقدر تعرف كل اللى انت عايزة ... لان سيات متميزة فى ملاكها شوية و عددهم قليل هنا

و موضوعك مكرر كتير هنا و فى قسم المقارانات كمان

اى خدمة
شرفت يا باشا

عايز اهل الخبرة ماشي يا مان انا معايا ابيزا 94 اول يد 15 سنة خبرة مع الابيزا منذ نعومة اظافري ههههه عايز حاجة تاني بص يا سيدي هجاوبك علي كل نقطة لوحدها اوك....

1-ابيزا 94 1300 سي سي 55 حصان العزم صعب جداااااااااااااا يتعرف مش موجود في اي مواقع بس انا هقولك معلومات وافية عن العربية العربية كشكل ده حسب الاذواق لكن هي و 99 شكل واحد سيبك من الشكل التصميم العربية دي قدرتها الحصانية 55 حصان ده قليل لنل عارف بس اولا ممكن تزوده بوجيهات ايريديوم و فلتر سبور و سلوك بوجيهات و عيش تاني حاجة انا شاب مش كبير للدرجة جامعي برضه و بحب اجري تصميم العربية دي و الايروديناميك بتاعها بيديها مرونة و قوة في الاداء علي المطريق و في السرعات العالية تحس ان قدراتها اعلي بكتير من القدرات الميكانيكية المقررة ليها فعليا و ابيزا 99 1000 سي سي انجكشن 50 حصان طبعا التكييف هيكون احسن مع الابيزا 94 1300 سي سي مش 1000 سي سي و الابيزا 94 نظام حقن الوقود كربراتير يعني تاخد بنزين 90 و انت مطمن رغم ان الاوكتان بتاعها المفروض 91 علي غطا التانك
ملحوظة انا فرتكت الاسترا 1200 و كنا 4 في العربية بالابيزا 94:)

2-الابيزا 99 1000 سي سي كموتور هتستحملك و نص و تلات تربع المواتير دي قوتها علي التحمل و الشقا عالية جدااااااااااااااااااااااا ااااااااااااااااااااااااا ا
-الابيزا 94 معايا عاملة 393 الف كيلو بدون عمرة او شنبر و الموتور بيدي بنسبة 65% و هي محملة جامد اخرها 145كم\ساعة و هي فاضية جابت 160 و مكانش الاخر تجيب 170 تقريبا عربية حمولة جدا جدا ترمي قطعة الغيار فيها متفكرش فيها لمدة سنين و حاجتها مش غالية للدرجة معقولة بالمقارنة بعمرها الافتراضي

-البنزين:اولا الصفيحة 20 لتر:) ثانيا الابيزا 94 تاخد 90 عادي او اكتر مفيش مشاكل يبقي احسن طبعا لكن 80 لا الفلتر هيتسد و العربية تقف و ليلتك هتكون بيضااااااااااااء
استهلاك الابيزا 94 عملت 335 كيلو بأقل من 30 لتر يعني ال 30 لتر كانوا لسه شغالين و محطيناش بنزين بعدها اصلا يعني الاستهلاك 30 لتر ما يقرب من 350 كيلو

استهلاك الابيزا 99 معرفوش لاني مجربتهاش بس هيكون اقل من الابيزا 94 كتير لانها 1000 و انجكشن كمان
و زي ما قلتلك التكييف هيكون احسن مع الابيزا 94 بس انا مش حاطط تكييف عندي و هي اصلا مش بتنزل بتكييف بس التكييف لو علي ال min هيبقي السحب حلو لو علي max هيأثر علي السحب بالنسبة للابيزا 94 يعني
اما بالنسبة للتحمل فمتسألش السؤال ده تاني فاهم ولا لا..............
ههههه:) يا مان انت بتسأل علي تحمل الالماني و الالماني القديم كمان يعني اللي فيه الخير كله متخافش اقل كلمة توصف هي تحمل فوق الوصف تعالي شوف بنعمل فيها ايه و احكم بنفسك اما بالنسبة للعيوب فالابيزا عموما ملهاش عيوب جوهرية يعني موتور حمول جدا جدا عفشة مرنة جدا مش ناشفة تقرفك في المطبات و في نفس الوقت معمرة جدااااااااااااااااااااااا اااااااااااااااا جدااااااااااااااااااااااا اااااااااااااااا الصاج متوسط مش قوي و مش ضيف للدرجة اكتر حاجة بتستفزني في الابيزا ان فيها عواكس علي باب الشنطة سرقتها سهلة جداااااااااااا جدااااااااا بس انما عيوب جوهرية مفيش ثبات ممتاز علي سرعة 170 كانت ثباتها اكنك واقف زلطة علي الارض تقيلة و لو عايز اي استفسار انا فاتح ال msn من الموبيل علي طول عشان بفتح المنتدي قليل اليومين دول و علي فكرةو متشيلش هم قطع الغيار لو جبتها:)

ألف ألف ألف ألف و كـــمــــــــا ن ألف شكر يا Mohamed Ibiza
و لو نويت أن شااااااااء الله خلاص بس هي بعد الامتحانات حكلمك أكيد


M M

ان شاء الله:)

نصيحه يا غالى لو بتفكر تشترى يبقى خد الـ 94 كامله مانيوال احسن من الـ99 .
الـ94 1300 و جباره فى الشد و مشيت بها 600 كيلو فى تانك واحد حوالى 45 لتر (الاسكندريه - السخنه - القاهره) مع مشاوير خفيفه داخل القريه السياحيه لمدة اربعة ايام .. لا تسخن نهائى - استابيليتى عالى جدا - اخر سرعه فى وجود اربعه افراد فى العربه كانت 145 كيلو و لو سقطت غيار او جبت اخر الرابع على 120 كيلو هتجيب معال ال150 مرتاح.. لكن لو لوحدك هتعدى ال160 مرتاح(مجربتش أكتر من 150 مع العلم انها ممتازه فى قطع الغيار بتاعتها . ملحوظه : عربتى كانت بدون تكييف و ممكن حد يقولك على حالتها مع التكييف لكن اعتقد موتورها قوى جدا(فولكس واجن) و فكر كويس قبل الشراء ..
سعر بيعها فيه حوالى 2000 جنيه خساره

Very Thaaaaaaaaaaanxs
Mexmarine ....
بس المشكله اني داخله في دماغي أوي الـ 1000 سي سي
يعني انا قصدي لو الفرق طفيف بين الـ 1000 و الــ 1300 يبقي خليني في الــ 1000

بس لو الفرق كبير يبقي طبعا يفضل الــ 1300
و بالذات مع التكييف * الصيف جي و مش نقصه نقلع في العربيه هههههههه *

و خصوصا أن انا بركب عربيات كتير كورولا و كريزلر و شيروكي و لانسر و ميجان علي حسب الشغل
فــ انا بتكلم في حكاية اني مش عايز احس اوي اوي بالفرق الفظيع لما اركبها
مع اني عارف اني ححس بفرق طبعا بس مش عابزه اوي
فبرضك قولولي الفرق كبير ولا قليل بين الــ 1000 و الــ 1300 سي سي

وألــــــــــــــــــــــ ــــــــــف شكر يا رجاله

اقتباس:

---

المشاركة الأصلية كتبت بواسطة hamadamohamed

Very Thaaaaaaaaaaanxs
Mexmarine ....
بس المشكله اني داخله في دماغي أوي الـ 1000 سي سي
يعني انا قصدي لو الفرق طفيف بين الـ 1000 و الــ 1300 يبقي خليني في الــ 1000

بس لو الفرق كبير يبقي طبعا يفضل الــ 1300
و بالذات مع التكييف * الصيف جي و مش نقصه نقلع في العربيه هههههههه *

و خصوصا أن انا بركب عربيات كتير كورولا و كريزلر و شيروكي و لانسر و ميجان علي حسب الشغل
فــ انا بتكلم في حكاية اني مش عايز احس اوي اوي بالفرق الفظيع لما اركبها
مع اني عارف اني ححس بفرق طبعا بس مش عابزه اوي
فبرضك قولولي الفرق كبير ولا قليل بين الــ 1000 و الــ 1300 سي سي

وألــــــــــــــــــــــ ــــــــــف شكر يا رجاله

---

الفرق في الشد و التحمل كبير و مع التكييف ال 1300 تكسب بالثلث