عود حميد يابو حميد, موضوع زي الفل والله.
بس بالنسبة للمشكلة رقم 5, مش لازم clockspring ممكن تنضيف ال multi function عادي وساعات كتير أصلا بتظبط لوحدها أول ماتبطل العربية وتدورها تاني.
عرض للطباعة
عود حميد يابو حميد, موضوع زي الفل والله.
بس بالنسبة للمشكلة رقم 5, مش لازم clockspring ممكن تنضيف ال multi function عادي وساعات كتير أصلا بتظبط لوحدها أول ماتبطل العربية وتدورها تاني.
يا فندم انت اروع متشكر جدا لزوقكمهندس التوكيل قالك كدة لانة لسة مباظش هوة فى بدايات القطع
عموما دى بدايات كلوك اسبرينج بكل ثقة لان معندناش اساسا بلاستيك ممكن يخبط فى بعضة اثناء حركة الدريكسيون
الله يخليك كلك زوق ومتشكر جدا على تشريفك
ههههههه, ماشي يا معلم, بس لو علق كتير يبقى على التوكيل ويغيروا وحدة الملتي كلها.
بجد موضوع رووووعة جزاك الله كل خير , بخصوص ال stp ده اجيبو منين و استعملوا ازاى مع العلم ان العربية بقالها فترة بتاكل بنزين بصورة غير طبيعية , و لما روحت عند عصام صفا قالى ان فلتر البنزين تعبان شوية و ده مقصر على السحب طبعا بس قالى خليه شوية الكلام ده من شهرين , بس انا بجد مش عارف حوار البنزين ده ايه هتجنننننن , مش عارف اشترى فلتر و اريح نفسى بس مش عارف اجيبو منين و هيبقى بكام
طيب انا عندي مشكلة منكدة علي في الفتيس ... اني لما اجي اطلع من ال n للp علشان اركن العربية الفتيس يكون تقيل معايا اوي بطريقة غبية فبضطر اني ادوس عليه جامد لتحت اوي علشان يطلع لقدام ... وبالعافية برده بيطلع... وده حصل لما اديتها لواحد ميكانيكي معروف جدا وشغله حلو زي ما الناس بتقول يفحصهالي ... قعد يدور العربية ويقفلها حوالي خمس ولا ثمان مرات ورا بعض من غير ما يستنى اما الصفارة تنتهي ... ولما قلتله كدا غلط ... قاللي الشعب كله بيفتي ...ولما كان بيدور ويقفل كل ما يدور يرجع الفتيس من الp لل d في اقل من ثانية وعمال يحدفه قدام وورا كانه بيحدف بلي ولا حاجة وانا قاعد مزاجي زفت من اللي بيعمله حوالي سبع مرات قدام وورا وكان اخرتها ان الفتيس علق وبعدين قاللي قاعدة الفتيس مش مظبوطة وعاوزة تتظبط ... المشكلة كمان اني لما جيت ادور العربية لمبة ال cheack engine ظهرتلي ...لغاية ما روحت ...بطلت شوية وشغلت الللمبة راحت والفتيس علق لغاية دلوقتي .. يا ريت تدولوني عالحل لاني خايف مرة اتعافى عليه لما اكون مستعجل يقوم مكسور ...سالت واحد صحبي قاللي ده العفشجي اللي يعملها ...مش عارف ؟؟
وربنا يحفظكم من كل سوء ...
موضوع منظم و مرتب ،
شكرا جزيلا على تعبك