عاوزة عربية لحد لسة متعلم سواقة

**Rerii** · 18-12-2011 09:49 AM

السلام عليكم
انا اختى لسة مخلصة دروس السواقة بتاعتها وبعد اقناع البيت قررنا نجيبلها عربية صغنونة تجرب فيها السواقة وتفضل معاها سنة او اتنين ولما تتقن السواقة نغيرهالها بحاجة اجسن

الميزانية المتاحة للحوار ده قليلة لدرجة انى مش عارفة نجبلها ايه الميزانية فى حدود 15 الف بس

فكرت طبعا فى 127 و 128 بس مش عارفة ايهما افضل بالنسبة لها

اقترحت عليها ماروتى تسعينات ونحاول نزود 3 الاف وللا حاجة بس هى مستصغراها واتريقت عليها مع الاعتذار لاصحاب الماروتى طبعا

هى للاستخدام داخل البلد اكتر وقليل جدا ممكن نسافر بيها خاصة انى عندى عربيتى بنسافر بيها

مش عاوزة حاجة تقرفها ميكانيكية لانها بنت وانا مش فاضية لعربيتى لما هفضى لعربيتها

قطع غيارها رخيصه عشان هى لسه متعلمة جديد

متقرفناش فى بيعها لانها مش هتقعد معاها كتير ان شاء الله

لو فيه اى اقتراحات لعربيات او معلومات عن الموديلات الكويسة فى ال 127 و ال 128 واسعارها حاليا ياريت متبخلوش عليا

**mado83** · 18-12-2011 09:58 AM

انا من رايك انها تجيب ماروتى اواخر التسعينات
عشان تكون اعطالها قليله انشالله حتى لو تغيير فرده كاوتش
او لو عايزه حاجه اكبر شويه تشوف مازدا 323 بس تكون حالتها حلوه

**Rerii** · 18-12-2011 10:01 AM

انا معرفش اوى عن المازدا بصراحة بس الماروتى صغنونة اوى
هى الماروتى تعملها فى حدود 15 الف ؟؟؟

**Amr Axel** · 18-12-2011 10:03 AM

الـ127 و الـ128 تقدروا تقولوا خلاص مبقاش عليهم طلب و بقي البديل دلوقتي الماروتي و الاونو و الحاجات اللي في التسعينيات
فالماروتي افضل هي فعلا حجمها مش كبيير و مفيش كماليات لكن مممكن تركبوا الكماليات اللي عايزينها عادي
بالاضافة ان الحجم الصغير فيها ميزة لأنه هيساعد اي شخص جديد في السواقة في وسط البلد و الركنة و في نفس الوقت العربية بتستحمل السفر
و قطع غيار رخيصة و متوافرة في كل مكان و اي ميكانيكي يشتغل فيها بكل سهولة

و ده موضوع تفاريح عن الماروتي

http://www.nilemotors.net/Nile/229742-a.html

عايزين تسألوا عن اي حاجة للماروتي قسم السوزوكي موجود

و فيه بقي عربيات تانية زي السكودا الفليشيا او الفيفوريت و مازدا 323و هكذا

**mado83** · 18-12-2011 10:51 AM

الاونو هتلاقيها اغلى طبعا
بس الماروتى فى السعر ده هتلاقى ولو يبقو 18 يبقو احسن عشان تجيب حاجه ماتتعبهاش فى الاعطال ودى اهم من السواقه نفسها جديده ولا قديمه فى السواقه المهم العربيه ماتتعبهاش
يعنى ماروتى بحاله كويسه احسن من اونو تعبانه

**Amr Axel** · 18-12-2011 11:00 AM

المشاركة الأصلية كتبت بواسطة rerii

طيب الاونو ايه نظامها وهو فيه اونو اصلا بالسعر ده ؟؟؟؟

لأ الاونو اغلي طبعا انا قصدت ان الناس بتتجه للعربيات ديه اللي هو موديل تسعينيات بدل الـ127 و الـ128
و الافضل الماروتي و لو زودتوا شوية ممكن تجيبوا موديل احدث و حالتها تبقي كويسة عشان متقرفهاش في حاجة

**Rerii** · 18-12-2011 11:56 AM

المشاركة الأصلية كتبت بواسطة zazoksh

عزيزى/ rerii

لدى سيارة تويوتا ستارلت 1991 أتوتوماتيك

رخصة سارية حتى يناير 2003

مثلها مثل أغلب السيارات اليابانية لاتحتاج لمصروفات سوى البنزين والزيوت

أنا حالياً أقوم ببيعها لظروف كبر الأسرة حيث أنها هاتشباك والأولاد كبروا .. وقمت بحجز سيارة جديدة بيرسونا .

ملحوظة أخيرة :
السيارة بحاجة إلى فانوس إشارة أمامى يسار فقط

وبصرف النظر عن سيارتى ... فأنا مع رأى بقية الزملاء فى إختيارهم الفياوت أونو ...

مع أطيب تمنياتى القلبية للجميع بالصحة والسعادة ،،،،،

zazoksh - cairo, egypt

ممكن اعرف حضرتك طالب فيها كام

**Zazoksh** · 18-12-2011 12:09 PM

عزيزى/ Rerii

تحية طيبة وبعد ،،،

صدقنى ومن الآخر 26000 (ولن أبتدى بسعر عالى علشان أدعى أنى عملت معاك واجب وأنزلك فى سعرها.. حضرتك عارف كلام السوق والذى منه) وصدقنى لن تندم .. أنا لو ميزانيتى تتحمل سيارتين .. لم أكن أفرط فيها

يكفى إنها أتوماتكي ومكيفة وتويوتا

يعنى أخت حضرتك تسوق وهى مطمئنة ... ولو فكرت فى بيعها بعد ذلك (وإن كنت أستبعد أنها سوف تبيعها من محبتها لها) فسوف تجد المشترين بكثرة .

وعلشان لا أضحك عليك .,... أنا موجود دائماً بالمنتدى من 9 صباحاً حتى 5 عصراً

إذهب أولا إلى سوق السيارات وشوف مستويات الأسعار أيه والحالة .. وأنا برضة موجود

مع أطيب تمنياتى القلبية للجميع بالصحة والسعادة ،،،،،

Zazoksh - Cairo, EGYPT

-

الموضوع: عاوزة عربية لحد لسة متعلم سواقة

LinkBack

أدوات الموضوع

عرض

عاوزة عربية لحد لسة متعلم سواقة - انشر الموضوع فى :

-

-

-

-

المواضيع المتشابهه

بتعلم سواقة في مدرسة وعايز عربية متتعبنيش

عاوزة عربية اتوماتك

لو لسة متعلم سواقة - او بتسوق بس بتفكر تشتري حاجة عالية (أختبار السواقة) موضوع هام

صاحبتى عاوزة تشترى عربية

عاوزة عربية اتوماتيك بدون اعطال حديثة

الكلمات الدلالية لهذا الموضوع

المفضلات

المفضلات

ضوابط المشاركة