سؤال لأهل الخبرة بخصوص فيستا 1998

**ahsouv** · 18-12-2011 10:14 AM

معي فيستا 1998 عندي مشكلتين بها
1- صوت الموتور عالي جدا
2- دواسة الفرامل احيانا بتنزل مع الضغط عليها اثنا التوقف في الاشارات او على اي منحدر
مع اني غيرت مساتر الفرامل الخلفية و التيل الخلفي والامامي ولا يوجد عندي اي تسريب اطلاقا في زيت الفرامل واخدت هواء عند الميكانيكي

ممكن حد يفيدني في المشكلتين دول

وفي حاجة تانية بس هي استفسار

هل العفشة بتاعة الفيستا 1998 ناشفة لدرجة انها تعمل صوت اثناء المشي على الارض غير المستوية وترجرج العربية باللي فيها يعني دي طبيعة العفشة
ولا هي كدة تعبانة

ولو تعبانة اسعارها كام واحسن نوع اية

ولو جبتها استيراد تبقى كويسة ولا اكون رميت فلوسي في الارض

وشكرا مقدما

**kempel** · 18-12-2011 01:07 PM

الفورد فيستا عفشتها مش ناشفة بش تكون سليمة وهى كلها جديدة تخش فى حوالى من 2000 الى 2500 اربع مساعدين بطاحتين اماميين بيض مقص او مقصين كاملين جداد بارات دركسيون جوز كبالن خارجيين كل ده يعملوا حوالى 2500 جنيه بس تكون حييت العربية بس ماحدش بيغير عفشة كاملة حضرتك شوف البايظ وغيره بالنسبة لقطع غيار استعمال بتبقى بالحظ يا كويسة يا مش كويسة انت وحظك
صوت الموتور عايز ضبط تاكيهات ويمكن يحتاج تغيير سير كاتينه
بالنسبه لرجة العربية ممكن تكون قواعد الفتيس او كوبلن داخلى لو كوبلن داخلى هاته استيراد لانه غالى جديد ده طبعاً بعد ماتتاكد من حالة الكاوتش وترصصه بالنسبة للفرامل فدى عايزة ميكانيكى فورد يشوفهملك والله الموفق

**ahsouv** · 18-12-2011 02:45 PM

انا متشكر جدا لردك واهتمامك
انا فعلا باسمع صوت طقطقة كبالن لما باكسر الدركسيون على الاخر في الملفات
عندك حق
بالنسبة لصوت الموتور

انا كنت عند قطب في الضاهر من يومين وهو ضبط التاكيهات وكلة تمام

بس صوت الموتور العالي هو قال من الايدلر علشان نوعة تركي
انا كنت جايبة من من حوالي 5 شهور تقريبا
بيقول لي قطب انا لازم اجيب الاصلي

بس بصراحة هو فعلا راجل محترم وبيفهم والصنايعي اللي عندة جامد جدا وشاطر وسريع
بس قطب كان بيخرج الكلام بالعافية كانة مش عاوز يتكلم

واحيانا كان مش بيرد اصلا

وانا بصراحة باحب اني اسأل وافهم قبل ما يتعمل اي شغل في العربية
مش باحب اسيب العربية وامشي او اجلس كمتفرج وخلاص
باحب افهم كل حاجة بتحصل في العربية

ممكن لو في حد يكون شاطر في الفورد بس يكون قريب من وسط البلد زي قطب كدة بردو
وشكرا

**tatooo2005** · 18-12-2011 02:46 PM

وانا كمان عاوز اغير اسكاترا مش باور + قطمه ,,,, عاوز اعرف سعرهم استيراد كام ويعنى ايه قطمه كامله ومش كامله .. مش فاهم .

حد يدلنا على القصه ديه فيستا 2000 1300

**ahsouv** · 18-12-2011 04:05 PM

انا سمعت حد بيقول ان ممكن سير الكاتينة يكون السبب في رفع صوت الموتور
ممكن يكون عاوز يتضبط

مش عارف ازاي

**aYaBooY** · 18-12-2011 10:58 PM

صوت الموتور عالي بيكون من الايدلر و ده سبب و ممكن حساس السرعة و ممكن يكون واحد لعب في مسمار ظبط البوابة او يكون فيه تسييل في الرشاشات و ده بيظهر دخان اسود من الشكمان
ثانيا الفيستا مفيهاش سير كاتينة ديه جنزير و ملهوش ظبط

**egytamer** · 18-12-2011 11:07 PM

خسارة تغير الادلر وخصوصا انك جايبو من 5 شهور زي مبتقول وممكن تجيب واحد جديد وميطلعشي اصلي يبقي خسرت جامد والاستيراد مش هيبقي كويس اوي حاول بس تشوف كلام جوزيف لان فعلا دي كل اسباب علو صوت المتور.

**ahsouv** · 19-12-2011 08:37 AM

انا فعلا من حوالي 3 شهور العربية ما كانتش عاوزة تدور وسحبتها لميكانيكي قريب من مكانها وقال ان احتمال يكون من طرمبة البنزين وعمل قفلة علشان يقوم الطرمبة فعلا العربية دارت بس لقيت دخان طالع من جنب الماكينة وحصل ان في سلك شاط وطلع هو سلك حساس السرعة ودورت ولفيت علشان اجيبة مالقتهوش الا استيراد من عند بطاح في الوكالة بس كان بتاع مونديو وهو قال ينفع للفيستا
وفعلا من ساعتها وصوت الموتور عالي
انت عندك حق انا افتكرت
انا هاحاول اصلح القديم علشان كل مشكلتة انه الغلاف اللي حول السلك كان شايط
يمكن يشتغل ولو ما اشتغلش حادور تاني على واحد بتاع الفيستا

حاجرب واقول حصل اية
شكرا لكم جميعا

**silverlite** · 19-12-2011 09:08 AM

معلومه: الفورد الفيستا و الكيا البرايد و المازدا 121 موتور واحد" مازدا " و عفشه واحده ...يعنى اذا بتوع الفورد مدوخينك شوف عند بتوع الكيا او المازدا.. واحسن طبعا المازدا - والافضل انك تجيب الحاجه القديمه معاك لمطابقتها قبل الشراء...تحياتى

**aYaBooY** · 19-12-2011 11:12 AM

المشاركة الأصلية كتبت بواسطة silverlite

معلومه: الفورد الفيستا و الكيا البرايد و المازدا 121 موتور واحد" مازدا " و عفشه واحده ...يعنى اذا بتوع الفورد مدوخينك شوف عند بتوع الكيا او المازدا.. واحسن طبعا المازدا - والافضل انك تجيب الحاجه القديمه معاك لمطابقتها قبل الشراء...تحياتى

تحية طيبة و بعد
المعلومة الفعلية هناك بعض قطع الغيار المتشابهة بين البرايد و المازدا 121 في الموتور و بين سابقين الزكر و الفيستا كلاسيك 1100في مقصات العفشة
و لا يوجد اي تشابه بين الفيستا 1300 محل النقاش و بين اي سيارة اخرى

الموضوع: سؤال لأهل الخبرة بخصوص فيستا 1998

LinkBack

أدوات الموضوع

عرض

-

-

-

-

المواضيع المتشابهه

سؤال لأهل الخبرة بخصوص سماعات بايونير للفيرنا

سؤال لأهل الخبرة بخصوص فيليشيا 95

سؤال لأهل الخبرة ..بخصوص شراء نيو اكسنت

سؤال لأهل الخبرة بخصوص Car DVD GPS

سؤال لأهل الخبرة بخصوص الزينون

الكلمات الدلالية لهذا الموضوع

المفضلات

المفضلات

ضوابط المشاركة