الموضوع: ابيزا 98 لسه جديده وشوية أسئله محتار فيها

المشاركة الأصلية كتبت بواسطة gasser_beek

السلام عليكم ورحمة الله وبركاته،،،،

كنت عملت موضوع سابق بخصوص ابيزا 98 موتور ستوك 1000 سىسى انا لسه جايبها من أقل من إسبوع وهتقى عليكم بكام سؤال بقى وربنا يجازيكم كل خير :-

اولا الف مبروك العربية وربنا يديك خيرها ويكفيك شرها

1) أنا من الهرم ومعرفش اى ميكانيكى أو كهربائى أروح عنده عموما ، ياريت اللى ساكن قريب منى ومجرب حد ينصحنى أروحله بدل ما أقعد أجرب بقى والناس طبعا بتموت فى العك عندنا.

بص يا سيدي
انا كمان ساكن في الهرم
عندنا في الهرم كذا واحد بتاع قطع غيار سواء جديد او مستعمل زي فتح الباب (جديد) وعندك واحد في نهاية فيصل بتاع فولكس وسيات وسكودا (جديد)
عندك ايمن (مستعمل) عندك احمد ملك الفولكس (مستعمل) بس ايمن حاجته احسن واكتر بكتير

بالنسبة للميكانيكي في بردو كذا واحد زي عصام الي انا بتعامل معاه
وعندك محمد رمضان

بالنسبة للكهربائي في واحد شغال مع عصام في التوكيل بس عيبه انه في امبابة
لحد دلوقتي معرفتش كهربائي فولكس محترم عندنا في الهرم

2) أنا عاوز أعرف المفروض الوقتى أغير البووجيهات و الزيت كله وسير الكاتينه والدينامو ، فيه حاجه تانيه المفروض أعملها فى البدايه كده.

زي لما قولتلك قبل كدة
وبعتلك جداول الصيانات
بس السيرفيس الأولاني بيبقي كل حاجة (ال13 نقطة كلهم)
http://www.nilemotors.net/Nile/26094...post3873984263

ممكن طبعا تعملهم واحدة واحدة
انا شخصيا عملتهم علي مدار شهر ونص ويمكن اكتر لأن كلهم مرة واحدة هتبقي مكلفة شوية بجانب الصيانات والحاجات الي عايزة تتغير بجانب الأنذار والترويق

لكن في البداية لازم تعمل الأتي
1- زيت الموتور و الفلتر
2- سير الكاتينة وبلية الشداد

ممكن تستني شوية علي البوجيهات ومياة الردياتير وزيت الفتيس وزيت الفرامل وزيت الباور والفلاتر زي الهوا والغبار والبنزين

3) العضو syd الله يبارك فيه كان رد عليا رد كافى بخصوص موضوع الزيوت بس عاوز اعرف يعنى أشترى الزيوت دى كلها وأروح أغيرها عند حد ، ولا أحسن أروح بنزينه يعنى وأعمل كل حاجه هناك ، ولا أروح عند محل بتاع تغيير زيوت؟؟؟

ربنا يخليك
احنا أخوات ومفيش اي حاجة
الأحسن تشتري الزيت من المحطة وتغيرها هناك او عند حد بتاع زيوت

4) العربيه لما باجى أدور الصبح بتقعد تبطل 3 او أربع مرات كده لحد لما تدور بقى ولازم أزود بنزين عشان مش تبطل يعنى وبتطلع دخان أبيض فيه ريحة بنزين ، عاوز اعرف ايه السبب يعنى فى كده من البوجيهات ولا حاجه فى الموتور ؟؟؟؟؟؟

بوجيهات وتوسيخ فلتر بنزين

5) معلش تعبتكم معايا أوى عاوز أعرف هوا المفروض أنقل الغيار على كام أر بى إم يعنى 20 ولا 30 ولا 40 ؟؟؟؟؟؟

3 بحد اقصي للمشي المعتدل
معاك لحد 6 لو بتحرق وبتجري

بس خلي بالك من نقطة
العربية دي موفرة جدا لو بتمشي معتدل وحوت بنزين لو بتحرق وتشد

6)العربيه مش بتسحب معايا خاااااااااالص بس فى الجرى بتجرى يعنى ، بمعنى انى لو طالع مطلع أو كوبرى على التانى او التالت مش بتحسب كويس خااالص لكن لما بكون ماشى طريق طويل عادى العربيه بتجرى ، ده من الموتور ولا البوجيهات ولا واحد صاحبى بيقولى ديسك واسطوانه ممكن مع العلم انى كبست الموتور اول امبارح وطلع 70%؟؟؟؟

العربية تقيلة والموتور ال1000 ضعيف شوية عليها حاول ماتقرصش عليها عشان المكنة تعيش معاك وطبعا البوجيهات بردو هتفرق معاك انشاء الله

جزاكم الله كل خير مقدما وربنا يكرمكم لتعبكم ووقتكم وردودكم يارب,,,,

مستنى ردودكم لأنى معرفش حد والله غيركم ينصحنى ومش عارف أروح فين؟؟؟؟

ياباشا احنا تحت امرك في اي استشارة او سؤال

والله المستعان
،
،

المشاركة الأصلية كتبت بواسطة gasser_beek

ربنا يبارك فيك يا بشمهندس سيد والله ربنا يجازيك كل خير على مجهودك واهتمامك

معلش هتعبك معايا بقى ممكن اخد رقم موبيل حضرتك لانى كنت عاوز اسالك على عنوان الميكانيكى بتاعك فين بالظبط ، وعنوان بتاع قطع الغيار المستعمل ( أيمن ) معلش هتقل عليك

تم الرد علي الخاص
مفيش تعب ولا حاجة