Honda Varadero 1000

**tito29** · 20-12-2011 09:01 AM

المشاركة الأصلية كتبت بواسطة smsm_hamada

هوة جميل وكل حاجة بس من عيوبه انو عايز حد طويل اوى وبلاحظ ان العجله الخلفيه اصغر من الاماميه بكتير

فعلا معاك حق.
أنا طولي 175 سم و أتعودت عليه و الدنيا ماشية كويس الحمدلله

المشاركة الأصلية كتبت بواسطة kameluo

تسلم يا كبير
بس هو عالي اوي

بالتعود حايبقي كويس

المشاركة الأصلية كتبت بواسطة alfath8

تسلم ايديك ياباشا بجد موضوع جميل بس شوية صور كمان والشرح ممتاز جدا ربنا يباركلك

حارفع الصور أن شاء ألله في أقرب وقت
ربنا يبارك فيك يا باشا

المشاركة الأصلية كتبت بواسطة kareemz

ما شاء الله .. ربنا يبارك لك فيه.

هو العداد بتاعه اخره كام

العداد أخره 220 كم

المشاركة الأصلية كتبت بواسطة lord of the flies

تقرير رائع بس يا ريت حضرتك تقولنا عن اقصى سرعة اون و اوف رود

و ألله حاولت أجيب أخره علي الأسفلت و أعتقد أني تجاوزت أخر العداد بس عموما أنا مش غاوي جري لذا لن أكررها أبدا (مخاطرة مالهاش لازمة)
في الأوف رود أعتقد أمكانيات السائق هي أللي بتحكم يعني من الأخر لم أتمكن أني أجيب أخره قبل ما أجيب أخري أنا
لا تنسي أن دي 1000 سي سي برضه يعني قوية موت

المشاركة الأصلية كتبت بواسطة alfath8

معلش هاتقل عليكم شوية عايز حد يشرحلى وبالتفصيل الممل ليه المواتير v اطول عمرا وافضلية اداء وهل ده فى كل الموديلات ولا انواع وانواع

المواتير ال v تكون أر بي أم منخفض يعني نسب تأكل أقل و أحتكاك داخلي أقل مما يؤدي حتما لعمر أطول بس مين قال أنها أداء أعلي ؟ هي فقط عزم أعلي يعني تسارع و تجميع أفضل قليلا من المواتير الصف الواحد بس علي حساب النعومية يعني مواتير ال v دائما أخشن و الأرتجاج أعلي و بالذات في السرعات المنخفضة
و برضه خد بالك من زاوية الموتور يعني الشادو بتكون 52 درجة و الهارلي بيكون 45 درجة أما الدوكاتي و الفراديرو بيكون 90 درجة
كل ما الزاوية تزيد العزم يزيد بس برضه الخشونية تزيد

المشاركة الأصلية كتبت بواسطة kameluo

بص انا اعرف ان المواتير الv بطلع عزم عالي عن العادي بس الrpm بتاعه اوطي من العادي و العكس
مع العادي hp أعلي من ال v

كلام سليم لمدي كبير بس المهم هو ليه بيكون الوضع كده؟

**tito29** · 20-12-2011 09:06 AM

المشاركة الأصلية كتبت بواسطة yascro

تسلم ايدك يا باشا

صباح الخير يا عمدة
أحنا أي خدمة لحضرتك أو للسادة الأعضاء الأصدقاء أهو يبقي ردينا 1% من خدمات و جمايل حضرتك

**kameluo** · 20-12-2011 11:03 AM

المشاركة الأصلية كتبت بواسطة tito29

المواتير ال v تكون أر بي أم منخفض يعني نسب تأكل أقل و أحتكاك داخلي أقل مما يؤدي حتما لعمر أطول بس مين قال أنها أداء أعلي ؟ هي فقط عزم أعلي يعني تسارع و تجميع أفضل قليلا من المواتير الصف الواحد بس علي حساب النعومية يعني مواتير ال v دائما أخشن و الأرتجاج أعلي و بالذات في السرعات المنخفضة
و برضه خد بالك من زاوية الموتور يعني الشادو بتكون 52 درجة و الهارلي بيكون 45 درجة أما الدوكاتي و الفراديرو بيكون 90 درجة
كل ما الزاوية تزيد العزم يزيد بس برضه الخشونية تزيد

كلام سليم لمدي كبير بس المهم هو ليه بيكون الوضع كده؟

عشان الريس وزنه اخف و غير كده ماشي علي الأسفلت علطول فمش مهم العزم المهم الhp عشان يجيب top speed عالية (عشان كدة معظم الريسات موتورها عادي)
اما ال dual sport و ال off road معموله عشان تمشي فالصحراه فا مش مهم topspeed المهم عزم عالي عشان تعدي كل العقبات ال حتشفها
و الcustom فالبيركبه بيمشي يتحنكر بيه و يهمه شكله الجامد و مش همه يجيب topspeed (لو كدا كان جاب ريس) و غير كدة كمان الcustom وزنه تقيل جداا فمحتاج عزم عالي عشان يحركه و يديله acceleration

و شكرا تاني علي التقرير الجامد دا و مستنيين باقي المتسكلأت

**mohm82** · 20-12-2011 01:31 PM

الموتور الـv
أكبر مميزاته توازن الموتور بيكون جيد جداً (أعلى توازن فى العالم الموتور الـv6)
و بالتالى فى التحكم
2- المساحة العرضية بتقل
3- بالنسبة للعزم و القوة معتقدش أنه بتفرق بين شكل الموتور
و الله اعلم

**kameluo** · 20-12-2011 01:45 PM

المشاركة الأصلية كتبت بواسطة mohm82

الموتور الـv
أكبر مميزاته توازن الموتور بيكون جيد جداً (أعلى توازن فى العالم الموتور الـv6)
و بالتالى فى التحكم
2- المساحة العرضية بتقل
3- بالنسبة للعزم و القوة معتقدش أنه بتفرق بين شكل الموتور
و الله اعلم

كلأمك سليم طبعا
بس المساحة العرضية بتقل يعني الcrankshaft طوله و وزنه بيقل فحيلف اسرع من الcrankshaft ال في الموتور العادي (يعني acceleration اعلي من الموتور العادي)
ده غير ان وزنه و حجمه اقل من العادي برده

**alfath8** · 23-12-2011 02:20 PM

الف شكر ليكم على التوضيح والشرح الرائع
يعنى عمر اطول = موتور v صح الكلام

**Mina-Magdy** · 27-12-2011 02:57 PM

اولا تقرير رائع وربنا يكفيك شرة
ثانيا الموتوسيكل دة لو نزلت بية اوف روض هتندم ياجميل وهتلعن اليوم الى انت فكرت تعمل كدة
الموتوسيكل دة رائع فى المداات الى فيها كسر وظلط زى طريق وادى الحيتان وغير قابل اطلاقا للرمال
واخيرا لو انت بتتمتع بالطول والقوة العضلية وكثير السفر هيبقى دة احسن موتوسيكل تركبة فى حياتك زى ktm 990 بالظب ودة الى بدور علية دلواتى ادعولى
تقبل مرورى

**tito29** · 28-12-2011 09:40 AM

المشاركة الأصلية كتبت بواسطة alfath8

الف شكر ليكم على التوضيح والشرح الرائع
يعنى عمر اطول = موتور v صح الكلام

صح بنسبة كبيرة
بس الصيانة المستمرة تفرق جامد

المشاركة الأصلية كتبت بواسطة mina-magdy

اولا تقرير رائع وربنا يكفيك شرة
ثانيا الموتوسيكل دة لو نزلت بية اوف روض هتندم ياجميل وهتلعن اليوم الى انت فكرت تعمل كدة
الموتوسيكل دة رائع فى المداات الى فيها كسر وظلط زى طريق وادى الحيتان وغير قابل اطلاقا للرمال
واخيرا لو انت بتتمتع بالطول والقوة العضلية وكثير السفر هيبقى دة احسن موتوسيكل تركبة فى حياتك زى ktm 990 بالظب ودة الى بدور علية دلواتى ادعولى
تقبل مرورى

معاك حق بس ده علشان وزن الفراديرو تقيل شوية
مع تقليل ضغط الأطارات و ياسلام لو كاوتش مخصص للأوف رود أكيد الوضع حيبقي أحسن
و علي فكرة هو فعلا أفضل موتوسيكل ركبته في حياتي كفاية ثباته علي السرعات