الموضوع: Honda Varadero 1000

صباح الخير يا حضرات
ده أول تقرير أعمله في حياتي عن أي موتوسيكل فلو نسيت حاجة معلش سامحوني
حأحاول أوضح بقدر الأمكان مميزات و أمكانيات الفراديرو و طبعا أي سؤال أنا تحت أمركم جميعا

نبدأ علي بركة ألله

طبعا أنا طول عمري بأركب ريس و ستريت بايكس ونادرا تريلات أو موتوكروس و لما كبرت في السن حولت علي كروزر
أنما عمري ما فكرت في الدويل سبورت ده نهائيا لغاية ما قابلت صديق عزيز هو أللي علمني موضوع الدويل سبورت ده
بدأت بموتوسيكل ياماها تي دي أم 850 و كان رائع و ممتاز بس أول لمل شوفت الفراديرو المتوحش قلبي أتشد له و قررت أني أشتريه مهما كان
تم شراء الموتوسيكل من عند نفس صديقي ده (هو عنده معرض موتوسيكلات في المعادي) مش حأقول علي أسمه علشان ماحدش يفتكر أني بأعمله دعاية و لا حاجة بس أكيد معظم الناس تعرفه
المهم تم الشراء و كانت موديل 2000-2001 و أخر الأنتاج الياباني من الفراديرو علشان بعد كده بقي ينتج في أسبانيا فقط للسوق الأوروبي و لا ينزل في أميركا
الموتوسيكل كان عامل 14 ألف كيلو و الحالة الحمدلله فائقة الجودة يعني فعلا كالزيرو تماما
نبدأ بالمميزات :
1- موتور قوي و غبي و فيه عزم لانهائي
2- ثبات علي الطريق غير طبيعي
3- فرامل قوية و متميزة لأنها CBS يعني لما تدوس فرامل أمامي يبقي العجلة الأمامية 60% و الخلفية 40% و العكس صحيح بس الموديل بتاعي كان لسه الِ ABS لم ينزل فيها (أعتقد أنه بدأ من موديل 2006 )
4- كرسي مريح جدا و مناسب للمسافات الطويلة علشان ده موتوسيكل سفر و رحلات طويلة قد تصل ألي رحلة حول العالم
5- وضعية قيادة رائعة يعني شايف الطريق كويس
6- أرتفاع عالي عن الأرض يعني ولا مطب ممكن يقرب من الموتوسيكل من تحت
7- تنك بنزين كبير 25 لتر مناسب للمسافات الطويلة من غير ما تحتاج تمون كل شوية
8- الموتور لفاته هادية يعني عمره طويل و أنا شفت بعض الناس عملت بيه فوق ال150ألف كيلو من غير أصلاحات كبيرة يعني صيانات العادية و بس
9- السكرينة الراكبة عندي ماركة GIVI و أطول شوية من الأصلية بس خطيرة و مافيش أي تراب أو هواء بيجي علي وشي نهائي

نيجي للعيوب:
1- عالي جدا عن الأرض بالرغم من أن مساعد النص نيتروجين و قابل للعلو و الأنخفاض بس حتي علي أقل حاجة غير مناسب لقصار القامة (انا طولي 175 سم و بأطول الأرض بطراطيف صوابعي)
2- وزنه تقيل بغباوة يعني محتاج أرجل قوية و بيكون كابوس في الزحمة ولو مال يبقي حايقع منك لا محالة و أنسي أنك تعدله لوحدك ده محتاج هرقيوليز علشان يعدله
3- كلبس الشكمان دائم التنفيس علشان واطي جدا و علي طول البارومة بتأكله كل شهر مثلا
4- بيحتاج بوجيهات أيريديوم فقط و دي غالية من بره
5- يأخد 4 كيلو زيت زي العربيات و يمكن أكتر
6- حجمه ضخم للغاية يعني أنسي المناورة في وسط العربيات و تقف في الأشارات زي العربيات بالضبط
7- قطع الغيار غالية بس دي مش مشكلة لأنها زي باقي الهوندا

دي صورة لأخوه بالضبط :
http://upload.wikimedia.org/wikipedi...radero_red.jpg

بتاعي لونه أزرق في فضي و حأحاول أرفع صور حقيقية اليوم أن شاء ألله

المواصفات:

Manufacturer: Honda
Production since: 1999
Class: Dual-sport / Adventure
Engine: 996 cc, 2-cylinder 90° Water-cooled V-twin
Bore / Stroke: 98 × 66 mm (3.9 × 2.6 in)
Compression ratio: 9.8:1
Power: 93 hp (69 kW) @ 8,000 rpm
Torque: 98 N·m (72 ft·lbf) @ 6,000 rpm
Transmission: Six-speed, Final Drive O-ring-sealed chain; 16T/47T
Suspension Front: 43 mm telescopic fork; 155 mm (6.1 in) travel
Rear: Pro-Link single shock with spring preload and rebound-damping adjustability; 145 mm (5.7 in) travel
Tires 110/80R–19 radial front; 150/70R–17 radial rear
Wheelbase: 1,560 mm (61 in)
Dimensions: L 2,295 mm (90.4 in)
Seat height: 838 mm (33.0 in)
Weight: 244.2 kg (538 lb) (dry)
276.7 kg (610 lb) (wet)
Fuel capacity: 25 L (5.5 imp gal; 6.6 US gal)