فيرنا فيرنا (( تحيا فيرنا ))
انا من المتعصبين للفيرنا الاوتوماتك ..... صدقني كل اللي معاة مانيول بيشد في الاسفلت ونفسة في الاوتو ...
80 كم علي 2000 اربي ام 120 كم علي 3000 اربي ام
from 0 km to 100 km 5.7 s >>>
بص الموضوع تحدي ...
بس لما رجلك تاخد علي الاوتوماتك وبعد فترة التلييين
اسلوب القيادة وتحويل الاوتوماتك الي مانيول عن طريق استخدام L و 2 D و OverDrive
ده بناء علي خبرتي القليلة مش عن علم او دراسة ونقبل المعلومة والتعديل مع العلم اني زاكرت كتاب التوكيل ال Manual وجربت بحرص شديد علي العربية والناس اللي حولين مني (طريق فاضي تماما ويوم جمعة) لاني الفيرنا سيارة مدنية فقط مش بتاعت سباق وعرفت السرعات القانونية اللي بتريح الموتور في النقلة والفتيس متغيرلة زيت جديد (زي ما قال التوكيل ) ومهتم بالفرامل والعفشة والمساعدين
و التجربة بنفسي والتجربة خير دليل
التنفيذ:-
بعد ما تدور العربية علي ال P تنقل علي ال L او من وضع الحركة تحت سرعة 20 كيلو متر ومثلا RPM 20,30 تنقل علي 2 وتطلع ولما ال RPM يكون عالي وصوت الموتور عالي شوية 30 الي 35 RPM وسرعة 45 الي 60 كيلو ماتزودش علشان غلط و تنقل بدون ما تشيل رجلك من علي البنزين( عادي في الاوتوماتك تحت سرعة 90 كيلو )
وبعد كده تنقل الدراع الي D (بالترتيب من تحت الي فوق بدون زرار النقل ولا فرامل ) وتسمع وتحس بالنقلة من التاني الي التالت ( غير محسوسة تقريبا الي مع التركيز في المتغيرات اللي قدامك RPM وسرعة بالكيلو ) و تدوس علي زرار OverDrive الي 100 كيلو وبعد كده تطفية !!! العربية بتبقي مانيول في معدل التسارع يعني الوصول للسرعة في معدل زمني قليل جدا !!!
التفسير كالتالي
الاوتوماتك 4 سرعات وسرعة خلفية 1
بداية ب L دة اخرة اولاني
و 2 بيلعب في الاولاني للتاني بس
وال D لو لوحدة يعني عادي بيطلع بالتدريج ومش بسرعة عالية واقتصادي واريح للموتور
وال D مع ال OverDrive بينقل علي ترس زيادة السرعة ( في الكتاب بتاع التوكيل انه فية ترس اسمة زياده السرعة ) او بيسقط غسار واخرة واخرة الغيار التالت
وبيعمل اية انه بيحمل علي كل نقلة لغاية اخرها وينقل للي بعدها واخرة النقلة التالتة علشان كده بيتطفي بعد 100 علشان ننقل للرابعة
يعني هوا فية 3 طرق للقياده واحدة زي ماقلت بداية من L ثم 2 ثم D وال overdrive لغاية ال100 ثم تطفية علشان الرابع
او
ال D مع ال OverDrive بس
وفية شيء تاني
محسوس بس والله وبناء علي الخبرة انه انك تستخدم ال KickDown يعني بدون اي شيء خالص علي ال D بس ودواسة البنزين
بمعني
انك تستخدم ودنك وعينك بسرعه وتحس بالنقلة وتحاول توازن ده كله في راحة الموتور بمعني ال RPM عالي شيل رجلك سنة بنزين وها تحس ان العربية بتنقل النقلة المطلوبة
ودمتم
جرب وشوف وابقي قولي ولكن ( ربنا يحفظك ويحفظنا جميعا ) الطريق مالهوش امان يعني ده في طريق فاضي ومش Racing مع حد.. بكرر مش سباق الله يكرمك مش ناقصين وربنا يسترها علينا ( طوبة بحجم البطساية تتني جنط )
لان صدقني مش مستهلة وبرده عن تجربة
اني خسرت فلوس ووقت وربنا سترها معايا والحمد لله مكنش فية ازية لحد
ربنا يسترك ويحفظك ويحفظنا
بس نعمل ايه احنا شباب شقي وعاوز يكتشف ( بس اكتشف بعقل ومسؤلية )
"لا تتعلم السلامة بحادثة" دة مثل انجليزي مكتوب في كل التوكيلات المحترمة
المفضلات