عرض للطباعة
بسم الله الرحمن الرحيم
السلام عليكم ورحمة الله وبركاته
بما اني كدا كدا لبست جيش سنة عسكري ..
فانا قولت استغل الفترة دي علي الاقل في حاجة مفيدة فقررت اعمل ماجستير في الوقت ده ..
لو حد عندة معلومات عن عمل ماجستير في جامعة القاهرة وانا في الخدمة مع العلم اني جندي
وانا رايح برضوا اسال يوم التلات ان شاء الله :)
.. وشكرا ..
ينفع بس المشكله لو عندك محاضرات او امتحانات ممكن فى وحدتك يغلسو و ميطلعوكش و يمشوها قانونى و ده بيكون انك تجيب موافقه على الدراسات من هيئة التدريب (فى الشارع اللى فى وش طيبه مول)
و فى الحاله دى هو ملزم يطلعك فى ايام الامتحانات
mohamed_selim
شكرا يا باشا .. بس انا لسة مادخلتش هاخش الشهر الي جي .. اجيب الموافقة منين ولا لازم استني لحد ما اروح الوحدة الاساسية ؟
وسؤال كمان ,,
الخروج مش بيخصم من الفترة الاساسية يعني لما اخد اجازة يوم ولا اتنين هياخروني برضوا الايام دي واعدها في الجيش بعد كدا ؟
لا مفيش تأخيراقتباس:
المشاركة الأصلية كتبت بواسطة nistelrooy
" كله من جيشك " هتسمع الكلمه دى كتير
طب كويس .. ان شاء الله تنفع واستغل الفترة :)
كنت سمعت ان الجامعه لو عرفت انك فى الجيش بتطلب الموافقه ... (زيها زى موافقه جهه العمل لو بتشتغل و عايز تعمل دراسات)
مش هينفع الموافقه قبل ما تترحل لأن لازم وانت بتقدم تكون عارف وحدتك
الموافقه دى حاجه صوريه و الموضوع كله فى ايد قائد الوحده ... لو معاك موافقه و حب يغلس مش هيطلعك اجازات و مش هتعرف تذاكر و يوم الامتحان هيمشيك الساعه 7 و انت امتحانك 8 مثلا و يطلب منك ترجع بعد الضهر .... (و دى شوفتها بعينى بس مش معايا الحمد لله) ..
لو هو كويس و الدنيا فل هيطلعك من غير اى حاجه ... علاعموم ربنا معاك
ان شاء الله يكون قائد كويس :)
عايز اقولك انك ممكن جدا متلقيش وقت تذاكر فيه ربنا يوفقك
انا زيك وقدمت دبلومه ولسه هدخل ف واحد برده وربنا يوفقنا ان شاء الله وننجح فيها ونروح مكان كويس
طب ما تفيدني قدمت ازاي الدبلومة دي .. شوية معلومات بقي كدا :(اقتباس:
المشاركة الأصلية كتبت بواسطة mohamed hamed
لو تعرف تظبط نفسك فى مكان كويس يبقى هتعرف تعمل دراسات عليااقتباس:
المشاركة الأصلية كتبت بواسطة nistelrooy
بالتوفيق ان شاء الله يا رجالة :)
mr_safwt
يا مسهل :)
nouranwar
ان شاء الله ..
انا بحضر حاليا الحمد لله ( خلصت الترم الأول وشغال فى الترم التاني وهمتحن 24 / 1 )
بخصوص التقديم قدم الترم التاني (خد بالك أن عندنا مثلا فى حلوان آخر معاد للتقديم 30 / 12 ) ولو سألوك على ورق الجيش قولها هجيبة اول ما أعرف (حاول تخليها تاخد الورق منك وخلاص بأي طريقة ) وبعد كده نفض (طالما اتقيدت خلاص ) انا قدمت من غير موقف التجنيد وقولتلها لما أعرفة هجيبة (فى ناس بتكتب إقرار ) عموما لو النقطة دي كلكعت معاك فى أى جامعة أطلع على وكيل الكلية لشؤون الدراسات العليا واشرحلة موقفك وقولة أنك هتكتب إقرار بإنك تقدم موقفك التجنيدي وموافقة الوحدة أول ما تحصل عليهم (وفى الغالب هيوافق بإذن الله )
لو لا قدر الله لا قدر الله رفضوا فى الكلية ، يبقى هتضطر تستني لحد ما تدخل الجيش وساعتها تطلع حاجه إسمها (إثبات تجنيد) بس عموما انا مشوفتش حد وصل للحاجات دي كلها ، الموضوع بيمشي فى الكلية عادي وبتوعدهم أنك تجيب ما يفيد موقفك التجنيدي أو بالكتير أوي تكتب أقرار انك تجيب موقف التجنيد
بخصوص الدراسة يفضل تكون عارف حد مقدم معاك علشان يظبطلك الورق وكده ، وممكن انت تستأذن القائد عندك فى وحدتك بعد كده أن تدخل ورق وتذاكر (ده لو رحت وحدات بعيدة ومبتنزلشي أجازات ) لكن لو فى وحدة فى المنطقة المركزية هيظبطوك (طالما أنك محترم وبتعمل حاجه تفيدك هيساعدوك ، لكن لو حسوا أنك بتستعبط علشان تاخد أجازات هينفخوك)
الباقى كلة بالتظبيط مع القائد عندك
وبخصوص الأجازات وبتتخصم من تجنيدك ، فأنت لو هتدخل شهر 1 القادم يبقى هتخرج 1 / 3 / 2013 لو أتأخرت فى مركز التدريب ولا اترحلت بدرى ولا اخدت أجازات ولا قعدت شهرين فى البيت هتخرج فى نفس المعاد
توكل على الله وقدم بكرة وسيبها على الله
انا عملته برضه فى الجيش و كونت باخد يومين اجازه على حسه فى الاسبوع و اخد شهر ونص متواصله ايام الامتحانات و الرك على قائد الوحده
اقتباس:
المشاركة الأصلية كتبت بواسطة م/مصطفى محمود
شكرا جدا .. علي المعلومات ديت .. بس عندي سؤال معلش .. الجزء بتاع الاجازات ده .. يعني انا لو خرجت اجازة علشان الامتحان او كدا هاعوضها يعني في الجيش وهايزودوا لي المدة كدا ؟
وهل اقدر اطلع شهادة قيد وكدا ؟ ( لمصلحة اخري )
ما تفديني بمعلومات اكتر لو سمحت :)اقتباس:
المشاركة الأصلية كتبت بواسطة أبو ياسين
باشا خروجك من الجيش مع الدفعه يوم 1 مارس 2013 ان شاء الله ... قعدت فى بيتكم طول المده او مروحتش هتخرج فى المعاد ده ... الحاجه الوحيده اللى بتأخر هى لو لا قدر الله اتحبست و اتحاكمت و قصه كده كبيره و عادة مبتحصلش مع المؤهلات و دى بتديك 3 شهور زياده (اسمها سنه زياده بس هى 3 شهور)
بالنسبه للاجازاتزى ما الاخ قال ... الرك على القائد .. عايز يدلعك هيدلعك ... عايز يطين عيشتك هيطين عيشتك و كله حسب القوانين و اللوايح..
ربنا معاك ... هو انت رحت سلاح ايه؟
انا روحت انهاردة جامعة القاهرة وبيقولي لي مش بنقبل من جامعات خاصة ؟؟ ولازم خبرة سنتيين ومش افدوني باي حاجة وماحدش فاهم حاجة .. والتقديم لسة يوم 20 - 7 ؟؟ هاكون خلصت نص المدة فطبعا فااااكس !
هاروح حلوان بكرا كدا ان شاء الله اشوف ..
هل فعلا لازم خبرة سنتيين بعد التخرج؟
mohamed_selim
شكرا لك .. انا لسة هاسمع السلاح يوم 18 ...
معرفش موضوع السنتين خبره ده بس ميعاد التقديم فعلا بيكون فى الصيف ... و غالبا هتلاقى ده فى كل الجامعات لأن اول سنه عادة بتكون كورسات فلازم تبدأ مع السنه الدراسيه ...
بس م/مصطفى محمود
قال ان فية في حلوان لحد 30 - 12 .. هل فعلا صحيح ولا هاضرب مشوار بكرا علي الفاضي ياريت تفيدني :)
mohamed_selim
هو حضرتك دراسات عليا في جامعة اية وفي اية ؟
الدراسات العليا التقديم ليها غالبا فى 7 و 8 فى معظم الكليات (انا هندسه معنديش فكره عن الباقى)
انا كنت مقدم عين شمس و اخد منهم ما يفيد انى فى الدراسات عليا من تاريخ الى تاريخ
رحت بيها على الجيش و قدمتها بشكل رسمى للقائد بتاعى و مكتب شئون افراد و بعدين بشكل ودى مع لواء اركان حرب .... بدون ذكر اسماء و كان محترم جدا ووافق على يومين اجازه غير ايام الاجازات الطبيعيه كنت بنزل مبيت يعنى بروح بيتنا كل يوم و باخد اثنين و ثلاث اجازه
ايام الامتحانات فعين شمس بيبقى امتحان واحد كل اسبوع فادانى فتره الامتحانات كلها اجازه تبدا من اسبوع قبل اول امتحان
بس فتوكل و قدم
انا مخلص ماجستير الكترونيات هندسة القاهره 2005 بس التقديم مواعيده هى هى من 1999 لحد دلوقتى
شكرا يا جماعة .. معلش سؤال كمان يا أبو ياسين
حضرتك كنت سلاح اية ؟ وحضرتك كنت بتاخد مبيت قبل ما تقدم ورقة انك بتدرس ولا من قبلها وانتا بتاخد مبيت ؟
انا كنت مقدم نص تاني برضوا فى هندسة المطرية (جامعة حلوان)اقتباس:
المشاركة الأصلية كتبت بواسطة nistelrooy
فأنا واثق من ده ولسة شايف الخبر فى جروب تابع للكلية
شكرا جزيلا ممكن الجروب علي الخاص وانا رايح بكرا ان شاء الله ...
ومبني الدراسات العليا الخاص بالتجارة في حلوان ولا الزمالك ..