خدها قاعدة اى عربية سيراتو وكيل مش فيها ايموبلايزر
مبدأيا الله يعينك
واعزرنى ف اللى هقولوو
ليه ديما المواضيع دى بتيجي من اعضاء جديدة
متهيألى انتا ف البروفايل قايل ان عندك ابيزا وبي ام
وياريت صوره عربيتك ولوحاتها علشان جايز حد من الاعضاء يوصل لحاجة مفيدة
أغرب رد ممكن يتقال على فكره.......!!! مش عارف أرد عليك اقول ايه والله فعلا
انا معايا ابيزا فعلا 98 ومعنديش بى ام يعنى كنت كاتبها كده فور فن بس.....!!!
هوا يعنى أنا هدخل ألف قصه وأقعد اقسم بالله كده واحلف عشان أستفاد ايه يعنى.....قلتلك فى الموضوع عاوزك تساعدنى مثلا فى حق العربيه............!!!
أنا كتبت الموضوع ده نصيحه لوجه الله يعنى للى معاه كيا سيراتو ومش عاوز حاجه ليا....ربنا يعوض عليا إن شاء الله.....
رقم العربيه ( لو كانت نيتك خير يعنى ) "م ل 7613" العربيه فيرانى 2010
العربيه التانيه " ط ى 7284" لونها بتنجانى 2010 هوا بنى يعنى بس فى الرخصه بتنجانى
أخيرا ربنا ما يكتبها عليك ولا على غيرك.....وإن لله وإن اليه راجعون..
ربنا يجاريك في مصيبتك وان شاء الله العربية ترجع
وياريت كل اللي معاه سيراتو يحاول يشيل الفيوزات المسئولة عن تدوير العربية زي الكونتاكت ويشيل كابل البطارية كل مايسيبها
جزاك الله خيرا على الرد...........
والله العظيم الرد بتاع الأستاذ ده ضايقنى جدا ومعرفتش فعلا أرد عليه....!
أقسم بالله العظيم إن كل حرف انا كتبته فى الموضوع ده حقيقه وحصل امبارح الفجر - أنا مش مجبر انى احلف- بس الموضوع ده نصيحه لوجه الله مش اكتر عشان الناس تاخد احتياطاتها.....
ومره تانيه للأخ اللى رد بالنيابه عنى " جزاك الله كل خير "
وللأخ اللى شايف انى انسان متامر " ربنا ما يكتبها عليك ولا على غيرك يارب العالمين "
لا حول ولا قوة الا بالله
انت عارف يا احمد لو الموضوع ده كان نزل من سنة فاتت كان ممكن يكون كلامك فى جزء صح ولكن حاليا صعب .....
السيراتو انتشرت واتباعت بشكل كان لا يتخيله الوكيل حتى هو مركز
الان على موديلات اخرى ونسى السيراتو .
عدت منك دى يااحمد وادعى لصاحب الموضوع ان ربنا يكرمه ويصبره على هذا الابتلاء
كان زمان فى القسم هنا حرب بمعنى الكلمة على العربية من اعضاء بتكون دى اولى مشاركتهم
وكنا بنفهم انهم من توكيلات منافسة بتحاول تسى للعربية وكنا بنسمع كلام عجيب وخالى تماما من المنطق .
ضع نفسك مكان ملاك السيراتو كل اسبوع فى المنتدى عربية اتسرقت
تفتكر هتبقى مطمئن او حتى مستمتع وانت سايق عربيتك .....اكيد لا هتكون قلقان
ومتحفز جدا وهتحاول تهدى نفسك وتصبرها وتقول لا اكيد الكلام كتير والاشاعات اكتر
انا عربيتى زى الفل بس تلاقى اللى اتسرقت منه العربية كان مقصر فى شى .وبتحاول تدور على اى
مبرر بعيد عن الواقع .
كلامك لزميلنا احمد كان فى هجوم واعتقد انه يستحق منك اعتذار والالتماس لمدى القلق
اللى كلنا عايشين فيه دلوقتى .
لا حول ولا قوه الا بالله
يا جماعه المفروض اى حد معاه سيراتو يعملها مفتاح فصل او يركب انذار فيه كتاوت فصل علشان الموضوع زاد بجد ....
وربنا يردهالكم يا أ.جاسر ...
اللهم يا جامع الناس ليوم لا ريب فيه اجمع عليهم ضالتهم
قدر الله وماشاء فعل....الحمد لله