ما هو اللى هيعمل كده اكيد غرضه السرقه فمش هيعمل كدة بشكل رسمى اكبد هيسرقه زى ما هيسرق العربيه
غريبة انا كنت فاكرك جاري في الهرم :)
http://www.nilemotors.net/Nile/262068-98.html
قدر الله وما شاء فعل
وربنا يدلك عليه ان شاء الله
معلش يا فندم ممكن اعرف تاريخ السرقة وياريت رقم تليفون حضرتك لان معى سيراتو وعايز اسال حضرتك شوية اسالة انا بحاول اامن نفسى على قد ما اقدر لا حول ولا قوة الا بالله
انا عايز اقول لحضرتك انا من خوفى لا بصين فى توكيل ولا بعطى المفتاح لاى بشر حتى لو بغسلها بغسلها بنفسى ومغطى رقم الفين والله رعبتونى الواحد تعبان فيها واقسم بالله ربنا يرد العربيات لاصحبها يارب ويحفظ كل العربيات
يا عم أحمد لا غريبة ولا حاجة .....
لو شفت تاريخ المشاركتين هاتلافى انهم فى نفس اليوم 18/12/1011 بس مشاركة كانت الساعة 1:50 مساء والتانية الساعة 3:34 مساء يعنى الفرق ساعة ونص ؟؟؟؟؟
الحدق يفهم يا حمادة .....
الرجل كان زعلان على السيراتو فسأل على الابيزا
برافو عليك يا ahmedsql
لا حول ولا قوة الا بالله
لا اله الا الله حاجه غريبه جدا
لا حول ولا قوة الا بالله
ان شاء الله العربيتين يرجعوا
في انتظار الرد من صاحب الموضوع على الاتهامات الموجهة اليه
عشان الموضوع سخن اوي :)
ايوا انا كمان عايز اعرف http://www.nilemotors.net/Nile/image...134%5B1%5D.gif
ذهب الليل طلع الفجر و العصفور صوصو :36_2_33:
فى سيراتو كتير راحت غزة ووائل الأبراشى معه ارقام السيارات هناك يا ريت تتابع وربنا يرد لك ولجارك سيارتكم لا حول ولا قوة الا بالله
بإذن ربنا العربيتين هيرجعوا
ربنا معاك
يانهار اسود ومنيل بنيلة ...... ده ايه الغم ده !!!
اللهم انتقم من الحرامية ولاد الحرااااااااام
ويارب يعوضك خير
السلام عليكم ورحمة الله وبركاته،،،،،،،،،،،،،،،،،،
أولا : أنا صاحب الموضوع الأصلى اللى شفت ناس كتير جدا قعدت تتكلمعليه وترميه بالباطل والربط بين التجمع الخامس والهرم والسيراتو والابيزا وكلام كتير أوى من غير سند ولا هدف وربط تواريخ مواضيع بين الإبيزا والسيراتو ورد هنا الساعه 1 وبعدين رد هنا الساعه 2 كأنى حرامى مثلا أو بطلب منكم مساعده.
ثانيا : حبيت أجمعلكم شوية دلائل وأسانيد وايات قرانيه (أنا الحمد لله مسلم ) فى حرمة رمى الناس بالباطل ياريت تقروها الأول :-
حرمة رمى الناس بالباطل:-
قال تعالى
وَمَن يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُّبِينًا}.
قال العلامة ابن كثير في تفسيره:
وقوله تعالى: {والذين يؤذون المؤمنين والمؤمنات بغير ما اكتسبوا} أي ينسبون إليهم ما هم براء منه لم يعملوه ولم يفعلوه {فقد احتملوا بهتاناً وإثماً مبيناً} وهذا هو البهت الكبير أن يحكى أو ينقل عن المؤمنين والمؤمنات ما لم يفعلوه، على سبيل العيب والتنقص لهم، ومن أكثر من يدخل في هذا الوعيد الرافضة الذين يتنقصون الصحابة، ويعيبونهم بما قد برأهم اللّه منه، ويصفونهم بنقيض ما أخبر اللّه عنهم، فإن اللّه عزَّ وجلَّ قد أخبر أنه قد رضي عن المهاجرين والأنصار ومدحهم، وهؤلاء الجهلة الأغبياء يسبونهم ويتنقصونهم، ويذكرون عنهم ما لم يكن ولا فعلوه أبداً، فهم في الحقيقة منكسو القلوب، يذمون الممدوحين ويمدحون المذمومين، وقد روي عن عائشة رضي اللّه عنها قالت، قال رسول اللّه صلى اللّه عليه وسلم لأصحابه: "أي الربا أربى عند اللّه؟ قالوا: اللّه ورسوله أعلم، قال: "أربى الربا عند اللّه استحلال عرض امرئ مسلم" ثم قرأ: {والذين يؤذون المؤمنين والمؤمنات بغير ما اكتسبوا فقد احتملوا بهتاناً وإثماً مبيناً} (أخرجه ابن أبي حاتم).
ثالثا :- فكرت كتير جدا جدا جدا أرد على الناس -صاحبة نظرية المؤامره - ولا بلاش أرد ، بس أنا هرد عليكم عشان خاطر فيكم ناس كتير أوى انا حبيتها فى الله هنا فى المنتدى ده وبس عشان كده اناهرد وأشرح - على الرغم إنى مش مضطر ولا مجبر بس احتراما للناس دى واحترما لنفسى.
- اللى ميعرفنيش كويس يعنى أوى ما قابلنيش شخصيا لسه يعنى - أنا اتشرفت وقابلت ناس كتير من المنتدى المحترم ده - أنا أخوكم فى الله ( م/إسلام سالم) عندى شركة مقاولات فى التجمع الخامس فى عماره خاصه بالعيله بتاعتى يعنى - ومكتبى فى الدور الأرضى فيها - وساكن فى الدور الأول فيها برده - وده المكان اللى عربيتى اتسرقت فيه يعنى.
- العربيه السيراتو ( فيرانى 2010 رقمها "م ل7613") خاصه بيا وبتاعتى شخصيا - ربنا يعوض عليا فيها ، على فكره أنا مشترى العربيه الابيزا لزوجتى يعنى واشتريت العربيه الابيزا تقريبا قبل أسبوع من سرقة سيارتى السيراتو - لحد الان انا معرفش هيا فين .
- اللى برده ميعرفنيش كويس - وانا عاذر ناس كتير أوى - لأن نظرية المؤامره بقت بتسيطر علينا كلنا يعنى ولله الأمر من قبل ومن بعد - يسأل عليا فى منتدى سيات - هيعرفنى كويس من الناس اللى هناك وعرفتنى شخصيا عن قرب - معلش هتعبكم معايا ينى ربع ساعه بس.
- أخيرا يعنى ، مش فاهم هوا ايه المشكله انى ساكن فى الهرم والتجمع يعنى هوا حاجه عيب ، ومش فاهم فعلا ايه المشكله انى تكون عربيتى اتسرقت ، واكون بسأل على شوية أسئله يعنى عن عربيه تانى ، هوا المطلوب منى انى اقعد جمبها أعيط وأصوت وألطم على وشى يعنى.....!!!!
- أخر حاجه انا حابب أقولها هنا - برده عشان خاطر ناس كتير محترمه عرفتها هنا - أقسم بالله العظيم أقسم بالله العظيم أقسم بالله العظيم كل حرف أنا كتبته فى الموضوع ده وفى الرد ده هيحاسبنى عليه ربنا بس - مش أى عضو منكم هنا يعنى ، وحسبى الله ونعم الوكيل فى اللى ظلمنى وحكم عليا بالباطل وهوا ميعرفنيش ولا عمره شافنى ، وأقسم بالله العظيم إنى كتبت الموضوع فى الأصل عشان أحذر الناس الغلابه اللى معاها عربيات من سرقتها مش أكتر من كده ، وبفضل الله والحمد لله أنا مش محتاج فلوس السيراتو اللى راحت فى ستين الف سلامه فدا زوجتى وابنى هيا ومليون عربيه زيها.
الاخوة الافاضل على ما اظن العضو وضح واجاب على اسئلتكم
مع العلم انه غير مطالب بكده فرجاء شخصى عدم التشكك مرة ثانية
الف مليون سلامة ليك ولعائلتك
وان شاء الله العربية هترجع بالسلامة
مين قال انه بيشكك فيك اخى الفاضل بالعكس كل الناس بتقول ربنا يكون فى عونك والناس بس كانت ليها سؤال واحد وحضرتك لم تجاوب عليه وجبت احاديث مع اننا عارفين كويس الاحاديث دى وعمر ما حد قال كلمه فى حقق كل الموضوع شويه اسئله واكيد حضرتك مش مجبر تجاوب عليها اطلاقا
على العموم ربنا يكون فى عونك ومقلتلناش ايه الجديد فى موضوع العربيتين ان شاء الله يكون فى جديد
ربنا معاك ويعوض عليك وممكن يرجعو
الهم اسالك بانك انت الله لا اله الا انت لك الملك ولك الحمد رد لهم ضالتهم انك علي كل شيء قدير
ع فكرة موضوع سرقة السيارات المنتشر السبب المباشر فيه امريكا حيث بيعتبر دا جزء من منظومة الفوضي واحساس المصريين ان مبارك كان حميهم والموضوع ببساطة انها عندها رؤس لشراء العربيات المسروقة لان العدد الكبير اوي صعب اوي يتم تصريفة بسهولة فبتخلي للحرميه رؤس تضمن انهم حيشتروا منهم العربيات فوجهت فلوس المعونة لشراء السيارات المسروقة وبعدين حتي تولع فيهم مش مهم المهم انها تحسس المصريين انهم مش امنين باي طريقة عن طريق استخدام ضعاف النفوس وحرمية الغسيل الي اتحولوا لسرقة العربيات لانهم لقيين الي حيشتري بسرعه ومش مهم التصريف بس مش عارفين ان ربنا كبير وهو ع كل شيء قدير بيده الخير وهو ع كل شيء قدير وقادر يذلهم جميعا ف لحظة هم وكل الي معاهم امين
حسبي الله ونعم الوكيل فعلا علي رأي عمر أديب لما قال المفروض الشعب كله يرخص سلاح طالما هيه بقيت كدا والناس كلها اتريقت عليه ساعتها انا مبحهوش بس فعلا كان عنده حق لما قال ان الشعب كله يتسلح طالما مبقاش ينفع غير كدا
سيدي الفاضل صاحب الموضوع...حضرتك قلت في المشاركه الاولي ان سيادتك ساكن في فلا مع دكتور اخر بعد كده حضرتك قلت انك.ساكن في عمارة العيله ........لو فرضنا ان فيه دكتور ساكن معاك مش المفروض ان حضرتك تكون عارف عربيته رجاء التوضيح مع الشكر
ياعم الراجل بيقولك كان نايم والدنيا لسة ضلمة
والموضوع مخدش دقايق
يارب مايكتبهااا على حد ابداااا
وياريت يقولنا وصل لاية
نفسي اعرف
هرم ولاجيزة
سيراتو ولا ابيزه
فيلا ولا عماره
مع العيله ولا مع دكتور جاري
نفس يوم السرقه اكتب موضوع عن الابيزا ولا اروح اعمل محضر .....نكمل ولا كفايه.....معلش اصل الموضوع شغل بالي
الشعب يريد تحرير العقول
انا اسف انى دخلت على الموضوع ده متأخر بس
العضو المحترم كاتب فى الصفحة 2 رقم العربيتين م ل 7613 و ط ى 7284
لما انا دورت فى الموضوع لقيت الاولى مرسيدس موديل 81 و الثانية نصر موديل 80
الحمد لله ظهر الحق......انا مش عارف صاحب الموضوع هيستفاد ايه من الكدب وترويع الناس .....يا ريت يظهر ويرد علينا
ههههههههههههههههههه
انا هرشت الموضوع ف اوله بس الاخوة مسكونى حسسونى بالزنب واضطريت اعتزرله
انا مستغرب من اللى بيدخل يقعد يقسم بالله كدب ده ايه