الموضوع: زمااااااااااااااااااااااا ااان و انا رفيع ...............كنت بحلم ابقى طخيييييييييين

ازيكم ... ها .. ايه الاخبار ؟؟ ولا اقولكم ..بلاش ايه الاخبار ده .... علشان معكننش عليكم .... اصل الاخبار ده اليومين ده عكننه بجد ... المهم .... انا كنت كتب موضوع زمان ييجى كده من سنتين عن لعب الحديد و الايام بتاعت ثانوي ده ..
و للاسف السيرفر وقع و ضاعت كل موضوعاتي .... و للاسف مرة تانية مكنش عندى نسخه تانيه منها ... المهم انا شايف وجوه جديدة معانا على المنتدى و اعضاء لسه ورور علشان كده هحاول افتكر معظم الموضوعات ده و ارفعها تباعا ... للى قراها قبل كده ... هيضحك قبل ما يقراها ..... و اللى مقراهاش ... هيضحك بعد ما يقراها ........
كان موضوع اسمه " حد فيكم شرب المر ... بجد " اهو ده بقى اللى هحكيه ليكم ( اصلى مش عارف اكتب كلمه هحكليلكم ده ) ...
ييجى كده من خماشر سنه ... كنت فى ثانوى و طلبت معايا لعب الحديد و التنفيخ ده و التى شيرت اللى بتاع اصغر اخواتك علشان تلبسه و يبين عضمك .. فنزلت اشتريت بار حديد و كان عندنا سطح بتمرن فيه ..... و كنت رفيع شوية بس مش للدرجه فروحت للعطار و قولتله عاوز حاجه تتخنى شوية .. الراجل قالى بقى بالحرف الواحد :-
- بص يابنى فى عندى حاجه زى المربى اسمها خرز البقر و فى حاجه تانيه اسمها ..... و لسه هيكمل فرديت انا بقى و قاطعته و قولت بلاش ده ... تقريبا سمعتها غلطت و الكلمه كان ليه ايحاءات مش مظبوطه معايا .... و فى ايه تاني ؟؟
- رد و قالى فى حاجه تانيه صعبه بس استحملها اسمها " كينا خشب " و خد معاها سكر نبات علشان ده امر من الحنطل و الكينا ده مسحوق عامل زى الكركم بالظبط .... و فى غايه المرارة ... حتى من ريحته بس تحس بطعم المرارة فى حلقك .... المهم اخدت منه الكينا ده و حطيتها فى برطمان و قولت اما اشوف بقى ...... لغايه كده حلو.....
عندى انا اخين واحد غلس صغير اى حاجه بيشبط فيها و كان دايما بيناقر فى الاخ الوسطانى ده و الوسطانى ده كان كيفه انه يضايق الصغير و كياد اوى ...
و الصغير ده كان دايما بيحب يلعب فى علب البيرسول ... لدرجه ان امى خوفته منها و قالتله ده سم ... لو لمستها هتموت ,, فالواد اتكهرب منها ... المهم انا بقى قاعد بتمرن و الاتنين قدامى و الصغير شايفنى و انا عمال اشيل الحديد و عمال يبصلى بأعجاب و فخر ...
الوسطانى بقى يستغل الفرصه و يقوله .... عارف اخوك ده بقى قوى ازاى ؟؟ و قدر يشيل الحديد ده كله .....؟
الصغير يرد بهبل زى العبيط : اه .... ازاى قولى و النبى .... هه ازاى ؟؟؟؟
يرد الوسطانى : ده عندة برطمان جوة فى كاكاو سحرى ... بيخلية قوى اوي
تعالى معايا اوريهولك ... و راج جاب البرطمان ... و قاله بص افتح بقك و خد شويه هتلاقى نفسك قدرت تشيل الحديد كله !!!!!!
التانى الصغير بقى...... بدون تفكير زى الاهبل قام فاتح بقه على الاخر !!!!
يقوم الوسطانى ده ... دالق البرطمان كله فى بق الصغير و على وشه ......
طبعا المسحوق ده مر اوى فالواد جه يصوت قام ساحب نفس من بقه ... قام مدخل كميه هبو فى زورة و معرفش اصلا يصوت ...
و افتكر انه اخد سم و مات و قام نايم فى الارض و مدلدل لسانه برة و عمال يرفس ............

الموضوع ده حصل فى ثوانى قدامى و كان البار الحديد هيقع على صدرى و كنت هموت من الضحك

و الله و انا بكتب الموضوع ده عمال اضحك .........