الموضوع: تقرير عن صيانة 20000 لصني 2010 بمركز اتو ايجيبت ابورواش

المشاركة الأصلية كتبت بواسطة ahmazong

أعضاء نيسان الأحباء

أنا كان نفسي انزل التقرير ده من زمان لكن معلش أعذروني لإن كنت خايف من كتر مابيقع المنتدى .. لكن الحمد لله ثبت اهه .. وهقولكم تجربتي لو سمحتوا يعني ..

بداية اليوم ..

أولا كان يوم خميس زي مانتم عارفين .. كنا المفروض هنتقابل أنا و عم ahmed .tv و أستاذ abuhossam و sonasteel سحس باشا و walidadel الغلباوي ههههه و بسام بيه .. طبعا دول ما شاء الله التقال كلهم وكنت أول مرة قابلهم .. اتصلت أنا ب ahmed .tv الصبح عشان كلنا المفروض كنا نتقابل عند بنزينة امارات مصر اللي قبل كارفور .. المهم ahmed .tv اتاخر علي شوية نص ساعة كده .. المهم جالي وقعدنا نناكف في بعد شوية .. عشان أنا عمال أعبله في التيدا لحد مجاله القولون العصبي مني هههههههههههه .. وكان عايز يخبطلي حبيبتي الصني بس خاف على نفسه هههههههههههه .. وجه بعديه abuhossam .. واستنينا ربع ساعة كده لحد مالباقي ييجي بس محدش جه روحنا ماشيين وقولنا للباقي ييجي بقى على أوتوا ايجيبت .. المهم روحنا بقى في اجمل طريق في مصر .. طريق أي حد عايز يجرب العفشة بتاعته يروح هناك .. لو استحملت تبقى عربية لا يعلى عليها ههههههههههه .. وصلنا بقى الحمد لله بعد تعب في 2 كيلو طريق بس هههههههههههههه .. دخلنا جوه واستنينا نص ساعة لحد ميجو الباقي .. وخد عندك بقى اسباب التأخير ههههههههه بسام بيه و وليد باشا كانوا بيشدوا مع بعض هههههههههههههه و وليد زعلان إنه اتحشر بين 3 عربيات .. وبسام بيه فرحان قوي إنه طلع هههههههههههههههههه .. بس بصراحة كانوا بيجيبوا زيت فرامل من ليكوي مولي و قعدوا يشدوا بعد كده ههههههههههههه .. سحس باشا اتاخر اكيد عشان بيفطر ههههههههههههههه .. المهم القاعدة اكتملت الحمد لله بفريق كورة ملعب خماسي هههههههههههه ..

وصف المركز ..

المركز طبعا يا جماعة غني عن التعريف .. مركز كبير في كل حاجة .. من أول متخوش ناس غاية في الاحترام لحد متخرج بصراحة .. مهندسين مختارين بعناية .. حتى الصنيعية مختارين بعناية الضعف .. منظم جدا .. مكان للانتظار الدور .. مكان للاكل .. كافيتريا صغننة آه بس جميلة .. مكان للعب الاطفال الرخمة هههههههههههههه < سوري أصل عيل من العيال وقع عالية وهو بيلعب > .. مكان مغطى بالازاز عشان تشوف عربيتك .. مكان playstation .. مكان لمدخنين وغير المدخنين .. ناقص بس يعملوا هناك شيشة وانا أفضل راشق هناك على طول ههههههههههههه .. أحلى مركز صيانة لنيسان بصراحة ..

بداية الصيانة ..

كل واحد طبعا كان ليه دور .. كل واحد دخل لمهندس شكل .. أنا عن نفسي دخلت لمهندس محترم ذو خلق .. قعدنا نتكلم شوية .. وقلتله على المشاكل اللي عندي الكرسي بتاع اللي جنبي بيزيء .. حزام الأمان بتاعي و بتاع اللي جنبي بطيء قوي ساعات مبيرجعش .. واكبر مشكلة بقى بتاع الصوت اللي عند القايم فاكرينه طبعا ..

طلع جرب العربية ولأ كل كلامي صح .. ماعدا الصوت بتاع القيم .. أنا اتكسفت بصراحة يعني طريق أي ده مفيش بعده ولا قبله .. ميجيش الصوت .. والمهندس ضحك وقال لي زي العيان اللي بيجي للدكتور أول مايروح يخف ههههههههههههههه .. وقال لي هنشوفهلك .. رجعنا المركز وقال لي عايز زيت إيه قلتله معايا الزيت ليكوي مولي toptech .. ومعايا منظف موتور .. وقلتله خد بالك عشان بيتحط بطريقة معينة غير كده تجيب موتور .. المهم لإن منه قبول ما شاء الله .. وقال لي هنعملك الحاجة .. واستلم مني العربية ..

أثناء الصيانة ..

قعدنا بقى مع الشلة الكريمة .. وقعدنا نتكلم على العربيات .. وفتحنا مواضيع كتيرة قوي .. وشفنا عربيتنا من خلال الازاز .. المفاجأة بقى ahmed .tv الينا تعالوا نخش معاهم جوه ..

رحلة مع الصنيعية ..

دخلنا معاهم جوه وشفنا بيعملوا إيه بالضبط .. مش عارف اقولكم إيه بالضبط .. من الاهتمام .. دقة الصيانة .. كل سيارة عليها شخصين لسرعة المهام .. جودة الأيدي .. جودة الأجهزة الحديثة < ahmed .tv حيكلمكوا عنها بالتفصيل > ..

أجهزة لكل حاجة إن شاء الله لو عايز لبن العصفور في العربية هيجيبهولك . أجهزة لقياس جودة المياه .. الزيوت . كل حاجة . حاجة كمان اعجبني قوي نضافة مكان الصيانة .. مفيش نقطة زيت على الارض .. ملتزمين بعزم معين لربط أي حاجة حتى مسامير الكاوتش . ده حتى في عربيتي كانوا مسكين stopwatch عشان منظف الموتور لازم 10 دقائق . بصراحة فاهمين شغلهم قوي ما شاء الله .. دخلنا بعدين على قسم صيانة الأجهزة الثقيلة زي الموتور الفتيس وده كله طبعا في مكان منفصل .. وبعدين دخلنا قسم الدهان والسمكرة قسم عتولت الصنيعية .. لازم يكونوا اقوية عشان السمكرة .. كل قسم ليه صنايعتهم وعددهم ومدى قوتهم ..

مفاجأة ..

خلصنا احنا بقى رحلة الصنيعية .. نلاقي في وشنا راجل ياباني وناس من المصنع شكلهم ناس محترمة جدا ومعاهم مستر راجي العضو المنتدب أظن غني عن التعريف طبعا .. طبعا نادو على ahmed .tv وقاعده يتكلموا معاه .. طلع بقى الراجل الياباني ده المسئول عن الشرق الأوسط كله .. وهو كان جاي فى زيارة تفقدية لمركز أوتوا اجيبت ..

المفاجأة كمان إنهم طلعوا يعرفوا nilemotors ..

يعنى تعبنا مرحش ببلاش فى قسمنا الحبيب .. وكنا فرحانين قوي لما ahmed .tv قلنا كده ..

فعلا الفضل كله يرجع لربنا أولا وبعد كده يرجع لاحمد اكتر واحد فرح بجد للكلام ده .. لإنه فعلا اكتر واحد بيتعب عشنا .. ربنا يجازيه خير ..

رحلة مع مستر راجي

الرحلة ده مكنش ينفع أتكلم عليها قبل كده عشان كانت مفاجأة في المقابلة

قعدنا بقى مع مستر راجي .. راجل خلوق وعايز يخدمنا بجد زي ماشفتم في المقبلة .. قعدنا نتكلم على نيسان مصر وعلى المصنع .. و مميزات الصني و < عيوب التيدا ههههههههههه > .. وعيوب الصني كمان عشان محدش يزعل :s_thum1[1]: .. واتكلمنا كتير عن كل حاجة .. افدنا كتير بصراحة .. قال لينا ماتيجوا ننزل نشوف قطع الغيار .. نزلنا طبعا لقينا مكان كبيير قوي لقطع الغيار بس .. و اتكلمنا مع شخص هناك قاعد يفهمنا تقسيمة قطع الغيار ازاي .. طبعا تقسيمة صعبة جدا .. وفهمنا كل حاجة الحمد لله .. وفيه كمان اسنسير يشيل القطع من تحت لفوق لسرعة المهام .. و قبل منمشي خدنا دواسات للأرضية الياباني الأصلي بتاعها .. طبعا شكرناه

جدا على حسن خلقه معانا .. وطلعنا بعد كده عشان كلنا خلصنا الصيانة وكده ..

استلام السيارة ..

رحت أنا بقى لمهندس الصيانة .. وقال لي العربية خلصانة من 5 ساعات مثلا ههههههههههه .. قلتله أنا عارف وكده عشان كنا بنلف .. المهم قال لي عملنالك كل حاجة التزيء كان من حتت فيبر مش موجودة في الكرسي حطيناهلك ضمن الضمان .. حزام الأمن مفيهوش مشكلة و ظبطنا المكنة ..

ملحوظة : الصوت بقى بتاع القايم اللي ورا طلع من إني غيرت الازاز اللي ورا بره التوكيل ومتركبش عدل وفيبر الاقوايم اتحرك .. مع الازاز المكسور اللي لسة موجود في القايم ..وكمان كلبسين اللي موجودين في الازاز اللي ورا عشان يسخنوا الازاز فالشتا مكنش راكبين فبيلقو مع الطرق الغير ممهدة ..

المهم قلتله شكرا على حسن المعملة والصيانة الروعة .. و طبعا مكنش في حساب على مصناعيات عشان كانوا ببلاش في شهر 12 ..

الحساب ..

حسبت أنا بقى على :

تثبيت قوايم وتنظيف 2 بكرة حزام = 42 جنيه

و

134 جنيه فلتر هوا


68 جنيه بوجيهات


5 جنيه غسيل موتور


تشحيمات 15 جنيه


+


15% خصم على قطع الغيار

81.04


=


الاجمالي 190.96 جنيه


+


19.09 ضريبة


=


229.96 جنيه


+


الضريبة النهائية


=


252.94 جنيه فقط لاغير

ختامها مسك وعنبر

خلصنا احنا بقى كل حاجة .. وقلنا ايه أما نخرج .. طبعا أنا قلتلهم تعالوا أما نروح أكتوبر نلف فيها شوية ناكل ونقعد على قهوة .. المهم كله وافق ماعدا abuhossam روح كنا زعلانين وهو ماشي عشان هو راجل محترم جدا .. وطبعا روحنا واحنا في الطريق ahmed .tv و بسام باشا قاعده يشدوا مع بعض ههههههههههههههه .. وطبعا حسين سخن وطار وراهم .. وانا ووليد ماشيين على مزجنا .. المهم كلنا وصلنا كده عن جاد اللي في أكتوبر .. ماعدا حسين .. تاه مننا ههههههههههه بيجري وخلاص .. بس جه الحمد لله .. وكان هيموت وياكل سندويتش جبنا رومي هههههههههههههههه مش عارف سايب بيته وجاي عايز يقولها المهم نفذناله طلبه عشان ماياكلناش ههههههههههههه .. وروحنا احنا بقى محل اسمه أبو خالد محل كباب وكفتة مش تقولي جبنا رومي هههههههههههههه .. دخلنا طبعا ومعانا البودي جاردات walidadel و se7s .. طلبنا كل واحد فينا حاجة .. وليد عادل طلب نص المحل ههههههههههههه .. حسين شرحه .. بسام بيه على قده .. وانا طلبت ريش ضاني .. حمام .. ورز بس هههههههههههههه .. وجالنا بعد كده شناوي باشا راجل كان نفسي اتعرف عليه من زمان .. راجل هادي كده متسمعلوش صوت من قمة ليحترام .. بس عنده مشكلة كره اليوم اللي جاب في صني هههههههههههههههه .. بعد كده خصلنا أكل .. وقعدنا على قهوة وبعد كده للاسف روحنا ..

تجربة العربية : العربية بقت ما شاء الله تحفة من التحف بقت بتجري جامد جدا .. صوتها بقى روعة .. رجعت تاني بصراحة زيرو .. وعايز بقى حد من بتوع التيدا يشد معايا وانا هطلع عينوا هههههههههههه ..

أنا بقى حطت في العربية

زيت ليكوي مولي top tech 4100

منظف انجكشن


oil additive mos2 بعد الصيانة بـ 1000 كيلو


=


العربية بقت مش عايزة تقف

في النهاية أنا احب اشكر كل من جه معايا في الصيانة ديه .. الواحد كان حاسس إنه يعرفهم من زمان .. الوقت معاهم بيضيع بسرعة قوي .. ناس جميلة جدا .. قمة الاحترام .. ميخرجش من بقهم العيبة .. طيبين .. جدعان قوي .. وحاجات كتييير اويييييييي مايتعدوش .. الواحد حاسس إنهم اخواته بجد .. ويارب نفضل أحباء كده على طول .. احنا آه بنرخم على بعض شوية هههههههههههه بس عشان نضحك .. لكن محدش شايل من التاني بغيضة ابدا الحمد لله ..

بشكر تاني :

ahmed .tv

walidadel


sonasteel


bassamhafez


abuhossam


وانا كمان ههههههههه

وباهديهم الكاس ده عشان بجد ونعم المعرفة ..

تحياتي لحضرتكم ..

و يا رب التقرير يكون عاجبكم


اخوكم أحمد ..

الف مبروك ياباشا عالصيانة و التقرير الجامد ده وعقبال صيانة 100000كم ، وممكن تفسير مبسط لطريق مركز اوتو ايجبت