عرض للطباعة
ارجو المساعده انا شاري العربيه بقالي اسبوع و لما جبتها لاقيت فلتر الهوا مسدود فا رميته قولت على ما اجيب واحد تاني المهم ملاقيتش لحد دلوقتي عشان هو البرازيلي المدور نش المستطيل التاني المهم انا كنت عاوز افك الكربراتير بنفسي و انظفه فا يا ريت اللي يعرف يشرحلي ازاي افكه و انظفه بايه و ازاي مبوظش ظبطتة ........؟؟
الموضوع عاوز خبرة مش مجرد شرح انصحك تروح لميكانيكى يخلصلك الموضوع دة
قولنا انت منين ونقول القريب ليك مين
انا من حلمية الزيتون
لازم تركب الفلتر مينفعش تمشي كدة اسأل بتاع قطع الغيار على بديلاقتباس:
المشاركة الأصلية كتبت بواسطة yousefkaram
بالنسبة لتنظيف الكاربراتير في طريقتين
الطريقة السهلة
تشترى علبة منظف كاربراتير او علبة wd40 انا بفضله علشان ليه استخدامات تانية
تفك العمة وتبص فى فتحة الكاربراتير هتلاقي طرف انبوبة بخ فيها شوية صغيرين
وشد دراع الكاربراتير اللى راكب فيه سلك البنزين يعنى كأنك بتدوس على دواسة البنزين وتسيبها
تعمل الكلام دا مثلا 3 مرات
بعد كدة تشد دراع الكاربراتير وتنيك شده ورش فى نفس الوقت رشة كبيرة من علبة المنظف
هتلاقي صوت الموتور اتغير وبعد كدة اتعدل تاني تروح سايب الدراع
وبرضه كرر الموضوع 3 مرات
لو بتستخدم wd40 رش على الاجزاء المتحركة الخارجية فى الكاربراتير ورش برضه فى فتحة الكاربراتير نفسها اللى فيها الانبوبة اللى كنت بترش فيها فى الاول
الطريقة دى سهلة ومفهاش اى تغيير فى ظبطة الكاربراتير وهتحس باختلاف فى اداء العربية للافضل
الطريقة الصعبة
تفك الكاربراتير من العربية
تفك كل البيكات وتنظفها
تفك وش الكاربراتير وتفك ابرة البنزين وتنضفها
ترش فى كل الممرات اللى بيمش فيها البنزين اسبراى التنظيف
الممرات دى هتلاقيها فى قلب حوض البنزين وعند كل بيك فى اكتر من واحد
وعند الاكس والباب فى اكتر من واحد
تفك رشاش البنزين وترش فيه وترش فى الفتحة اللى بيثبت فيها
واوعى تستخدم سلك فى تسليك اى ممر او الرشاش استخدم سائل التنظيف بس
هتركب كل حاجة زى ما كانت ولو جوان وش الكاربراتير متقطع تاخد وش الكاربراتير
او الجوان المقطع عند واحد بتاع جوانات وهو هيصنعلك واحد بجنيه او اتنين مش فاكر
بس الطريقة دى عايزة تركيز علشان ترجع كل حاجة مكانها لان لو ركبت العوامة بالعكس الكاربراتير هيطلع بنزين على الموتور
فانا رايي
انك تنظفه عند حد وتقف على ايده وتشوفه بعينك بيعمل ايه لانهم بياخدوا فلوس من غير ما ينضفوه بينفخلك فى البيكات وخلاص
وبعد ما تنضفه ممكن كل اسبوع تنضفه بالطريقة الاولى لانها سهلة
وهيبقي الكاربراتير نضيف على طول
وطبعا تتأكد ان فلتر البنزين نظيف
ومتنساش تركب فلتر الهوا
وطبعا هتلاقي البوجيهات مهببة من وساخة الكاربراتير غيرها