الموضوع: من واقع خبرتكم اعمل ايه؟!

المشاركة الأصلية كتبت بواسطة azmeralda

طب كام لكام ان الأسورة دى هتتكسر نصين دى اكيد حاجة خفيفة زيادة عن اللزوم
انا من اسبوعين برضه 2 اصحابى مخطوبين واحدة جايبة ب 20 والتانية ب 23 من غير الدبلة
ولو شفت الشبكة شكلها برضه خفيف جدا ده لأن الدهب غالى وعموما ده بيخضع للمجتمع اللى هيخطب فيه ومستواهم وعرف البلد ورضا العروسة وقدراته وحاجات كتير

وعلى فكرة سنة 2000 اعتقد 85 جم كان ب 8000 ج : )
وبعدين الشبكة دى لها فرحة فلازم يرضى العروسة برضه ميجيبش حاجة بسيطة زيادة عن اللازم ده غير ان مفيش مهر بيتدفع فى الجوازات دلوقتى وهى كمان ممكن تجيب نص العفش فالشبكة دى تعتبر مقدم المهر مش كماليات او منظرة وفى الشبكة ام 20 دى الدبلة والمحبس لوحدهم قاطعين 5000
بما ان عادة المؤخر مبيتدفعش الا فى الطلاق والوفاة مع ان ده مش الصح بتاع الشرع

وفى كل الأحوال الشبكة دى راجعة بيته وياما ستات باعتها لما جوزها احتاجها فى اى زنقة

يا فندم والله سنة 2000 شهر 7 الشبكة كانت عامله حوالى 85 جرام وب 2870 جنيه كمان لان الجرام كان بحوالى 26 جنيه لان ساعتها برميل البترول كان ب 6 دولار وبعض الشركات وصلت انها تقفل ابار لان تكلفة الانتاج اعلى من كده
وطبعا انا مش قصدى ابخس البنات ولا حاجه وبرده البنت قيمتها مش بشبكتها لان ياما بنات زى الفل اتجوزوا من غير شبكه وبرده ياما بنات ...... ادفع لهم الافات مؤلفه وباظت الجوازه وبعدين لازم نعرف ان الشبكه ليها حالتين اما انها هدية ولا يسرى عليها احكام الصداق(المهر) ويا اما مهر او جزء منه طبعا الناس بتعيش الايامه وفى اول قعده يتقول دى هديه لمراتك /عروستك ووقت اللزوم بيتغير الكلام وبيشرطوا تشريط الا ما رحم ربى -مش عارف انا عمرى ما شفت حد بيشرط على واحد الهديه اللى هيجيبهاله والمصيبه انهم يكتبوا الفاتوره باسمها ويطلبوا انها تكتب فى القايمه -قال ايه اصلها فى بيته -يعنى لو خرجتها بره هيحس بيها ويسألها عليها
وطبعا زى ما حضرتك بتقولى فى ستات زى الفل بتبيع الشبكه علشان تغير حاجات فى بيتها او تساعد جوزها بس طبعا فضل وليس فقه وليس لزاما عليها فعله وليس هو الاصل وانما الاستثناء
وبالنسبه للمشاركه فى الجهاز والمهر المدفوع او المؤخر للاسف 99 % من الناس مش بتتبع الشرع فيه والدنيا بتعجن معاهم عند اول موقف وفى رجاله كتير فى البدايه بتفتح صدرها وتقول اكتبوا اللى انتو عايزينه ويحمل نفسه ما لا يطيق ووقت الجد يقول انا عيل او مكنتش اعرف ويطلع عنيها وعنين اهلها علشان تبريه
محتاجين ندرس فقه النكاح قبل التفكير فى الزواج رجالا ونساء حتى نعرف ما لنا وما علينا قل ام كثر وربنا يهدى المسلمين ويرزق بيوتهم الهناء والسعاده