عجبا من امرهم !!!!!!

**maka** · 19-12-2011 03:05 AM

مرة واحد اسلامى دخل الانتخابات

نجح ، قالوا : بسبب الشعارات الدينية.

سقط ، قالوا : خايب ودخلها ليه أساساً .

قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!

.. دخل بأغلبية ، قالوا : عشان يكوش على المقاعد وتبقى دولة دينية.

دخل بثلث المقاعد ، قالوا : عشان حق الفيتو ويعترضلنا في كل حاجة.

دخل بأقلية ، قالوا : شفتم .. ده حجمهم الحقيقى.

ساب لهم البلد ومشى ,قالوا : سابولنا البلد خربانة وطفشوا.

ساب الأرض وراح المريخ , قالوا : شفتم ... حايعمل غزو عربي وينشر الوهابية .

رجع تاني يزورهم , قالوا : عاوز يبقى زي الخوميني ويمسك الحكم .

رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر

فقد اعصابه وشتمهم قالك شوفت السفاله

سابهم وراح اعتكف قالك شوفت الدروشه

قام راح شغله، قالوا طمعان فى الدنيا

نزل التحرير، قالوا ركب الثورة

سابلهم التحرير، قالوا خان الثورة

ربى دقنه، قالوا متمسك بالمظهر مش الجوهر

حلق دقنه، قالوا منافق

زهق ورمى نفسه ف النيل قالك كافر وانتحر

**M.Mosaad** · 19-12-2011 07:57 AM

ساويرس قعد يقول عاوزين برلمان متوازن ·· الناس سمعت كلامه و بقي 50% اخوان و 50% سلفيين (( دة لو بقي في برلمان ))

**nouranwar** · 19-12-2011 08:26 AM

بالنسبة لنزوله التحرير لو نزل متأخر يبقي فعلا ركب الثورة
و لو منزلش التحرير في الوقت اللي التحرير محتاجه فيه علشان الانتخابات يبقي فعلا خان الثورة علشان الثورة هي اللي دخلته الانتخابات اساسا

**wassim_nasser** · 19-12-2011 08:35 AM

عادي جدا جدا .. الشيخ عماد عفت نزل الميدان استشهد والناس شيعته لمثواه الاخير ومنهم اقباط بينما الاخوان والسلفيين قاعدين ف بيوتهم .. بلاش دي .. في احداث محمد محمود الشباب نزل عشان يموت ومن ضمنهم شباب اخوان و سلفيين استنجدوا بقيادات الاخوان والسلفيين عشان يقوموا بالنزول للميدان او حتي يضغطوا ع الداخلية تخفف الضرب ورغم كده قيادات الاخوان والسلفين طنشت الموضوع كله لحد ما بعض شباب الاخوان تبرئوا من الجماعه وانشقوا عنها واتهموا قيادات الاخوان بالتقاعس عن نزول الميدان .. ركزوا فيما بين السطور و هاتعرفوا مين اللي ركب الموجة واستغل الثورة

**max_ziro** · 19-12-2011 03:05 PM

المشاركة الأصلية كتبت بواسطة wassim_nasser

عادي جدا جدا .. الشيخ عماد عفت نزل الميدان استشهد والناس شيعته لمثواه الاخير ومنهم اقباط بينما الاخوان والسلفيين قاعدين ف بيوتهم .. بلاش دي .. في احداث محمد محمود الشباب نزل عشان يموت ومن ضمنهم شباب اخوان و سلفيين استنجدوا بقيادات الاخوان والسلفيين عشان يقوموا بالنزول للميدان او حتي يضغطوا ع الداخلية تخفف الضرب ورغم كده قيادات الاخوان والسلفين طنشت الموضوع كله لحد ما بعض شباب الاخوان تبرئوا من الجماعه وانشقوا عنها واتهموا قيادات الاخوان بالتقاعس عن نزول الميدان .. ركزوا فيما بين السطور و هاتعرفوا مين اللي ركب الموجة واستغل الثورة

تصدق ردك اشفى غليلى عشان كان ممكن اتوقف و انا برد علية