الموضوع: ايجار سيارة لشركة

المشاركة الأصلية كتبت بواسطة al_manara

طيب عندي استفسار
الشركة الي تدفع كل شهر ايجار زي الي حضرتك ذكرتة .
لية هي ماتشتريش العربيات وتكون بتاعتها وتجيبها بالتقسيط ؟

سؤال وجيه و اليك الرد:
لان زى ماذكرت فى الاول ان العربيات بتتبهدل (انا مرة عملت 30 الف كيلو فى شهر واحد و ساعات المعرض نفسه بيسحب مننا عربيات و يبلها بعربيات زيرو لمجرد توفير الكيلومتر بتاع العربيات القديمة) فبالتالى انت وفرت جميع مصاريف الصيانات و كمان فى حالة الاعطال او الحوادث المكتب بيكون ملزم انه يوفرلك عربية بديلة فى نفس اليوم بالتالى شغلك ما يتعطلش و كمان ريحت نفسك من مشاوير الصيانات و التأمين و المرور و خلافه (الموضوع ده محتاج موظفين مختصين بيه لوحده فانت كده وفرت على نفسك مرتباتهم)

المشاركة الأصلية كتبت بواسطة ashraf_ibrahim

2600 للفيرنا مش قليل شوية؟!
يعني لو 3000 تبقا كويسة!
الصيانات عليكم واللا على مين؟!
والعقد فيه اشتراط او شرط جزائي في حال حدوث خسائر في السيارة؟!
يعني قصدي هل العقد يشترط عند تسليم السيارة ان تكون بحالة فنية معينة من الحالة اللي استلمتوها بيها؟!
وهل يشترط في العربية موديل معين؟!

الاسعار حسب الاتفاق و ممكن تختلف من اتفاق لاخر لكن انا عايز اوضح ان ده السعر اللى انا بدفعه للمعرض بالتالى السعر اللى المعرض بيدفعه للمالك هيكون اقل بعد خصم هامش ربحه.
بالنسبة للصيانات كلها عليه .. احنا علينا بنزين و زيت و مخالفات بس.
بالنسبة للتسليم طبعا لازم يكون فى حالة سليمة للموتور و الصاج اما فى حالة الحوادث لاقدر الله المفروض ان جميع السيارات مؤمن عليها بالتالى هو بيدخلها التأمين يصلحها و احنا بندفع اجرة المدة بتاعة التصليح بحد اقصى شهر (بصراحة مش متأكد من موضوع الشهر ده بس ده على ما أتذكر)
بالنسبة للموديل لازم هايكون جديد لان اى عربية ايجار اخرها سنتين بس مش اكتر من كده لان فى اواخر السنتين دول هاتكون عدت ال 200 الف كيلو