السلام عليكم ورحمة الله وبركاته
انا انضميت الى جروب اللادا ( اشتريت النهاردة للادا 2105 موديل 1994 روسى 1200 سى سى )من المالك الاول للسيارة وهو مهندس ميكانيكا و محافظ عليها تماما و كانت مرفوعة 5 سنين اثناء سفره للخارج ) دفعت 25500 جنيه و بها رخصة حتى شهر 8/2009 و الصنيعية اللى شافوا العربية ( السمكرى قال كلها فابريكة ومنزلتش رفرف - الميكانيكى قال الموتور كويس بس خفيف حاجة بسيطة - العفشجى قال العفشة سليمة بالكامل بس علبة الدريكسيون لازم تتغير ).
ياترى افضل نوع فى علبة الدريكسيون يكون ايه علشان عايز اغيرها فورا بكرة او بعده بالكتير .
عايز اعمل طقم سرفيس كامل للعربية ( تغيير الوبجيهات و ابلاتين والكوندنسر - غسيل داخل الموتور و تغيير الزيت والفلتر - تغيير فلتر البنزين - الكشف على زيت الكروونة و زيت الفتيس و زيت الباكم - غسيل حوض الموتور و الشاسيه ) هل فى حاجة تانية غير كده ياجماعة ممكن تنصحونى بيها علشان اعملها ؟؟؟؟.
و اشكركم على سرعة الردود .