شراء قطع غيار جديدة من الخارج

**ahsouv** · 19-12-2011 09:38 AM

في حد يعرف كيف يمكن شراء قطع غيار من الخارج جديدة
انا شوفت اسعارقطع الغيار الجديدة على النت كانت ارخص مما نتخيل
على سبيل المثال
الايدلر هنا الاصلي 1200 جنية
لقيتة في موقع لشركة في انجلترا 25 يورو يعني حوالي 200 جنية
يعني اصلي بردو

وسؤال كمان
هل لو اشتريت قطع غيار من برة اية وضع الجمارك ولا الضرائب ولا اي حاجة ممكن يخترعوها وانا باستلمها واية المشاكل اللي ممكن تقابل اللي جايبها معاه من برة

لو في حد عندة اي معلومات ياريت يفيدنا

**tatooo2005** · 19-12-2011 10:03 AM

والله انا جات فى بالى نفس الفكره ..... بس مش عارف ايه نعملها ازاى ... متابع

**zakariaa** · 19-12-2011 02:10 PM

المكان اللي انت لاقيت فية قطعت الغيار خد البريد الالكتروني بتاعة و اسالة عن كيفية الشراء ، و غالبا اما حتكون بكارت النت او بتحويل بنكي ، اما عن الجمارك و الضرائب دي ممكن تتصل ب fedex او DHL و تسالهم ، و اذا ما لقيتش عندهم رد حيقولولك تسال فين . و اعتقد ان الجمارك و الضرائب في حاجات الاستخدام الشخصي مش بتبقى كتير ، و اكيد حيكون ارخص من الحرامية المستغليت اللي هنا ، و لو مش ارخص اكيد الجودة اعلي ، بس الفكرة ان ممكن الحاجة تجيلك في اسبوع ، لو الوقت مش مهم يبقى الاستراد احسن.

و الاهم لما تسال توؤلنا على الجديد :). و ارجو انى اكون قلت حاجة تفيدك

**tatooo2005** · 19-12-2011 03:28 PM

يا ريت حد يجرب ,,,, انا نفسى اعمل كده

**aYaBooY** · 20-12-2011 12:12 PM

المشاركة الأصلية كتبت بواسطة tatooo2005

يا ريت حد يجرب ,,,, انا نفسى اعمل كده

بما ان حضرتك شغال ليل نهار على النت يا سيد طارق يا ريت تعمل سيرش على طريقة الشراء
و طريقة التوصيل و طريقة الدفع
و اهم من ده كله ازاي احدد Part number بتاع كل قطعة

**tatooo2005** · 20-12-2011 12:56 PM

والله الراجل ده بيتكلم كلام زى الفل .. انا فعلا جارى البحث وهوفيكو بالأخبار ان شاء الله

**egytamer** · 20-12-2011 11:17 PM

بص يا باشا دا مجالي اصلا بس انا بشتري قطع غيار اوناش ومعدات ثقيلة ومكن ايام مكنت في شركة اسيك يلا زكريات.
اهم حاجة تتاكد من البرت نامبر بتاع القطعة الي انتا هتشتريها علشان متجيش غلط انتا تطلب من البياع انو يوصلك الحاجة بالدي اش او او ارمكس او اي شركة شحن بس انتا طبعا لازم تدفعلو الفلوس مقدما ادفنس بيمنت.
اهم حاجة تكون حجات كتير لان تكلفة الشحن هتبقي كبيرة فلما تتقسم علي حجات كتير مش هتحس بيها اوي.

**samyyousef** · 20-12-2011 11:26 PM

المشكلة الكبيرة حاتكون في الجمارك....لكن يوجد تجار متخصصين في شراء قطع غيار استيراد بتيجي في كونتينرز مش بتكلفهم كتير لكن لازم يكسبوا...و كان فيه موضوع في المنتدى الخاص بفورد فيه اسماء التجار اللي بيستوردوا

**aYaBooY** · 21-12-2011 12:13 PM

اتاكد من البارت نمبر ( Part number )
إزاى
يا ريت حد يفيد

**egytamer** · 21-12-2011 07:41 PM

بص يا عم جو في برنامج كان مع واحد صاحبي بس كان بتاع هيونداي وواحد تاني كان بتاع شيفرولية بيجيبلك العربية وتعلم علي اي جزء فيها يشرحهالك ويجبلك صورها والبرت نمبر بتاعها لان الشركات المحترمة بتعمل كل مسمار في العربية برقم علشان تسهل علي الي بيشتري.
كان في الاوناش اللبهير مثلا من غير مكتب اسم قطعة الغيار بموديل وسريل الونش والبارت نمبر لقطعة الغيار اجيب الحاجة وانا مطمن جدا وفضلت كدا 5 سنين بفضل الله من غير غلطة مع اني جبت حجات بملين بفضل النظام المحترم بتاع الشركات برا.