امال انا اعمل ايه في السبعتاشر حمامه اللي لازم كل يوم يصبحو على قفا العربية
عرض للطباعة
امال انا اعمل ايه في السبعتاشر حمامه اللي لازم كل يوم يصبحو على قفا العربية
انا حتي في البنزينه مبخليش حد ينضف لا الازاز ولا العربيه ...الازاز ليه مساحات و الفوانيس الحمد لله ليها رشاشات ...انا في واحد صاحبي عنده مغسله عربيات بيحلفني يغسلها ببلاش مبرضاش ..و البواب عندنا بينضف عربيه والدي ..و انا قايله عربيتي انا لا !!
تقف في حتة مكنونة .. متكنش معرضة للهوا بشكل مباشر
وتتمسح قبل ماتبات .. وتتغطى بغطا قماش عادي
والصبح تشيلي الغطا .. وتمسحيها بفوطة زفرة
أنا أكتر واحد بيعاني من المشكلة دي
العربية طول الليل واقفة قدام الصيدلية .. الرطوبة والتراب بتاع العربيات المعدية
على الصبح بتبقا بوظة
فبقيت بمسحها المغرب وأغطيها .. والصبح بشيل الغطا وأمسحها بفوطة زفرة
انا حاسس ان فى مسابقه فى اكتر عضو مابينظفش عربيته من بره
انا لو ماشى بيها مش نظيفه باتجنن ومن كتر ما بوديها المغسله العيال هناك باقوا صحابى وبيظبطوا العربيه ع الاخر من غير ما وضى عليها
يا جماعة الحل انك تجيب فوطة ناعمة جدا من كارفور حتلاقيها ب 6 جنيه
و حتشيلك كل حاجة و تخلي العربية بتلمع و بلاش الحاجات اللى فيها زفارة ديه بتبوظ دهان العربية و تخربشها خرابيش كتيرة
بس عيب الفوطة ديه انها لما تتملي تراب قوي كل كام ثلاث اربع مرات تنظيف يبقى لازم تغسل الفوطة
السلام عليكم
هو جو مدينة الشروق كدة , الندى الصبح بيكون مغرق العربية كأنها مطرة , الحل بقى أما غطا وتربروف و من جوة قطن , أو تخلى السايس يمسح العربية كل يوم الصبح قبل معاد نزولك , انما حوار ان الواحد بفضل يمسح بفوطة أو مساحة على الصبح و هو نازل مش جايب همه
لو الندى كتير فى ممسحه بتتباع عند كارفور من ناحية كوتش ومن ناحيه سفنج تلمى بيها المايه من على السقف والجوانب كانها سيراميك وبعد كده فوطة قطن ناعمة هتلاقى الموضوع سهل وبعد متخلصى كيس الويبس ونضفى ايدك ومن غير اى مجهود
أنا كان عندي نفس المشكله دي. بنزل الساعه 8 وبلاقي ندى مغرق العربيه !
المهم جبت حاجه زي المساحه كده من Sonax بلم بيها المايه وبعد كده بمسح العربيه تبقى بربرق :grin54:
بالشكل ده ..
http://img694.imageshack.us/img694/4...ll16379298.jpg