رحت أعرف سعر صيانة الستين للوجان فى مركز الخدمة لقيت التكلفة 1500 جنيه والمصنعية 350 جنيه يعنى 1850 جنيه شاملة طرنبة المياه
أشتريت نفس قطع الغيار من محل للرينو بـ 500 جنيه شاملة طرنبة المياه ولسا هأركبها
عرض للطباعة
رحت أعرف سعر صيانة الستين للوجان فى مركز الخدمة لقيت التكلفة 1500 جنيه والمصنعية 350 جنيه يعنى 1850 جنيه شاملة طرنبة المياه
أشتريت نفس قطع الغيار من محل للرينو بـ 500 جنيه شاملة طرنبة المياه ولسا هأركبها
ممكن حضرتك تقول ايه الحاجات اللي بتتغير في صيانة الـ60000 عشان انا ناوي اعملها بره التوكيل بردو
انا كمان
يا جماعة ده في ناس مبتعملش اي صيانة جوة التوكيل و الصيانة اللي فيها تغيير سيور (ال60000 في حالتنا) بيعملوها جوة التوكيل علشان لو لاقدر الله حاجة حصلت بفواتيرك هما اللي مسئولين عنها
لا يا باشا بس اللي بقوله ان في ناس ممكن متحبش تكمل مع التوكيل و تقلك فاكس ضمان و بتاع و يجي عند صيانة ال60000 يروح يعملها هناك لأنها لو اتعملت غلط ممكن لا قدر الله تخلي الموتور يحتاج نص عمرة و يبقى الفلوس اللي وفرتها في الصيانة دفعت اكثر منها لو ده حصل
بس صيانات العربية لازم في التوكيل لو عاوز الضمان
أشتريت
1- فلتر هواء 40 جنيه تركى
2- بوجيهات 70 جنيه ngk
3- سير كاتينة 85 جنيه تركى
4- بلية كاتينة 85 جنيه تركى
5- فلتر زيت 15 جنيه
6- طلمبة مياة ( قالى ممكن تتغير وممكن لأ ) 150 جنيه تركى
وسير التكييف مع الدينمو لسا هأشتريه علشان مالقتوش عنده
وعلى فكرة علشان تعمل الصيانة فى مركز الخدمة وتاخد ضمان عليها لازم تكون شارى قطع الغيار منهم الى هى بـ 1500 + 350 مصنعية تركيب وأنا هأعمل الصيانة عند ميكانيكى رينو حديث مجربة قبل كده
ماشي يا باشا مالناس بتشتري على القل السيور الاصلية
نصيحة من اخ اسيور دي تتغير على 40000 بالكثير علشان تبقى في الامان لأن مش مضمون جودتها و انها تستحمل ال60000 كيلو ولا لأ
و مستنيينك تعملنا تقرير على تجربتك و ياريت لو تقلنا الميكانيكي ده فين بالظبط و اسمو
أن شاء الله أعمل الصيانة يوم الجمعة وأقولكوا على التفاصيل كلها
انا برده بأفكر في نفس الفكرة
بس انا سألت على السيور الأصلي قالي 300 جنية اللي انت قلت عليهم ماجابوش ال 200
مش عارف ما تجيب الحاجة من بره بس الأصلي ورخليهم يركبوهالك في التوكيل
طالما الأصلي متهيألي مالوش يعترض
انا لسه كنت حسأل على الموضوع ده
يا ريت لو حد جرب الفكرة دي أو سأل عنها في التوكيل يقول
بس الفكرة انت لسه عندك 40% من الضمان تخسرهم ليه!!!!!!!!!!
علشان توفر 1000 جنيه مثلا
انا لسه مغيرين لي (في الضمان) دراع النور علشان الكلاكس باظ وكان ب 1200 جنيه
ومدفعتش ولا مليم
أحسبها كده واسف على الأطاله
منتظرينك يا باشا و يا ريت تقولنا ع الميكانيكي اللي هتعمل عنده الصيانة
و أخبار العربية معاك أيه بما إنك وصلت لـ 60 ألف هل في تغير في أي حاجه للأسوأ أو للأفضل؟
و ده دليل تانى على قلة تكلفة الصيانه انتو عارفيين طقم السيور و م الكاتينه و طرمبة المياه لصيانه ال 40000 فى اللانوس و الفيرنا بكام بره التوكيل
أكتر من ال 500 جنيه دول و اسمها صيانه ال 40000
مش ال 60000
اللى بيقول قطع غيار الرينو غاليه يا ريت يقرى التقرير ده
و انا بقترح اننا نعمل جدول أسعار عن كل قطع غيار العربيه دى و نرفعه فى المنتدى علشان الجميع يسستفيد
والله فكرة حلوة بدل الفلوس اللي بتدفع على الفاضي طالما زيت فلاتر بوجيهات يبقى بره عادي لاكن سيور وكاتينة يبقى في التوكيل
معلش ياباشا
ردا علي حاجه
طرمبه الميه بتتغير في اللانوس علي ال80000
ثانيا السيور بتتغير علي 40000
ثالثا المفروض بليه الكاتينه تتغير علي ال80000 بس تقصيرا لوجع الدماغ لو فرطت بنغيرها علي 40000
اسعار قطع غيارها
بليه الكاتينه كوري ب60 جنيه كندي ب150
طقم السيور جيتس انجليزي ب105 (3 سيور) وصيني ب70 تقريبا
طرمبه الميه كوري ب85 ايطالي 110 اسباني 160
ودي صيانه ال80
كنت مغير فيها اجراءات وقائيه وكله اصلي (طقم دبرياج كامل+طرمبه ميه+بليه كاتينه+سيور+3فلاتر+بوجيهات+ لوك بوجيهات) وكان ب850 جنيه
تقبلو مروري
يا باشا تنور و تشرف دنتا من ريحة الحبايب و فكرتنا بقسم الدايو اللى أساسا إستفدت منه و إتعلمت منه كتير
بس لو تلاحظ تقارب الأسعار من بعضها جدا يعنى مثلا
لو حبيت تعمل صيانة اللوجان 60000 فى التوكيل هتكلفك حوالى 1800 جنيه بطرمبة المياه و لو حبيت تعمل صيانة اللانوس 40000فى التوكيل عند عمو منصور هتكلفك 1500 جنيه بدون طرمبة المياه
طيب نيجى لبره التوكيل
هتلاقى الأسعار برضه قريبه جدا من بعض سعر البوجيهات واحد سعر السيور اللوجان أكتر ب 30 جنيه فلتر الزيت اللوجان أرخص ب 15 جنيه الزيت برضه واحد فلتر الهواء تقؤيبا زى بعض طرمبة الميه ممكن أغيرها أو لأ و صيانة اللوجان على 60000 فى الحاجات دى و اللانوس 40000 و الفرق اذا كان أعلى ب 100 حتى أو 200 جنيه و ده مش صح بس هتقعد 20000 زيلده عن صيانة ال 40000 بتاعة اللانوس
المقصود بالكلام ده هو إن قطع غيار اللوجان فى النازل و ده دليل كويس يخليها منافسه
صح و لا إيه
:verygood: و فى الأخر تشرف و تنور أخينا العزيز
أخوك أحمد صبرى
أصلى كنت لانوساوى من 4 شهور و لوجاناوى حديث
اهلا يا باشا
انا بوضح بس نقطه ان الكلام اللي بيتعمل في ال60 بيتعمل في اللانوس علي ال80
والاسعار اللي قولتها دي من موزع معتمد
لو من بره يبقي النص تقريبا
انا اساسا كنت في توكيل رينو من اسبوع مع صاحبي بنعمل صيانه ال10000 للوجان
استغليت قوي المصنعيه
فلتر زيت 45 جنيه بجيبه في اللانوس ب20 الاصلي من الموزع
زيت 270 جنيه مش مشكله
ورده طبه كرتيره ب3 جنيه مش عارف ليه
المصنعيه 130 جنيه
وما اتعملش اي حاجه تاني
ده الي مستغربله
وبعدين انا والله مش بكره اللوجان بس في ناس يحسسوك انها من الsuper cars
بس لما مشيت بيها علي الدائري حسيت انه في مبالغه قوي
يعني مش الثبات العالي زي اللي بيتقال
واللي يقول بتفرش علي الطريق
ده وجه نظري الشخصيه
وانا والله مش بعيب في العربيه
وتقبل تحياتي
ولو عوزت حاجه اندهلي انا واقف عند دايو
انا - ان ادانا ربنا عمر - صيانة الستين هتبقى بره الضمان علشان هيكون عدى أكتر من 3 سنين.
أتمنى انى اوفق فى مكان نضيف أقدر أعملها فيه بعيد عن التوكيل.
يا حميل أعوزك فى الخير إن شاء الله
بس هلفت نظرك لحاجه
إن حقيقه إن ثبات اللوجان أعلى بكتير من اللانوس انا كانت معايا اللانوس و جبت بيها 160 حسيت إن الأرع عجلات عليو عن الأرض و بالذات فى منزل وادى الريان كنت فى فسحه هناك
اللوجان لحد 180 اللى جبتهم و الدواسه على الأرض كانت ثابته و مش حاسس بالطريق
عزل صوت اللوجان أعلى بكتيييييير و مافيش وجه مقارنه
إحساسك بالموتور فى السلانسيه اللوجان تكسب
معاك إن مصنعيه التوكيل غاليه بس على الأقل هما بيشتغلوا بيهما فعلا تعالى بقى شوف منصور و مش عاوز أحلف العربيه بتدخل زى ما بتخرج و فى مركز من مراكز منصور اللى هيا المفروض محترمه اتسرقت هناك لدرجة إن دبلة الجواز كنت معلقها فى الميداله و إتسرقت و كمان المثلث العاكس و مفك ألمانى محترم و كمان بتدفع فلوس و مافيش فرق
اللى عاوز أقوله شوف سعر قطع غيار الرينو لما نزلت كانت بكام و دلوقتى بكام
هتلاقى فرق كبير
شوف انتشارها دلوقتى و زمان
هتلاقى العربيه دى ان شاء الله بعد 10 سنين انتشرت زى اللانوس و الفيرنا
و بعدين هيا مش من السوبر كار بس على الأقل لو جبت الكامله منها بره مصر هتلاقبها من 60000 جنيه ل 61000 جنيه
تعالى بقى نشوف الانوس أو الفيرنا من غير الجمارك فى حدود ال35000
طيب يبقى تمنها فيها ولا لأ علشان من غير جمارك
و فى الأخر انا كنت مبسوط جدا من عربيتى اللانوس جدا مع انها شيفورليه بس لما ركبت اللوجان بعتها طوالى و جبت اللوجان والله أعلم ايه اللى هركبه تانى و يخلينى أبيعها لأن البنى ادم دايما طمعان فى كرم الله
ربنا يرزقنا و يرزقك الصالح
و نورتنا يا جميل و سلمنا على محمد ممدوح معلم القسم و الشامىكمان
و عاوز اقولك برضه نصيحه قطع الغيار عند ابو الحسن مبالغ فيها حبتيين المنير سعات أصللى و ساعات يعنى بس أبو الحسن مضمون ميه ميه
و حاجه أخيره افتكرتها ان صيانه ال60000 فى اللوجان هيا صيانه ال40000 مش ال 80000
بتاعة اللانوس لانى مش بغير فيها الا سيور و فلاتر بس مش بليه او شدادات لأن البلى و الشدادات مش بغيرهم فى ال 60000
ربنا يوفقك ويكتبلك الخير
وفعلا يا ريت بيانات الميكانيكي ورقمه وادّينى انت بقى التقييم
يا جماعه أنا من الإسماعيلية .. معايا لوجان 2010 و دلوقتي عاوز أعمل صيانة الـ 60 بس بصراحة التوكيل حراق أوي .. الموضوع وصل دلوقتي لـ 1850 جنيه تقريبا من غير طلمبة مياه .. وكمان بيقولوا مافيش حاجة إسمها فلتر بنزين بيتغير لأنه داخلي .. عاوز رجالة القاهرة يدلوني على مركز أو ميكانيكي ياخد الموضوع من بابه .. يعني أوديله العربية و أستناها لحد ماتخلص يعني هو اللي يشتري الحاجة و يركبها و طبعا مصنعيته ممتعداش مصنعية التوكيل اللي هيا حوالي 550 جنيه !!! أرجوكم أفيدوني بسرعة .. أنا إن شاء الله ناوي أنزل الأسبوع الجاي على يوم الحد أو ألأتنين بالكتير ..
لو مافيش ميكانيكي أو مركز يعمل الموضوع ده قولولي أنزل على فين بالظبط أشتري كل المطلوب في صيانة الـ 60 وأروح على مين مؤتمن يركبهم .
أرجوكم يا جماعه ساعدوني
يعنى كل الناس اجمعوا انهم يهربوا من التوكيل
انا معاكم ان التوكيل غالى قوى بس على الاقل حاجاته اصليه وعليها ضمان
والله ده من راى الشخصى
بس الله اعلم لما اوصل صيانه 60 ممكن افكر زيكم
الله المستعان
ما اجمل ان تحلم بالسعادة وان تعيش لحظاتها لتدرك جمال الطبيعة والحياة لتحاكي البحر والسماء
نصيحة يا جماعة لوجة الله صيانة ال 60000 لازم تتعمل في التوكيل انت بتشتري ماتور عربيتك من جديد بال 2000ج اللي بتدفعهم دول وكونك تعمل الصيانة دي برة التوكيل يبقي كانك بتشتري بطيخة الله اعلم بيها
امبارح انا اشتريت طقم سير كاتينة بالبلية من محل حاتم في العشرين الأصلي بتاع التوكيل ب400 جنيه وقالي انه ف التوكيل ب 470 جنيه ونصحني بيه وقالي ان التركي أبو 85ج والبلية ب 85 جنيه بلاش تجيبة لأنه ممكن مايكملش معاك 20000 كم
بس ما لقيتش عنده سير المجموعة (6 مجرة) فالميكانيكي ركبلي القديم وقالي انه كويس وشغال لحد ما تجيب جديد مفيش منه قلق لأنه ضرره بس انه ممكن يعطلك بس مفيش خوف ع الموتور
والميكانيكي علشان يركب الحاجات دي خد 225 جنيه بتنظيف فلتر الهواء و تربيط العفشة و البوجيهات بردو نضفهم
على فكرة الفانوس الامامي عنده ب 220 جنيه ونسيت أقول اني جبت منه تيل فرامل أمامي تركي ب 65 جنيه...طبعا لسه العفشة محتاجة شوية حاجات عندي لأني هلكت العربية الصراحة فممكن أحتاج مساعدين والجوز عنده ب550 جنيه وكمان جوز المقصات ب 350 جنيه..العربية دلوقتي على 65000 كم تقريبا
لو محتاج أي مساعدة حضرتك ممكن تكلمني وممكن أوديك لنفس الميكانيكي اللي عملي الصيانة..مصنعيته كلها متكملش 300 جنيه..وانا لسه كاتب اسعار الحاجات اللي انا جبتها
عموما العنوان هو شارع العشرين - عين شمس
وده رقمي لو حابب تكلمني وممكن أروح معاك...وبالمناسبة أنا رايحله النهاردة علشان يكمل باقي الشغل
01065534541
جمال سليمان
لو حضرتك محتاج أي مساعدة في الصيانة دي أنا تحت أمرك..الناس اللي بتعامل معاهم بجد يعرفوا ربنا ومحترمين و أسعارهم ممتازة ..وأنا لسه كاتب رقمي فوق في أي وقت حضرتك محتاج أي حاجة كلمني..الميكانيكي ومحل قطع الغيار جنب البيت عندي في عين شمس - أحمد عصمت -شارع العشرين
وايدينا في ايدين بعض نقضى على جشع التوكيل
والله المستعان
بص أنا إتصلت بـ (رينو هوم - ميشيل حليم) لقيت الأسعار الآتيه لقطع الغيار التي سيتم إستبدالها في صيانة الـ 60 ألف و كلها قطع غيار أصلية (فرنسية) حسبما قال :
فلتر هواء - 115 ج
بوجيهات - 45 ج
طقم كاتينه - 350 ج
فلتر زيت - 45 ج
طلمبة مياه - 350 ج
سير دينامو و تكييف - 195ج
زيت فرامل - 24 ج
-------------------------------
المجموع تقريبا 1100
من غير الزيت - تقريبا 290 ج
و المصنعية - تقريبا 300 ج
يعني الإجمالي تقريبا 1700 جنيه + خسران الضمان + جودة و إعتمادية التوكيل
يعني الموضوع خسران ..
دخلت على جروب "مركز خالد عمارة"
https://www.facebook.com/khaledemara...53284594738391
لقيتهم عاملين تخفيض تقريبا صيانة الـ 60 بـ 1350 جنيه
بس خالي بالك برضه من غير طلمبة المياه اللي هي بـ 350 جنيه
يعني الإجمالي برضه 1700
يعني هي هي ...
بص يا باشا ..أولا بالنسبة لطقم الكاتينة اللي موجود في عربيتي وهي بردو مو 2010 انجليزي مش فرنساوي..وأنا ركبت زيه بالظبط والطقم ب 400 جنيه
بالنسبة لفلتر الهواء هو في حدود 65 جنيه تركي أو 45 جنيه صيني ومش لازم يكون أصلي
بالنسبة لطلمبة الميه انت مش لازم تغيرها خالص دلوقتي
سير المجموعة 6 مجرة اللي هو سير الحاجات كلها دينامو وباور وتكييف..على يوم الجمعة يكون موجود وهيكون من 100 جنيه وانت نازل
فلتر الزيت ب20 جنيه و بغير زيت مصر للبترول اسمه فينيكس ب 195 جنيه ودي تالت مرة أغيره أهو على 10500 أو 11 الف وممكن تمشي بيه لحد15 الف لكن المشكلة ف الفلتر لأنه أخره 12 الف كم
و الحمد لله كله تمام
اهم حاجة ان عربيتك العفشة تكون تمام و مفيش أي مشكلة
و متنساش انك كده داخل على تغيير كاوتش ف حدود 1600 عدد 4 فرد كومهو
أنا شايف إن إحنا برضه موافرناش كتير .. يعني 200 جنيه تقريبا ده لو غيرنا الزيت ..
بس أنا كنت عاوز أحط زيت "ليكوي مولي " أنا لاقيت الكل بيشكر فيه جدا ..
عاوز أعرف فرق السعر بينه و بين الـ Total اللي بيحطوه في التوكيل أد إيه ؟
و هل ممكن أجيب زيت من بره و التوكيل يغيره ؟
وبعدين لو الموضوع في الآخر هاوفر فيه 200-300 جنيه يبقى الموضوع مش مستاهل لف وقلق بره التوكيل
ولا إيه رأيكم ؟
أنا روحت كملت باقي الصيانة لأن العفشة بتاعتي كانت بايظة بجد وقالي دي تاخدلها يوم لوحدها
الميكانيكي خد مني 400 جنيه منها لحام كهربا وزوايا و غسيل أجزاء بالزيت وحشو البارات وحشو علبة الدريكسيون (دي لوحدها لو برة عند اي حد تاني 250 جنيه).
بس مخلانيش أشتري حاجة مع انه كان قايلي اني هحتاج بارات داخلي وخارجي ..قالي لقيتهم ممكن يتعملهم حشو وفعلا حشاهم ورد المساعدين اللي كانت متنية وظبطها ع الأخر والحمد لله زي ما قاللي هترجع زي الزيرو وفعلا انا حاسس نا العربية رجعت زيرو ف نعومتها
بالمناسبة البارات داخلى وحارجي ب 150 جنيه طبعا برة التوكيل
وهي كده تبقى قفلت الألف جنيه تكاليف ف الصيانة دي من غير الزيت
معلش حضرتك ممكن نمرة الميكانيكي اللي معاك و رقم تليفون و عنوانه لله.
صيانة ال 60 جوه التوكيل 1900 جنيه بدون طلمبة المياه و التي يتم الكشف عليها و لو محتاجة تتغير زود كمان 600 جنيه .
تشمل صيانة ال 60
1- تغيير زيت 10 الاف و فلتر زيت
2- تغيير فلتر هواء
3- تغيير فلتر بنزين
4- تغيير طقم بوجيهات
5- تغيير سير كاتينة
6- تغيير سير دينامو
7- تغيير زيت فتيس
8- تغيير زيت باور
9- تغيير زيت باكم
10- تنظيف دورة المياه و تغيير مياه الريداتير بالكامل
11- تغيير قلتر pollem
12- تربيط عفشة
13 - الكشف علي طرومبة المياه و تغييرها عند اللزوم
ايه الـ pollem ده؟
ياريت الميكانيكى مكانه فين واسمه ايه
معلوماتى انه مفيش فلتر بنزين فى اللوجان ....هل تقصد بتغير فلتر البنزين اللى موجوده فى طلمبه البنزين ؟