غيرت ماستر فرامل مرتين ولسه الفرامل ضعيفه

السلام عليكم

ياجماعة مازلت اعاني من مشكلة الفرامل في الافيو .... كل يوم بشكل مره كويسه ومره زفت
الفرامل مش بتمسك كويس الدواسة بتنزل والعربية بتزحف يعني مش بتكلبش ع العجل
المهم غيرت مرتين ماستر فرامل اصلي وطلعت هواء وظبت وبقت كويس وبعد اسبوع رجعت ريما لعادتها القديمة ضعيفة
بقالي علي الحال داه اكتر من 6 شهور
المهم وديتها وكالة فى السعودية طبعا وكشفو ومعرفوش فين المشكلة دول شوية بهااااايم
نضفت البوابة وشيكت علي الخرطوم اللي رايح للسيرفو وطلع بيشفقط هواء تماااام
طيب كشفت علي الفحمات لسه بحالة كويسة والطنابير معقوله
طيب مش عارف فين المشكلة بالظبط ............:U_thin1[1]:

بدام عملت كل الكلام دة يبقى مفيش أن الفرامل لسة فيها هوا أو لو كنت غيرت زيت الفرامل قريب تكون حطيت زيت مش مظبوت مثلا يكوت dot2 بدل dot3

انا حاطط زيت امريكي اصلي لونه شفاف ابيض
مش عارف هل مساتر العجل بتسرب هواء فى الدائرة ؟ طيب هو شكلهم ايه ؟؟؟؟

هل التيل أصلي ؟؟؟
عشان التيل لو مش أصلي ، ونتيجة لإستخدام المتكرر .. التيل بيبلط وتلاقيه بقى بيلمع أوي.
فتقل قدرته عالإحتكاك وتقل قوة الفرامل ككل

والدواسة تحت رجلك عاملة ازاي: محجرة ولا إسفنجية؟
ولما بتدوس فرامل :هل بتحس ان العربية بتحدف؟ولو قليلا؟

لا اسفنجية مش محجرة ومش بتحدف يمين ولا شمال
انا اكتشفت شيء انه لما ارفع صوت الموتور شويه وبعد كده اضغط فرامل القاها بقت عالية شويه عن الاول بس لما اتحرك بالعربية الفرامل بتضعف كل يوم بشكل مره كويسه ومره مفيش

اقتباس:

---

المشاركة الأصلية كتبت بواسطة wesamsoftware

انا حاطط زيت امريكي اصلي لونه شفاف ابيض
مش عارف هل مساتر العجل بتسرب هواء فى الدائرة ؟ طيب هو شكلهم ايه ؟؟؟؟

---

أنا أعرف أن الهوا يخش الفرامل لما تفكها بس لكن وهى متركبة هل ممكن تسرب هوا مش متأكد
والزيت مش باللون ما فى زيوت أمريكية أصلية dot2 dot3 dot5 dot 5.1 المهم أنة يتناسب مع عربيتك أعتقد الأفيو بتاخد زيت dot3

طالما الدواسة إسفنجية أو خفيفة:
1- ياريت تشيك على مستوى سائل الفرامل في الإربة .. لو قل كتير : يبقى هناك تسريب.
شوف التسريب منين( تحت الإربة - الماستر العمومي - الدشمتين أودام - الماسترين اللي ورا - خرطوم الفرامل اللي في فجاوي العجل - أو مواسير الفرامل ) بالترتيب.
2- أو في هوا في دايرة الفرامل : يبقى لازم تعمل drain وتروح لميكانيكي وتكاركلها وتنزف الهوا.(والكلام ده له أسلوب معين).
3- أو التيل خلص أو التيل اللي ورا (لو قباقيب) عايز يتظبط أو يترجلش شوية.
أحيانا : بيكون التيل اللي ورا بيكون الميكانيزم بتاعه معلق .. اللي هو ترس صغير وسوستة ودراع صغير كده حوار إسمه self adjusting mechanism .. المهم هو وظيفته انه كلما حدث تاكل في التيل الخلفي فهو اوتوماتيكيا بيقرب التيل من طبلة الفرامل وبيحافظ على خلوص معين بينهم. لو الميكانيزم ده بايظ الخلوص بيكبر فتقل قدرة الفرملة وتتأخر إستجابتها.

4- لو دواسة الفرامل مش محجرة ولا اسفنجية ولافي تسريب : شوف التييييل !! لان لو التيل "بلط" زي ما قولتلك أصبح سطحه لامع - فده معناه انه فقد القدرة عالفرملة (زي ماتكون حطيت زيت بين التيل والطنبورة .. مثلا في أسوأ حالاته)
5- حضرتك روح قسم شيفروليه (في المنتدى هنا): واطرح مشكلتك - وهتلاقي مساعدات وأراء محترمة
خصوصا لو دي مشكلة مشهورة في الأفيو .. وعدت على ناس كتير .. فأكيد حلها هيكون معروف.

والله أعلم.

اقتباس:

---

المشاركة الأصلية كتبت بواسطة makarhn

أنا أعرف أن الهوا يخش الفرامل لما تفكها بس لكن وهى متركبة هل ممكن تسرب هوا مش متأكد
والزيت مش باللون ما فى زيوت أمريكية أصلية dot2 dot3 dot5 dot 5.1 المهم أنة يتناسب مع عربيتك أعتقد الأفيو بتاخد زيت dot3

---

-أحيانا بيدخل هوا .. لو في خرم أو قطع صغير .
لما تيجي تدوس : هيتسرب شوية زيت
ولما تيجي ترفع رجلك من على الدواسة: هيكون في negative pressure أو vacuuming
فأنهي أسهل ياخد زيت من الإربة المقفولة بإحكام ، ولا ياخد هوا من مكان الخرم أو القطع.
حالة تانية : لو الزيت في الإربة كان قليل ، وانت مش متابعه ، والتيل بعد فترة طبيعيا بيتاكل
فاللي هيعوض الخلوص ده (بتاع تاكل التيل وتحركه لبره أكتر ناحية الطنابير) هو الزيت (الي كان already قليل) فيبدأ يدخل هوا في الدايرة.

-بصراحة أن مش عارف : هل مازال في DOT 2 ، ولا لأ؟
-لكن اللي أعرفه إن زيوت DOT5 مش مناسبة للفرامل عندنا عشان تكوينها الكيميائي مختلف.
- أما موضوع الألوان أعتقدان الغالبية شفاف يميل إالى الأصفر ،، ماعدا ال DOT5 لونه بيكون بنفسجي.
وللمزيد لو حابب تشوف معلومات أكتر ، ففي موضوع جبار عامله "د/المناهري" فقسم BYD

سائل الفرامل وحقائق هامة جدا

صباح الفل عليكم

بالنسبة للزيت فهو بتاع فورد الاصلي ولونه شفاف
بالنسبة للفحمات حشوف كده واغيرها
امبارح عملت نضافة للبوابة وحصل تحسن في الاداء عن الاول وطلع هباب اسود :)
الحمد لله وتأكد من الخرطوم اللي رايح للسرفو فطلع بيشفط هواء 100 100:S_thum1[1]: