الموضوع: عاوزة اخــد رأيكوو فى حاجة محيرانى اوى .... !!

المشاركة الأصلية كتبت بواسطة OlaOsman

و اهي تبقى بجميلة يا أوختشي خليكي ناصحة

يختي بلا وكسة :arghh:

هو يتبسط و انا اتعك فى الجناان الرسمي بتاعى دة

المشاركة الأصلية كتبت بواسطة Chicco

الماتيريا البيضاء ديه كل ما اشفها (اسمها Scion xb في كندا) أحس انها ناقصها هلال أحمر كبير و سارينة و تبقى عربية إسعاف رسمي
:)

هههههههههههههههههههههه

حررام عليييييك يا شيكوو دة انا لسة شايفاها امبارح واحد عندنا فى المعادي جايبها و دة كانت اول ماتيريا بيضا اشوفها بجد كان نفسي اقوله ما تجيب لفة

المشاركة الأصلية كتبت بواسطة mbluethunder7000

عين العقل يا حسام باشا

أنا مش فاهم ليه الناس مش بصه على المشكله الأصليه وسيباها بتاتا وماسكه في الفرعيه

يانهى الموضوع ده بجد بجد بجد خطير جدا جدا جدا مش علشان العربيه ولا اللون ... لألألألألألأ ... ده علشان حضرتك

ده حاله مستعصيه جدا جدا ولازم ولابد وحتماااا .. إنك تتحدي نفسك علشان تتخلصي منها بأي طريقه

وصدقيني لو الموضوع ده شايفاه شئ طبيعي ومستهونه بييه .. فأحب أنبه حضرتك إن موضوع زي ده ممكن يهد كيان بني آدم بين يوم وليله وممكن تحصل مشاكل ياما إنتي في غنى عنها

فمعليشي خلي إرادتك قويه وحاربي بكل الطرق الهوس المرضي ده يا نهى .... حرام عليكي اولا وحرام على خطيبك ثانيا ... وحرام على ولادك بعد كده

ومعليشي .. أنا مش فاهم .. فين الماكن اللي موجود في مصر ومابيجلهوش تراب ... مستحييييييييييييييل بكل المقاييس إنك تلاقي مكان مافهوش تراب وفي مصر

حلك الوحيد إنك تروحي أي بلد فيها ثلج .... عمرك ما هتشوفي تراب في حياتك .. بس هنا في مصر ... والله ممكن يجيلك جنان رسمي وتحجزي عنبر في السرايا المتربه :)

أنا طبعا أول مره أشوف الموضوع دلوقتي كالعاده ... هو مفتوح من أربع أيام .,, وما شاء الله تحسي الناس كانت مستنيه اللحظه ديه :) وهب الموضوع فتح على البحري ... وليه علشان التراب والعربيه بتترب ..... أنهي عربيه في مصر مش متربه ...

ده لو واحد جاب أي عربيه ( أي عربيه ) وجاب جنبها محطة غسيل أتوماتيكي .. هايدخلها من المدخل ... تخرج من المحطه .. يروح مدخلها تاني علشان بس التراب مايلحقشي يجي ناحيتها

الحل الوحيد زي ما قلت وزي ما حسام قال .. هو فيكيييييييييييييييييييييي ييييييييييييي

إرحمي نفسك شويه ... إرحميهااااااا ......

معليشي يا نهى .. بس انا شايف مشكله أكبر بكتير من مشكلة تراب وعربيه سودا

وزي ماقال أستاذ إبراهيم ... اخوكي يجيب عربيه سودا ,,,, علشان تستريحي ... وبلاش حوارات التبديل ده ... خالي كل واحد في حاجته ,,, وزي ما قلتي .. إنت مش ضامنه مراته بعد كده :)

ههههههههههههههههههه


ضحكتنى موووووووووووووووت بجد :embarrassed2:

والله عندك حق بجد انا لازم اشوف حل نفسي ..عارف احلى عرض بحبه فى مترو ماركت ايه. عرض الديتول انك تاخد 3 و يديك ال 4 مجانا ماما بتقولى انا عاوزة افهم انتى بتشربيييه

المشاركة الأصلية كتبت بواسطة mohamed ibiza

تصدقي يا اونا انا كرهت السيراتو السودا مع ان العربية شكلها حلو ههههه:) يا اونا العربية دي البوية بتاعتها هتقع من النضافة ارحمي العربية شوية حرام لازم العربية يحصلها مناعة من التراب عشان تتعود عليه عارفة الابيزا نظرا لان المرسيدس لسه مجتش و الابيزا مدخلتش تحت سيطرتي رسمي العربية متشوفيهاش من التراب خدت مناعة منه بصي هاتلها غطا ووتر بروف و زي ما قالولك كده بالريشة و خلي البواب المسكين يغسلها 3 مرات يوميا و بالميه و الصابون كمان و هتلاقي العربية علي طول بتبرق يشيل الغطا و يغسلها و يغطيها تاني و ربنا يعين البواب و السيراتو البوية بتاعتها تصمد:):)

هههههههههههههه

البواب حرق دمىىىىىىىىىىى النهاردة بجد

بقوله يا عم ابراهيم سيب الزاز انا هعمله بالجلانس و اعمل العربية بس عشان الفوطة الزفرة دى بتبوظ لمعة الازاز يقووووم برضه يلمعلى الازاز بالفوطة :arghh: بجد حرق دمىىىىىىى و بعدين بعد ما خلص مشي قمت نزلت ابص على العربية لقيت برضه فى ترااااااااااب سايبهولى قمت ندهاه تانى و اديته كلمتين عشان مش بيمسح كويس

بعدين افتكرت انى مجنونة ولازم اتعالج ة اعتذرتلوو

المشاركة الأصلية كتبت بواسطة rawdat

يا ستي أنا مذبذبة زيك بس لسة مشترتشي باءة !!!
يعني مطلعة عين العيلة كلها دنا كمان بفكر أغير النظام خالص
و على فكرة فعلاً الشمع حلو زي مثلاً كدة يا نهى الخشب لم نديلو pledge كويس ميمسكشي فيه التراب و متنسيش بعد كدة الريشة :) يعني ولا غسيل ولا يحزنون بس إنت شوية بس والحالة هتروح

ادعيلي يا روضة الحالة تروح احسن ايدي قشفت من كتر التنضيف

المشاركة الأصلية كتبت بواسطة Hossam_Hassan

الصبر جميل، احنا فى موسم التراب، كلها شهر و التراب يقل شوية، ده بالنسبة للأحوال الجوية

اما بالنسبة للأحوال الأجتماعية، أحب اشاركك فى تجربتى الشخصية، كان عندى اهتمام بالخطوط المتوازية، تطور الى هوس، يعنى ممكن كنت ارجع اطلع الدور التاسع علشان دواسة باب الشقة كانت مش متوازية مع الباب و أنا خارج و الناس كانت ممكن تضحك عليا و انا باركن ركنة سهلة جدا فى عشر دقايق علشان عاوز العربية متعامدة بزاوية 90 على الرصيف و انزل و اركب 4-5 مرات, و تخيلى بقى حياتى كانت عاملة ازاى أو حطى نفسك مكان مراتى ايام الخطوبة و احنا قاعدين فى اى مكان و كل اهتمامى ان كل حاجة على الترابيزة تبقى متوازية.

باختصار زى الادمان بالضبط، ووصلت لمرحلة انى لازم ابطل، طب ازاى؟، دورت كتير و قرأت كتير ووصلت لطريقة صعبة، بس نتائجها مذهلة، ابتديت اسيب لوحة واحدة معوجة شوية و اتحدى نفسى هسيبها قد ايه، و بعدين ابتديت اتحدى نفسى هركن فى كام ثانية و هلم جرا، و شوية شوية الأمور بقت طبيعية و مبقاش يجيلى ارتكاريا لما اشوف يافطة معووجة فوق عمارة او واحد مش ماشى موازى للرصيف.

انتى لازم تتعمدى تعملى عكس اللى انتى عاوزاه، يعنى تبتدى بانك تسيبى دواسة واحدة غير نضافة و بعدين العربية تسيبيها كام يوم، يعنى بالبلدى كدا تجمدى قلبك و تتحدى نفسك انك تبقى مهملة شوية، يعنى عكس اللى انتى بتعمليه تماما و جربى و مش هتخسرى حاجة و يمكن ربنا يهديلك نفسك و تلاقى ان الكمال لله وحد و ان كل انسان لازم يكون له عيوب، علشان الناس تشوف مزاياه

حاولت النهاردة و قلت خللااص خلى البواب ينضف و انا مش هبص برضه نزلت بصييييت و فجاة دمى بيتحرق و اتنرفز لان العربية مش نضيفة

بس فعلا انا متهيالى التراب زايد شوية اليومين دول

بس فعلا الموضوع محتاج مجهود لحد ما يطلع من دماغى

ربنا يعينني

المشاركة الأصلية كتبت بواسطة mmolazem

لو ممكن اقول رأى فى الموضوع ؟؟؟؟؟
- سؤال بسيط فى المرور عن اجراءات تغيير لون العربيه.
وتختارى اللون اللى يعجبك .... والسؤال عن التكلفه .... ويلا .

واهو بالمره يمكن فى المرور يشبطو فيكى ........ ويدفعوكى الضريبه الجديده .... !!!!

لا حرام اعمل كدة و العربية متبقاش فبريقة