السلام عليكم ورحمة الله وبركاته
انهارده فجاه كده كنت بجيب حاجه ورجعت العربية بشغل الكاست لقيته اشتغل بس مفيش اى تحكم فى اى زرار ولا صوت ولا تغير اغنية او اقلب لراديو وجربت كتير وبطلت وادور تانى نفس العطل
فقولت افصل كهربه العربية وارجعها تانى وبردو لا حياة لمن تنادى وشكلى كده هروح اعملهم مشكله فى التوكيل عشان حرام كاسيت 3 شهور ويعطل كده
ياترى حد حصل معاه كده
لأ انا عربيتى بقالها شهرين بس ما حصلش كده
ان شاء الله خير بس ياريت لما تروح وتعرف العطل ايه تبقى تطمنا
اقتباس:
المشاركة الأصلية كتبت بواسطة atyam
ماتقلقش .. الموضوع مش كبييير اوي كده ... وإنشاء الله يعملهولك في السريع ..( اغلب الظن ) انه مافيهوش حاجة وانه محتاج ( software reset ) في ثواني ... او سلكة ارضي فاصلة من الجاك بتاعة ......
الف شكر للردود
انا روحت التوكيل اليوم وصلحوه فى ثوانى والمهندس قالى انى لازم افصل الكاست وانا بدور او وانا ببطل وانا فعلا كنت بدور وافصل والكاست شغال وقالى لو علق معاك تانى تعالالى وانا ابدلهولك
اقتباس:
المشاركة الأصلية كتبت بواسطة atyam
و فعلا لو وقف تاني بيغيروه
لا تقلق