بعد مشوار بالعربية بحس أن فى صوت كركرة وأنا ببطلها مش عارف ده سببو أيه مع العلم المشوار حوالى ساعة و نصف أو ساعتين
عرض للطباعة
بعد مشوار بالعربية بحس أن فى صوت كركرة وأنا ببطلها مش عارف ده سببو أيه مع العلم المشوار حوالى ساعة و نصف أو ساعتين
غالبا صوت المروحه
عزيزي
صوت كركره ولا رجرجه تقصد؟؟؟
لان ممكن الكهربا عايزة تتظبط ده لو انت لعبت فيها مؤخرا انما لو مجتش ناحيتها ممكن تكون البواجي عايزه تتغير او فلتر الهوا مسدود وعايز تنظيف
وانتبه لتكون بتبطل العربية والمروحه دايره لان ده لوحده ممكن يخلي المكنه تترج
تحياتي
دى بلية ف الاكس اللى بيركب عليها الاسطوانة و لما بتبوش شوية بيعمل صوت الكركرة دى بس عادى مفهاش مشكلة و عشان تفكر تغيرها لازم الفتيس ينزل ف بلاش دلوقت لما تعمل صيانة لطفم الدبرياج ابقى غير بلية الدرك بالمرة - عموما برضوا راجع على مستوى زيت الفتيس باستمرار
أسلام عليكم
انا بقى بسمع صوت عامل زى مايكون حد بيفضى شكارة رز جوه الكبوت وانا ماشى
بذات لما ادوس بنزين اول مارفع رجلى يضيع قعدت ادور ممكن في حاجه بلاستيك بتتهز هى اللى بتعمل كده ولزقت ودنى بالتبلوه وانا ماشى عشان الاقيها الحاجة البلاستيك دي ف ملقيتش
ياترى في حد يعرف ده يبقى إيه
الحكاية دى عندى و غلبت علشان اجمع الرز اللى بتتكلم عنه و فشلت
و فى النهاية بعد كام لفة على الميكانيكية
فتحت الكبوت و العربية واقفة و حطيت ودنى على الموتور و خليت الميكانيكى يزود بالراحة
لقيت الصوت منشأه الموتور
مع انى كنت اتخيل انه من الفتيش او العجل
و للعلم الميكانيكى ما رديش يقول لى الصوت ده ايه و قال لى امشى بالعربية و عادى و انا لسه ماشى و الصوت مستمر