حجزت كروز 2012 وعرفت معلومه

اعضاء منتدى شيفروليه الكرام ومالكى شيفروليه كروز المحترمين,

اولا انا قمت من يومين بحجز كروز هاى لاين 2012 سوداء من التوكيل اللى فى شارع الطيران وان شاء الله هستلم يوم الاحد واثناء كلامى مع مهندس المبيعات قالى معلومه غريبه,كنت بتكلم معاه ان فى بعض موديلات الكروز حصلت مشكله ان العربيه بتبطل وانى متخوف من الموضوع ده,قالى دى كانت فعلا مشكله فى بعض الموديلات السابقه وده بسبب ان كان فيه عدم توافق بين برمجه العربيه(السوفت وير بتاع العربيه) ونوعيه البنزين اللى عندنا وانه خلاص تم تدارك المشكله دى ومبقتش بتظهر,انا بصراحه مش متعمق اوى فى ميكانيكا السيارات علشان كدا حبيت اشارك المعلومه معاكم ايه رأيكم؟
ثانيا السؤال التقليدى هل فيه اى حاجه معينه اخد بالى منها وانا بستلم؟

تمنوا لى التوفيق مع سيارتى الجديده,

تحياتى

معلومه فكسانه قوى العيب اكيد فى السوفت وير مش البنزين

معلوماتى ان العيب ده فى 2010 و فى المانيوال
كالعاده جرب كل حاجه فى العربيه و بص على الجسم الخارجى معتقدش فى حاجه خاصه بالكروز و اختم الضمان بعد ما تطلع الرخصه على طول

وبالتوفيق
عربيه جميله :)

اعتقد أيضاً انها مشكله سوفت وير فقط و الف مبروك على السياره

هوة ايه علاقه البنزين بالسوفت وير -وازى تبطل المفروض الاداء يتغير مش تبطل ولو بطلت يبقه ما فيش فرامل ولا بور استر يا رب

مبروك الحجز وان شاء الله تستلم على خير

نصيحه فكر تانى فى موضوع اللون الاسود :)

هو شيك طبعا وانا اصلا عربيتى سودا وبعشق الاسود بس هايتعبك جدا فى النضافه وفى الصيف كمان العربيه بتمتص الحراره اكتر من الالوان التانيه

مبروك عليك مقدما

حضرتك حجزت اى فئه وبكام وايه كماليتها؟

اقتباس:

---

المشاركة الأصلية كتبت بواسطة hosam_optrawy

نصيحه فكر تانى فى موضوع اللون الاسود :)

هو شيك طبعا وانا اصلا عربيتى سودا وبعشق الاسود بس هايتعبك جدا فى النضافه وفى الصيف كمان العربيه بتمتص الحراره اكتر من الالوان التانيه

---

+11111

صدقنى هيكرهك فى حياتك :@

الفيرانى جميل أوى عليها

الاسود بالليل حكايه :)

اقتباس:

---

المشاركة الأصلية كتبت بواسطة hosam_optrawy

مبروك الحجز وان شاء الله تستلم على خير

نصيحه فكر تانى فى موضوع اللون الاسود :)

هو شيك طبعا وانا اصلا عربيتى سودا وبعشق الاسود بس هايتعبك جدا فى النضافه وفى الصيف كمان العربيه بتمتص الحراره اكتر من الالوان التانيه

---

مطلع تلاتة تربنتيني في النظافة والخرابتش ّ!!!

انا مش عارف اقول ايه بصراحه....

اولا شكرا لكم جميعا يا جماعه على الردود والاهتمام بس بصراحه انا واجهتى اتغيرت خالص,بأختصار انا كنت حاجز الشيفروليه من اسبوع وكنت المفروض هستلم بكره او السبت بالكتير ولكن اول امبارح كنت مع واحد صاحبى معاه فلونس وسوقتها واخدت فكره عنها وانبهرت جدا وفضلت اقرا عن العربيه طول اليوم امبارح ونزلت بليل على موزع معتمد جنبى وقررت اجيبها وحجزتها خلاص والنهرده هلغى حجز الكروز

شكرا مره تانيه على نصايحكم ونقل خبراتكم الامينه بس الظاهر مش مكتوبلى ابقى من اعضاء منتدى شيفروليه

تحياتى

الفوانس افضل بكتير من الكروز بس عيبها قطع الغيار الغالية و سعر اعادة البيع

لكن كعربية بسم الله ماشاء الله عليها ( خامات - شكل - اوبشن - واسعة - تقفيل )

ربنا يباركلك فيها وتستلمها على خير

لو حضرتك ناوى تبيع قبل 6 سنين على الاقل لازم تعمل حساب اعادة اليعه لانها حتنزل فى السعر النص زى الميجان2

زعلتنا كده !!

سواء دى او دى الف مبروك مقدما وربنا يباركلك فيها

محدش عارف نصيبه ممكن بكره نلاقيك اشتريت عربيه تالته :)

اقتباس:

---

المشاركة الأصلية كتبت بواسطة semsem kane

الفوانس افضل بكتير من الكروز بس عيبها قطع الغيار الغالية و سعر اعادة البيع

لكن كعربية بسم الله ماشاء الله عليها ( خامات - شكل - اوبشن - واسعة - تقفيل )

ربنا يباركلك فيها وتستلمها على خير

---

هو فعلا انا لما ركبت الكروز وبعد كدا ركبت الفلوانس حسيت بفرق شاسع سواء فى الراحه او فى فرق جوده الخامات الملحوظ اوى او فى فرق الامكانيات بين العربيتين ولكن بصراحه الحاجه الوحيده اللى حسيت فيها ان الكروز بتتفوق هى الشكل الخارجى,انا لحد دلوقتى بشوف الكروز شكلها احلى بكتير عن الفلونس واحلى من عربيات تانيه كتير وان كانت طبعا فى المقام الاول مسئله اذواق

شكرا لمرورك ومشاركتك

تحياتى

اقتباس:

---

المشاركة الأصلية كتبت بواسطة hossam_elwani

لو حضرتك ناوى تبيع قبل 6 سنين على الاقل لازم تعمل حساب اعادة اليعه لانها حتنزل فى السعر النص زى الميجان2

---

لا لا لا لا انا بتمنى انى مدخلش فى دوامه انى كل كم سنه اغير العربيه,انا كان معايا سيريون 2009 ومكنتش ناوى اغير خالص ولكن لسبب معين قررت اغير وبصراحه انا شايف الفلوانس عربيه ممتازه تستاهل انى مغيرهاش دلوقتى خالص خصوصا انى عارف انى لو دخلت فى ادمان تغيير العربيات مش هخلص وكل كم سنه هشوف حاجه جديده تبهرنى والموضوع هيبقى فيه خساره جامده

شكرا لمرورك ونصيحتك

تحياتى

اقتباس:

---

المشاركة الأصلية كتبت بواسطة legend_mohsen

زعلتنا كده !!

---

صدقنى انا من فتره كانت عينى على الكروز بس النصيب بقى,انا فعلا فى يوم وليله غيرت فكرى بس فعلا الكروز فى نظرى هتفضل عربيه اكن لها كل الاحترام

اقتباس:

---

المشاركة الأصلية كتبت بواسطة hosam_optrawy

سواء دى او دى الف مبروك مقدما وربنا يباركلك فيها

محدش عارف نصيبه ممكن بكره نلاقيك اشتريت عربيه تالته :)

---

شكرا حسام بك ووسام على صدرى انى اعمل موضوع ويشارك فيه حسام اوبتراوى اللى معروف فى المنتدى كله,بس ارجوك بلاش موضوع بكره اشترى عربيه تالته ده انا ماصدقت استقريت على الفلوانس ومرتاح لأختيارى,مش عايز ارجع احتار تانى احسن انا كدا هتجنن بقى :)

شكرا لمشاركتك حسام بك

تحياتى

اقتباس:

---

المشاركة الأصلية كتبت بواسطة gmakram

شكرا حسام بك ووسام على صدرى انى اعمل موضوع ويشارك فيه حسام اوبتراوى اللى معروف فى المنتدى كله,بس ارجوك بلاش موضوع بكره اشترى عربيه تالته ده انا ماصدقت استقريت على الفلوانس ومرتاح لأختيارى,مش عايز ارجع احتار تانى احسن انا كدا هتجنن بقى :)

شكرا لمشاركتك حسام بك

تحياتى

---

يافندم العفو ربنا يخليك كلك ذوق

والف مبروك مره تانيه

ربنا يوفقك لما فيه الخير ان شاء الله
بس ديه كروز برضه ندمت اشد الندم والله اني بعتها
ربنا يوفقك في الاختيار و الف مبروك

اقتباس:

---

المشاركة الأصلية كتبت بواسطة nouranwar

ربنا يوفقك لما فيه الخير ان شاء الله
بس ديه كروز برضه ندمت اشد الندم والله اني بعتها
ربنا يوفقك في الاختيار و الف مبروك

---

طب بعتها ليه ؟
انا مش ناوى ابيعها الا لو هجيب بى ام او اسيب البلد

اقتباس:

---

المشاركة الأصلية كتبت بواسطة mido

طب بعتها ليه ؟
انا مش ناوى ابيعها الا لو هجيب بى ام او اسيب البلد

---

ربنا يباركلك فيها يارب
هي فعلا لو هتنزل من الكروز تطلع لفئة زي البي ام او المرسيدس ده بالنسبالي انا علشان انا بقدر و بعشق الكروز بطريقة وهمية
بالنسبة لبعتها ليه كنت كاتب الاسباب هنا في المنتدي قبل السيرفر مايقع و كل مواضيعي عن الكروز في المنتدي اتمسحت و مرجعتش
انا بعتها علشان كان فيها مشاكل كتير و عملت بيها حادثة صغيرة بس كانت مؤثرة عايا :36_2_49[1]: انا كنت شاريها مستعملة :(

ربنا يعوض عليك بأحسن منها ان شاء الله

يامعالي الباشا كل حاجة ليها مزايا وعيوب ولا يعيب الفلوانس غير اسعار قطع الغيار بس احب اطمنك انك قدام هتجيب زيرو يبقي الخيرة فيما اختارة الله
وبالتوفيق ف الاختيار السليم

الف مبروك الفلوينس و سيبك من الكلام ان اسعار قطع غيارها غالية لانة مش صحيح, اسعارها حتكون متقاربة جدا من الالنترا الجديدة و يمكن اقل, روح شوف غابور بيبيع المرايا او الفانوس للالنترا 2012 بكام و انت تعرف بنفسك.... اللى بيقول اسعار قطع غيار الكورى رخيص بقولة فوق لان دى خدعة كبيرة ... الكلام ده كان زمان يا اما قطع غيار خارج التوكيل و مش اصلية, لكن داخل توكيل غابور حتشوف اسعار اعلى من توكيل الفلوينس كمان