استفسارات بخصوص الاكسنت.. ارجو الرد

**shnieder7** · 20-12-2011 12:30 PM

كنت حابب استفسر عن السيارة الاكسنت لاني ناوي اشتري واحدة استعمال

فا كنت عايز ترشيحاتكو
ايه هيا لموديلات اللي كاربراتير وايه اللي انجكشن أصلا علشان معلوماتي لسة ضعيفة

ترشحولي انهي موديلات.. على حسب توافر قطع الغيار ومستوى اسعارها واستهلاك البنزين

وكل موديل ياريت تقولولي سعره المناسب لو العربية بحالة الزيرو أو فابريكة بالكامل وفول اوبشن

شكرا جزيلا

**MohssenRashed** · 20-12-2011 12:39 PM

بص ياريس كل ال 1300 سي سي كاربراتير ( فاضية و في منها بتكيف) و كل 1500 سي سي انجكشن فول اوبشن ( بور-تكيف-زجاج امامي كهرباء)

الموديلات 1300 سي سي من 1998 الي 2000 تقريبا و بعدين نزلت تاني في 2005.
الموديلات 1500 سي سي من 1998 الي 2000 تقريبا و في منها اوتوماتيك و منزلتش تاني.

بالنسبة للاسعار معرفش الصراحه اللي معانا 98 بس 1300 سي سي فاضيه خالص من غير تكيف.

نصيحتي ليك شوف 1500 سي سي كامله تكون حاله كويسه.

**shnieder7** · 20-12-2011 01:01 PM

شكرا ليك جدا على سرعة الرد

ياريت لو تقولي حاجة عن مستوى اسعار قطع الغيار لان العربية لعيلة .. واكيد صعب يجيبوا عربية قطع غيارها عالية ومعندناش اي معلومات عن مستواها بصراحة

شكرا قوووووووي

**verna2008auto** · 20-12-2011 01:07 PM

المشاركة الأصلية كتبت بواسطة shnieder7

كنت حابب استفسر عن السيارة الاكسنت لاني ناوي اشتري واحدة استعمال

فا كنت عايز ترشيحاتكو
ايه هيا لموديلات اللي كاربراتير وايه اللي انجكشن أصلا علشان معلوماتي لسة ضعيفة

ترشحولي انهي موديلات.. على حسب توافر قطع الغيار ومستوى اسعارها واستهلاك البنزين

وكل موديل ياريت تقولولي سعره المناسب لو العربية بحالة الزيرو أو فابريكة بالكامل وفول اوبشن

شكرا جزيلا

Accent LC (2000–2005)
هيا هيا الفيرنا لحد دلوقتي ....... 100 %

**MohssenRashed** · 20-12-2011 01:19 PM

المشاركة الأصلية كتبت بواسطة shnieder7

شكرا ليك جدا على سرعة الرد

ياريت لو تقولي حاجة عن مستوى اسعار قطع الغيار لان العربية لعيلة .. واكيد صعب يجيبوا عربية قطع غيارها عالية ومعندناش اي معلومات عن مستواها بصراحة

شكرا قوووووووي

قطع الغيار متوفره جدا جدااااااااااااا في منها جديد ( اصلي و كوري بس مش اصلي و صيني و تايواني و مصري ) و استيراد ( انصص و كل حاجه).

**MohssenRashed** · 20-12-2011 01:21 PM

المشاركة الأصلية كتبت بواسطة verna2008auto

Accent LC (2000–2005)
هيا هيا الفيرنا لحد دلوقتي ....... 100 %

فعلا و الاصح هيه هيه فيرنا فيفا. و هتلاقيها ليبيا كتير

**verna2008auto** · 20-12-2011 01:36 PM

المشاركة الأصلية كتبت بواسطة mohssenrashed

فعلا و الاصح هيه هيه فيرنا فيفا. و هتلاقيها ليبيا كتير :s_thum1[1]:

الفيفا شغالة بره كتير في مصر لا
يبقا الحنين ( الاكسنت إل سي ) او الفيرنا المصري مش الفيفا الهندي

**egy_3assy** · 20-12-2011 03:30 PM

بص يا معلم .. العربية دي هايلة .. انا معايا ال 1300 cc موديل 99 .. تكييف وسنتر وزجاج كهربا .. هي ثباتها مش اد كدة بس المشكلة عندي اتحلت بالجنط .. بالنسبة لقطع الغيار رخيصة جدا ومتوفرة الحمد لله .. يعني جوز الكبالن جايبهم ب 160 جنية ,, والاصلي ب 280 جنية ... و مثلا الفانوس ب 80 جنية .. الحاجات بتاعتها سهلة و اي حد بيفهم فيها .. من الاخر دور على حالة نضيفة و هتركبها وتنساها.

**amrelsha3er** · 20-12-2011 08:11 PM

السلام عليكم انا كمان ياجماعه ناوى اجيب اكسنت من موديل 98الى2001 ال1500سى سى حد يعرف الحاله الكويسه للعربيه دى بالمواصفات دى شوقها كم نظرا لاختلاف تسعير العربيه دى لدى ملاكها فى ناس طالبه35 وناس طالبه لحد45 نفس الموديل والامكانيات حد يعرف سوقها الحقيقى اللى مفروض متزدش عنه تكون حاله جيده مش محتاجه مصاريف كم كتر الف خيركو ولى معاه العربيه دى برضو ياريت يوضح لنا عيوبها ايه اكيد كل عربيه فيها عيوب لكم جزيل الشكر