الموضوع: استيكر نايل موتورز الرئيسى أو الفرعى ( تنبيه ادارى )

المشاركة الأصلية كتبت بواسطة marawansabry

هو غلاء سعر الاستيكر دة .. تضامنا مع الثورة ولا مع موجه غلاء الاسعار العالمية .. دا حتى اليومين دول حملة اشترى المصرى وعملين تخفيضات.
بصراحة بقي يعنى هو المفروض ان اعداد المنتسبين للمنتدى زاد وبالتالي اعداد المشترين للاستيكر هتزيد ان شاء الله .. فبالتالي المبلغ الاجمالى ان شاء الله هيزيد .. من غير غلاء اسعار ولا حاجة
الزملاء الاعزاء مسئولى المنتدى .. احب المنتدى جدا واحترمة .. ولكن سامحونى انا مختلف معكم في موضوع غلاء الاستكر.
حتى لو في نية لغلاء الاستيكر متبقاش في الوقت دة خالص .. الدنيا ميش مستحملة
ممكن حد يقلى دا ذاد عشرين جنية يا عم ميش 100 جنية .. انا بتكلم عن المبدأ .. يعنى عشرين زيادة في الاستيكر وعشرة في السكر وخمسة في الأرز .. لا بجد حرام .. يعنى لازم تبقي عنينا على اللي بيحصل حولينا ومراعيين للظروف .. دي الناس بتطرد من اشغالها دلوقتي .. واعرف ناس حاليا قاعدين بدون عمل.
ممكن فعلا تكونوا محتاجين موارد تنموا بيها المنتدي .. بس اعذروني دا ميش وقتوا خالص
ارجو من سيادتكم اعادة تقييم الموقف .. (من ولى امرا من امور المسلمين فيسر عليهم يسر الله له).
اسف للاطالة .. السلاما عليكم

حضرتك سعر الاستيكر فقط من البداية 50 جنيه تم عمل عرض لفترة وتم تخفيض سعره ل 30 جنيه
وقد انتهت فترة االعرض وعاد سعره ل 50 جنيه ولكن مع اضافة اخرى وهى الاستيكر الفرعى للاقسام
حاليا تقدر تشترى الاتنين مع بعض ب 50 جنيه او تشترى احدهما منفردا بنفس السعر
والحمدلله كل من يقوم بشراء الاستيكر يحصل فى المقابل على خصومات تزيد كثيرا عن سعره

المشاركة الأصلية كتبت بواسطة eng_hatemfathy

سؤال قد يكون خارج الموضوع بس فعلا محيرنى
انا عارف ان بعض المنتديات تكون ربحيه اى تهدف الى الربح وذلك من خلال الاعلانات المدفوعه -انا نفسى من ساعة ما اشتركت فىالمنتدى وعجبنى انى اعرف تفاصيل اداريه عن المنتدى يعنى الهيكل الادارى -موقع السيرفر-مصادر التمويل-الميزانيه وطبعا مش هسأل عن ارباح علشان محدش يفهمنى غلط-ههههههههههه

الحمدلله نايل موتورز من بدايته حتى اليوم وان شاء الله الى ما شاء الله هدفه ليس ربحى
ومصدر التمويل الوحيد هو الاستاذ كريم منير يساعده فى جزء من تلك التكاليف دخل الاعلانات المدفوعة
الهيكل الادارى يرأسه الاستاذ كريم منير رئيس مجلس الادارة ومجموعة من الاعضاء المؤسيين يمثلون مجلس ادارة المنتدى
والمدير التنفيذى والمدير الادارى ومجموعة كبيرة من المشرفين جميعهم يعملون تطوعيا