عايز مساعدة من اعضاء المنتدي الكرام ..انا عندي انترفيو بكرة ان شاء الله في شركة في العاشر من رمضان المنطقة الصناعية الخامسة ..عايز اعرف اروح ازاي مواصلات من رمسيس ..وشكرا لكم مقدما
عرض للطباعة
عايز مساعدة من اعضاء المنتدي الكرام ..انا عندي انترفيو بكرة ان شاء الله في شركة في العاشر من رمضان المنطقة الصناعية الخامسة ..عايز اعرف اروح ازاي مواصلات من رمسيس ..وشكرا لكم مقدما
ممكن تشوف السوبر جيت
السلام عليكم
من رمسيس هتركب أى حاجة رايحة موقف السلام - العاشر من رمضان و تنزل هناك هتلاقى موقف كبير جدا و تركب من هناك أى ميكروباص رايح موقف الاردنية فى العاشر من رمضان و تنزل الاردنية و تركب تاكسى للمكان اللى انت عايزة و بالتوفيق ان شاء الله .
انت هتركب من رمسيس عربيات مدينة السلام والعاشر
لو ملقيتش اركب عربيات الجراج ومساكن عين شمس وانزل الجراج وبتعدين اركب عربيات مدينة السلام والعاشر
تنزل موقف العاشر وتاخد الميكروباص لحد العاشر من رمضان
الرحلة كلها ممكن تاخد حوالي 1.30 الى 2.00 ساعة
سوبر جيت من الترجمان واشتري دماغك :)
الف شكر لكل اللي ردو .. بس بالنسبة للسوبر جيت ده بمواعيد ثابتة ولا ايه ..وهينزلي فين بالظبط ..
مواعيده ثابته بس انزل بدرى وهو هيوديك مركز المدينه اللى هو (الاردنيه وتنزل تاخد اى تاكسى حسب المكان اللى انت رايحه )وربنا يوفقك
طيب هوا ممكن انزل احجز من دلوقتي ولا لأ ..
مافيش حجز بس ممكن تتصل وتعرف مواعيده بس هو تقريبا بيطلع كل نص ساعة
شكرا جزيلا لكم يا جماعة ..انا روحت بنفسي وسألت وطلع فعلا بيطلع كل نص ساعة ...دعواتكم بقي يا رجالة :)